- బరువు నియంత్రణకు బ్లాక్‌ టీ కొంతవరకు తోడ్పాటు
- చక్కెర లేని టీలో కేలరీలు చాలా తక్కువ
- పాలీఫెనాల్స్‌ జీవక్రియపై ప్రభావం చూపే అవకాశం
- రోజుకు ఒకటి నుంచి మూడు కప్పులు తీసుకోవచ్చంటున్న నిపుణులు
- బరువు తగ్గడానికి వ్యాయామం, ఆహార నియంత్రణ తప్పనిసరి
బరువు తగ్గాలనుకునేవారు ఆహారంతో పాటు పానీయాల విషయంలోనూ జాగ్రత్తలు తీసుకుంటారు. ఈ క్రమంలో చాలామంది బ్లాక్‌ టీని తమ రోజువారీ అలవాట్లలో భాగం చేసుకుంటున్నారు. చక్కెర లేకుండా తయారుచేసే ఈ టీ బరువు నియంత్రణకు కొంతవరకు ఉపయోగపడుతుందని ఆరోగ్య నిపుణులు చెబుతున్నారు. అయితే బ్లాక్‌ టీ తాగితేనే బరువు తగ్గిపోతుందా? ఇందులో నిజమెంత?
కేలరీలు తక్కువ.. ప్రయోజనం ఎక్కువ!
సాధారణ బ్లాక్‌ టీలో కేలరీలు చాలా తక్కువగా ఉంటాయి. చక్కెర కలిపిన టీ, శీతల పానీయాలు, తీపి కాఫీలకు బదులుగా దీన్ని తీసుకుంటే రోజువారీ కేలరీల మోతాదును తగ్గించుకోవచ్చు. అయితే ఇందులో చక్కెర, తేనె, క్రీమ్‌ కలిపితే కేలరీలు పెరుగుతాయి.
జీవక్రియపై ప్రభావం
బ్లాక్‌ టీలో పాలీఫెనాల్స్‌ అనే యాంటీఆక్సిడెంట్లు ఉంటాయి. వీటిలో థియాఫ్లేవిన్స్‌, థియారూబిజిన్స్‌ ముఖ్యమైనవి. ఇవి శరీరంలో కొవ్వులు, కార్బోహైడ్రేట్ల వినియోగంపై ప్రభావం చూపవచ్చని కొన్ని అధ్యయనాలు సూచిస్తున్నాయి. కొవ్వు జీవక్రియకు కూడా కొంతవరకు తోడ్పడవచ్చని పరిశోధనలు చెబుతున్నాయి.
పేగుల ఆరోగ్యానికీ మేలు
బ్లాక్‌ టీలోని పాలీఫెనాల్స్‌ పేగుల్లో ఉండే మంచి బ్యాక్టీరియాపై ప్రభావం చూపవచ్చు. ఇది జీవక్రియ ఆరోగ్యానికి తోడ్పడే అవకాశం ఉంది. అయితే బ్లాక్‌ టీ మాత్రమే తాగడం వల్ల బరువు తగ్గుతారని చెప్పడానికి తగిన ఆధారాలు లేవు.
రోజుకు ఎన్ని కప్పులు తాగాలి?
బరువు తగ్గడానికి రోజుకు ఇన్ని కప్పుల బ్లాక్‌ టీ తాగాలనే నిర్దిష్ట మోతాదు ఇప్పటివరకు నిర్ధారణ కాలేదు. ఆరోగ్యంగా ఉన్న పెద్దలు తమ కెఫీన్‌ తీసుకునే సామర్థ్యాన్ని బట్టి రోజుకు ఒకటి నుంచి మూడు కప్పుల వరకు తీసుకోవచ్చని నిపుణులు. చక్కెర లేకుండా లేదా చాలా తక్కువ చక్కెరతో తాగడం మంచిది.
టీ ఒక్కటే సరిపోదు!
