- చెన్నైలో అట్టహాసంగా జరిగిన అనిరుధ్ రవిచందర్, కావ్య మారన్ వెడ్డింగ్ రిసెప్షన్
- హాజరైన తమిళనాడు సీఎం విజయ్, డీఎంకే చీఫ్ స్టాలిన్, సూపర్ స్టార్ రజనీకాంత్
- వధూవరులను ఆశీర్వదించిన ఎడప్పాడి పళనిస్వామి, కమల్ హాసన్
- వేడుకలో సందడి చేసిన కేన్ విలియమ్సన్, భువనేశ్వర్ కుమార్, ముత్తయ్య మురళీధరన్
- నవంబర్ 11న గ్రీస్ వేదికగా జరిగిన అనిరుధ్, కావ్య మారన్ వివాహం
ప్రముఖ సంగీత దర్శకుడు అనిరుధ్ రవిచందర్, సన్ టీవీ గ్రూప్ చైర్మన్ కళానిధి మారన్ కుమార్తె కావ్య మారన్ వివాహ రిసెప్షన్ శనివారం చెన్నైలో అత్యంత ఘనంగా జరిగింది. ఈ వేడుకకు తమిళనాడు ముఖ్యమంత్రి విజయ్, డీఎంకే అధ్యక్షుడు ఎంకే స్టాలిన్, సూపర్ స్టార్ రజనీకాంత్ తదితరులు హాజరై నూతన దంపతులను ఆశీర్వదించారు. నవంబర్ 11న గ్రీస్లో కుటుంబ సభ్యులు, అత్యంత సన్నిహితుల సమక్షంలో వీరి వివాహం జరగ్గా, తాజాగా చెన్నైలో రిసెప్షన్ ఏర్పాటు చేశారు.
ఈ వేడుకకు తమిళనాడు రాజకీయ రంగానికి చెందిన ప్రముఖులు పెద్ద ఎత్తున తరలివచ్చారు. సీఎం విజయ్, స్టాలిన్లతో పాటు ఏఐఏడీఎంకే ప్రధాన కార్యదర్శి ఎడప్పాడి కె. పళనిస్వామి, ప్రతిపక్ష నేత ఉదయనిధి స్టాలిన్, ద్రవిడర్ కళగం అధ్యక్షుడు కె. వీరమణి హాజరయ్యారు. డీఎంకే సీనియర్ నేత దురైమురుగన్, ఎంపీలు కనిమొళి, ఎ. రాజా, మాజీ మంత్రులు కె.ఎన్. నెహ్రూ, తంగం తెన్నరసు, సీపీఎం నేత కె. బాలకృష్ణన్ తదితరులు వచ్చి శుభాకాంక్షలు తెలిపారు.
సినీ రంగం నుంచి నటుడు, మక్కల్ నీది మయ్యం అధ్యక్షుడు కమల్ హాసన్, సౌందర్య రజనీకాంత్, రాధికా శరత్కుమార్, ప్రభు, కలైపులి ఎస్. థాను, దర్శకుడు ధరణి తదితరులు హాజరయ్యారు. సన్రైజర్స్ హైదరాబాద్ ఫ్రాంచైజీతో కావ్య మారన్కు ఉన్న అనుబంధంతో క్రికెట్ ప్రముఖులు కూడా విచ్చేశారు. న్యూజిలాండ్ స్టార్ బ్యాటర్ కేన్ విలియమ్సన్, భారత పేసర్ భువనేశ్వర్ కుమార్, శ్రీలంక స్పిన్ దిగ్గజం ముత్తయ్య మురళీధరన్ వేడుకలో సందడి చేశారు. రాజకీయ, సినీ, క్రీడా రంగాల కలయికతో జరిగిన ఈ రిసెప్షన్ ఫొటోలు ప్రస్తుతం సోషల్ మీడియాలో వైరల్ అవుతున్నాయి.
ఈ వేడుకకు తమిళనాడు రాజకీయ రంగానికి చెందిన ప్రముఖులు పెద్ద ఎత్తున తరలివచ్చారు. సీఎం విజయ్, స్టాలిన్లతో పాటు ఏఐఏడీఎంకే ప్రధాన కార్యదర్శి ఎడప్పాడి కె. పళనిస్వామి, ప్రతిపక్ష నేత ఉదయనిధి స్టాలిన్, ద్రవిడర్ కళగం అధ్యక్షుడు కె. వీరమణి హాజరయ్యారు. డీఎంకే సీనియర్ నేత దురైమురుగన్, ఎంపీలు కనిమొళి, ఎ. రాజా, మాజీ మంత్రులు కె.ఎన్. నెహ్రూ, తంగం తెన్నరసు, సీపీఎం నేత కె. బాలకృష్ణన్ తదితరులు వచ్చి శుభాకాంక్షలు తెలిపారు.
సినీ రంగం నుంచి నటుడు, మక్కల్ నీది మయ్యం అధ్యక్షుడు కమల్ హాసన్, సౌందర్య రజనీకాంత్, రాధికా శరత్కుమార్, ప్రభు, కలైపులి ఎస్. థాను, దర్శకుడు ధరణి తదితరులు హాజరయ్యారు. సన్రైజర్స్ హైదరాబాద్ ఫ్రాంచైజీతో కావ్య మారన్కు ఉన్న అనుబంధంతో క్రికెట్ ప్రముఖులు కూడా విచ్చేశారు. న్యూజిలాండ్ స్టార్ బ్యాటర్ కేన్ విలియమ్సన్, భారత పేసర్ భువనేశ్వర్ కుమార్, శ్రీలంక స్పిన్ దిగ్గజం ముత్తయ్య మురళీధరన్ వేడుకలో సందడి చేశారు. రాజకీయ, సినీ, క్రీడా రంగాల కలయికతో జరిగిన ఈ రిసెప్షన్ ఫొటోలు ప్రస్తుతం సోషల్ మీడియాలో వైరల్ అవుతున్నాయి.