- ఇటలీలోని లూసియానాలో ఉన్న ఆరు గదుల రాతి భవనం
- 1946 డిసెంబర్ 9న అక్కడే జన్మించిన సోనియా గాంధీ
- 2020లో ఆ ఇంటిని కొనుగోలు చేసిన వ్యాపారవేత్త సుఖ్దేవ్ సింగ్ కాంగ్
- ఇంటికి 'ఇండియన్ హౌస్'గా పేరు, మువ్వన్నెల జెండా ఏర్పాటు
- మ్యూజియం కోసం గాంధీ కుటుంబం నుంచి జ్ఞాపికల సేకరణకు యోచన
ఇటలీలో, కాంగ్రెస్ అగ్రనేత సోనియా గాంధీ చిన్ననాటి ఇంటిని మ్యూజియంగా మార్చేందుకు సన్నాహాలు మొదలయ్యాయి. ఇటలీలో స్థిరపడిన సిక్కు వ్యాపారవేత్త సుఖ్దేవ్ సింగ్ కాంగ్ ఈ సరికొత్త ప్రతిపాదనను తెరపైకి తెచ్చారు. ఆరేళ్ల క్రితమే ఆయన ఈ ఇంటిని కొనుగోలు చేశారు. మ్యూజియంలో ప్రదర్శించేందుకు అవసరమైన వ్యక్తిగత వస్తువులు, పాత జ్ఞాపకాలను సేకరించేందుకు త్వరలోనే గాంధీ కుటుంబాన్ని కలవాలని ఆయన భావిస్తున్నారు.
ఇటలీలోని విసెంజా ప్రావిన్స్కు చెందిన లూసియానా గ్రామంలో ఈ ఇల్లు ఉంది. బూడిద రంగు రాళ్లు, కాంక్రీట్తో నిర్మించిన ఈ భవనంలో మొత్తం ఆరు గదులు ఉన్నాయి. సోనియా గాంధీ 1946 డిసెంబర్ 9న ఇక్కడే జన్మించారని, చిన్ననాటి రోజులను అక్కడే గడిపారని 52 ఏళ్ల కాంగ్ తెలిపారు. ప్రస్తుతం దీనికి 'ఇండియన్ హౌస్' అని పేరు పెట్టారు. ఇంటిపై మువ్వన్నెల జెండాతో పాటు, బయట 'సోనియా గాంధీ జన్మస్థలం' అని రాసి ఉన్న నేమ్ప్లేట్ను కూడా ఏర్పాటు చేశారు. పర్యాటకులు ఎవరైనా చూడటానికి వస్తే సహాయం చేసేందుకు అక్కడ ఒక కేర్టేకర్ను సైతం నియమించారు.
పంజాబ్లోని హోషియార్పూర్ నుంచి 1992లో ఇటలీకి వలస వెళ్లిన కాంగ్, డైరీ ఫామ్లు, వ్యవసాయం, ఫ్యాక్టరీల్లో పనిచేసి వ్యాపారవేత్తగా ఎదిగారు. 2020లో తన భార్య, కుమార్తె పేర్ల మీద ఈ ఇంటిని కొనుగోలు చేశారు. ఆస్తి పన్నులతో కలిపి ఏటా దాదాపు 1,000 యూరోలను దీని నిర్వహణ కోసం ఖర్చు చేస్తున్నారు. గతంలో ఈ ఇంటిని అద్దెకు ఇవ్వాలని, లేదా గురుద్వారాగా మార్చాలంటూ పలు ఆఫర్లు వచ్చినా ఆయన కుటుంబం తిరస్కరించింది. సోనియా గాంధీ, ఆమె పుట్టింటి కుటుంబమైన 'మైనో' చారిత్రక జ్ఞాపకాలను పదిలంగా కాపాడటమే తమ ఉద్దేశమని ఆయన స్పష్టం చేశారు.