బ్లాక్‌ టీలో ఉండే కెఫీన్‌ తాత్కాలికంగా శరీరంలో శక్తి వినియోగాన్ని స్వల్పంగా పెంచవచ్చు. వ్యాయామానికి ముందు ఉత్సాహాన్నీ ఇవ్వవచ్చు. అయితే దీని ప్రభావం పరిమితమే. బరువు తగ్గాలంటే సమతుల ఆహారం, క్రమం తప్పని వ్యాయామం, తగినంత నిద్ర కూడా అవసరం. కేవలం బ్లాక్‌ టీ మీద ఆధారపడితే ఆశించిన ఫలితాలు రావని వైద్య నిపుణులు స్పష్టం చేస్తున్నారు.
కేలరీలు తక్కువ.. ప్రయోజనం ఎక్కువ!
సాధారణ బ్లాక్‌ టీలో కేలరీలు చాలా తక్కువగా ఉంటాయి. చక్కెర కలిపిన టీ, శీతల పానీయాలు, తీపి కాఫీలకు బదులుగా దీన్ని తీసుకుంటే రోజువారీ కేలరీల మోతాదును తగ్గించుకోవచ్చు. అయితే ఇందులో చక్కెర, తేనె, క్రీమ్‌ కలిపితే కేలరీలు పెరుగుతాయి.
జీవక్రియపై ప్రభావం
బ్లాక్‌ టీలో పాలీఫెనాల్స్‌ అనే యాంటీఆక్సిడెంట్లు ఉంటాయి. వీటిలో థియాఫ్లేవిన్స్‌, థియారూబిజిన్స్‌ ముఖ్యమైనవి. ఇవి శరీరంలో కొవ్వులు, కార్బోహైడ్రేట్ల వినియోగంపై ప్రభావం చూపవచ్చని కొన్ని అధ్యయనాలు సూచిస్తున్నాయి. కొవ్వు జీవక్రియకు కూడా కొంతవరకు తోడ్పడవచ్చని పరిశోధనలు చెబుతున్నాయి.
పేగుల ఆరోగ్యానికీ మేలు
బ్లాక్‌ టీలోని పాలీఫెనాల్స్‌ పేగుల్లో ఉండే మంచి బ్యాక్టీరియాపై ప్రభావం చూపవచ్చు. ఇది జీవక్రియ ఆరోగ్యానికి తోడ్పడే అవకాశం ఉంది. అయితే బ్లాక్‌ టీ మాత్రమే తాగడం వల్ల బరువు తగ్గుతారని చెప్పడానికి తగిన ఆధారాలు లేవు.
రోజుకు ఎన్ని కప్పులు తాగాలి?
బరువు తగ్గడానికి రోజుకు ఇన్ని కప్పుల బ్లాక్‌ టీ తాగాలనే నిర్దిష్ట మోతాదు ఇప్పటివరకు నిర్ధారణ కాలేదు. ఆరోగ్యంగా ఉన్న పెద్దలు తమ కెఫీన్‌ తీసుకునే సామర్థ్యాన్ని బట్టి రోజుకు ఒకటి నుంచి మూడు కప్పుల వరకు తీసుకోవచ్చని నిపుణులు. చక్కెర లేకుండా లేదా చాలా తక్కువ చక్కెరతో తాగడం మంచిది.
టీ ఒక్కటే సరిపోదు!
బ్లాక్‌ టీలో ఉండే కెఫీన్‌ తాత్కాలికంగా శరీరంలో శక్తి వినియోగాన్ని స్వల్పంగా పెంచవచ్చు. వ్యాయామానికి ముందు ఉత్సాహాన్నీ ఇవ్వవచ్చు. అయితే దీని ప్రభావం పరిమితమే. బరువు తగ్గాలంటే సమతుల ఆహారం, క్రమం తప్పని వ్యాయామం, తగినంత నిద్ర కూడా అవసరం. కేవలం బ్లాక్‌ టీ మీద ఆధారపడితే ఆశించిన ఫలితాలు రావని వైద్య నిపుణులు స్పష్టం చేస్తున్నారు.
