పోషకాలు పూర్తిగా అందాలంటే పండ్లు ఎప్పుడు తినాలి?
- భోజనానికి ముందు పండ్లు తినడం మంచిదంటున్న నిపుణులు
- భోజనానికి 30 నిమిషాల ముందు పండ్లు తింటే కడుపు నిండిన భావన
- హెవీగా తిన్న వెంటనే పండ్లు తింటే ఉబ్బరం రావొచ్చని హెచ్చరిక
- మధుమేహం ఉన్నవారు ప్రొటీన్ లేదా ఆరోగ్యకరమైన కొవ్వులతో కలిపి తీసుకోవాలంటున్న నిపుణులు
- భోజనాలకు మధ్యలో పండ్లను స్నాక్గానూ తీసుకోవచ్చని సూచన
పండ్లు తినడం ఆరోగ్యానికి ఎంతో మేలు. విటమిన్లు, ఖనిజాలు, పీచు పుష్కలంగా లభిస్తాయి. అయితే భోజనానికి ముందు తినాలా? తర్వాత తినాలా? అన్న సందేహం చాలామందిలో ఉంటుంది. పండ్లను సరైన సమయంలో తీసుకుంటే పోషకాలు అందడంతో పాటు జీర్ణక్రియ కూడా సాఫీగా సాగుతుందని నిపుణులు చెబుతున్నారు.
భోజనానికి ముందే..
పండ్లలో సహజ చక్కెరలు, కరిగే పీచు ఎక్కువగా ఉంటాయి. ఇవి ప్రొటీన్లు, కొవ్వులతో పోలిస్తే త్వరగా జీర్ణమవుతాయి. అందుకే ఖాళీ కడుపుతో లేదా ప్రధాన భోజనానికి ముందు పండ్లు తీసుకోవడం మంచిదని నిపుణులు సూచిస్తున్నారు. భోజనానికి సుమారు 30 నిమిషాల ముందు పండ్లు తింటే కడుపు నిండిన భావన కలుగుతుంది. దీంతో భోజనంలో అతిగా తినకుండా ఉండొచ్చు.
భోజనం తర్వాత తింటే?
బిర్యానీ, మాంసాహారం వంటి భోజనం చేసిన వెంటనే పండ్లు తింటే జీర్ణక్రియ కొంత ఆలస్యం కావచ్చు. కొందరిలో ఉబ్బరం, గ్యాస్ వంటి ఇబ్బందులు కనిపించే అవకాశం ఉంది. అయితే పండ్లు కడుపులో కుళ్లిపోతాయన్న ప్రచారంలో నిజం లేదని వైద్య నిపుణులు చెబుతున్నారు. కడుపులో ఉండే ఆమ్లాలు హానికర బ్యాక్టీరియాను నియంత్రిస్తాయి.
మధుమేహం ఉన్నవారు ఇలా..
మధుమేహం ఉన్నవారు కేవలం పండ్లను కాకుండా ప్రొటీన్, ఆరోగ్యకర కొవ్వులు లేదా సంక్లిష్ట కార్బోహైడ్రేట్లు ఉన్న ఆహారంతో కలిపి తీసుకోవచ్చు. ఇలా చేయడం వల్ల పండ్లలోని చక్కెర శరీరంలోకి నెమ్మదిగా చేరుతుంది. రక్తంలో గ్లూకోజ్ ఒక్కసారిగా పెరగకుండా తోడ్పడుతుంది.
స్నాక్గా తీసుకోవచ్చు
ఉదయం లేదా మధ్యాహ్నం భోజనానికి మధ్య పండ్లను స్నాక్గా తీసుకోవడం మంచి అలవాటు. భోజనానికి రెండు గంటల ముందు లేదా రెండు గంటల తర్వాత పండ్లు తినడం కూడా సౌకర్యవంతమైన పద్ధతిగా నిపుణులు సూచిస్తున్నారు. వ్యక్తిగత జీర్ణశక్తి, ఆరోగ్య పరిస్థితిని బట్టి సమయాన్ని మార్చుకోవచ్చు.
భోజనానికి ముందే..
పండ్లలో సహజ చక్కెరలు, కరిగే పీచు ఎక్కువగా ఉంటాయి. ఇవి ప్రొటీన్లు, కొవ్వులతో పోలిస్తే త్వరగా జీర్ణమవుతాయి. అందుకే ఖాళీ కడుపుతో లేదా ప్రధాన భోజనానికి ముందు పండ్లు తీసుకోవడం మంచిదని నిపుణులు సూచిస్తున్నారు. భోజనానికి సుమారు 30 నిమిషాల ముందు పండ్లు తింటే కడుపు నిండిన భావన కలుగుతుంది. దీంతో భోజనంలో అతిగా తినకుండా ఉండొచ్చు.
భోజనం తర్వాత తింటే?
బిర్యానీ, మాంసాహారం వంటి భోజనం చేసిన వెంటనే పండ్లు తింటే జీర్ణక్రియ కొంత ఆలస్యం కావచ్చు. కొందరిలో ఉబ్బరం, గ్యాస్ వంటి ఇబ్బందులు కనిపించే అవకాశం ఉంది. అయితే పండ్లు కడుపులో కుళ్లిపోతాయన్న ప్రచారంలో నిజం లేదని వైద్య నిపుణులు చెబుతున్నారు. కడుపులో ఉండే ఆమ్లాలు హానికర బ్యాక్టీరియాను నియంత్రిస్తాయి.
మధుమేహం ఉన్నవారు ఇలా..
మధుమేహం ఉన్నవారు కేవలం పండ్లను కాకుండా ప్రొటీన్, ఆరోగ్యకర కొవ్వులు లేదా సంక్లిష్ట కార్బోహైడ్రేట్లు ఉన్న ఆహారంతో కలిపి తీసుకోవచ్చు. ఇలా చేయడం వల్ల పండ్లలోని చక్కెర శరీరంలోకి నెమ్మదిగా చేరుతుంది. రక్తంలో గ్లూకోజ్ ఒక్కసారిగా పెరగకుండా తోడ్పడుతుంది.
స్నాక్గా తీసుకోవచ్చు
ఉదయం లేదా మధ్యాహ్నం భోజనానికి మధ్య పండ్లను స్నాక్గా తీసుకోవడం మంచి అలవాటు. భోజనానికి రెండు గంటల ముందు లేదా రెండు గంటల తర్వాత పండ్లు తినడం కూడా సౌకర్యవంతమైన పద్ధతిగా నిపుణులు సూచిస్తున్నారు. వ్యక్తిగత జీర్ణశక్తి, ఆరోగ్య పరిస్థితిని బట్టి సమయాన్ని మార్చుకోవచ్చు.