ఈ ప్రాచీన నివాసాన్ని అత్యాధునిక మ్యూజియంగా తీర్చిదిద్దితే విదేశాల్లోని భారతీయులతో పాటు స్థానిక పర్యాటకులు భారీగా తరలివస్తారని కాంగ్ భావిస్తున్నారు. తద్వారా ఆ గ్రామీణ ప్రాంత ఆర్థిక వ్యవస్థకు సైతం మేలు జరుగుతుందని చెప్పారు. త్వరలోనే సోనియా గాంధీతో పాటు ఆమె పిల్లలు రాహుల్, ప్రియాంకలను కలిసి ఫొటోలు, పత్రాలు, ఇతర జ్ఞాపికలను సేకరించాలని అనుకుంటున్నారు. సోనియా గాంధీ రాసిన తాజా జ్ఞాపకాల పుస్తకం 'బిలాంగ్: ఏ జర్నీ ఆఫ్ లవ్' విడుదలైన తర్వాత ఆమె చిన్ననాటి ఇటలీ జీవితంపై మళ్లీ అందరిలోనూ అమితమైన ఆసక్తి నెలకొంది.
ఇటలీలోని విసెంజా ప్రావిన్స్కు చెందిన లూసియానా గ్రామంలో ఈ ఇల్లు ఉంది. బూడిద రంగు రాళ్లు, కాంక్రీట్తో నిర్మించిన ఈ భవనంలో మొత్తం ఆరు గదులు ఉన్నాయి. సోనియా గాంధీ 1946 డిసెంబర్ 9న ఇక్కడే జన్మించారని, చిన్ననాటి రోజులను అక్కడే గడిపారని 52 ఏళ్ల కాంగ్ తెలిపారు. ప్రస్తుతం దీనికి 'ఇండియన్ హౌస్' అని పేరు పెట్టారు. ఇంటిపై మువ్వన్నెల జెండాతో పాటు, బయట 'సోనియా గాంధీ జన్మస్థలం' అని రాసి ఉన్న నేమ్ప్లేట్ను కూడా ఏర్పాటు చేశారు. పర్యాటకులు ఎవరైనా చూడటానికి వస్తే సహాయం చేసేందుకు అక్కడ ఒక కేర్టేకర్ను సైతం నియమించారు.
పంజాబ్లోని హోషియార్పూర్ నుంచి 1992లో ఇటలీకి వలస వెళ్లిన కాంగ్, డైరీ ఫామ్లు, వ్యవసాయం, ఫ్యాక్టరీల్లో పనిచేసి వ్యాపారవేత్తగా ఎదిగారు. 2020లో తన భార్య, కుమార్తె పేర్ల మీద ఈ ఇంటిని కొనుగోలు చేశారు. ఆస్తి పన్నులతో కలిపి ఏటా దాదాపు 1,000 యూరోలను దీని నిర్వహణ కోసం ఖర్చు చేస్తున్నారు. గతంలో ఈ ఇంటిని అద్దెకు ఇవ్వాలని, లేదా గురుద్వారాగా మార్చాలంటూ పలు ఆఫర్లు వచ్చినా ఆయన కుటుంబం తిరస్కరించింది. సోనియా గాంధీ, ఆమె పుట్టింటి కుటుంబమైన 'మైనో' చారిత్రక జ్ఞాపకాలను పదిలంగా కాపాడటమే తమ ఉద్దేశమని ఆయన స్పష్టం చేశారు.
ఈ ప్రాచీన నివాసాన్ని అత్యాధునిక మ్యూజియంగా తీర్చిదిద్దితే విదేశాల్లోని భారతీయులతో పాటు స్థానిక పర్యాటకులు భారీగా తరలివస్తారని కాంగ్ భావిస్తున్నారు. తద్వారా ఆ గ్రామీణ ప్రాంత ఆర్థిక వ్యవస్థకు సైతం మేలు జరుగుతుందని చెప్పారు. త్వరలోనే సోనియా గాంధీతో పాటు ఆమె పిల్లలు రాహుల్, ప్రియాంకలను కలిసి ఫొటోలు, పత్రాలు, ఇతర జ్ఞాపికలను సేకరించాలని అనుకుంటున్నారు. సోనియా గాంధీ రాసిన తాజా జ్ఞాపకాల పుస్తకం 'బిలాంగ్: ఏ జర్నీ ఆఫ్ లవ్' విడుదలైన తర్వాత ఆమె చిన్ననాటి ఇటలీ జీవితంపై మళ్లీ అందరిలోనూ అమితమైన ఆసక్తి నెలకొంది.