- రామోజీ ఎక్సలెన్స్ అవార్డుల ప్రదానోత్సవంలో పాల్గొన్న ఏపీ డిప్యూటీ సీఎం పవన్ కల్యాణ్
- వ్యక్తిగత విజయం కంటే సమాజంలో తెచ్చే మార్పే గొప్పదని ఉద్ఘాటన
- దివంగత రామోజీరావు పట్టుదల, సమాజహిత సేవలను స్మరించుకున్న జనసేనాని
- ప్రతికూలతలను ఎదురించి నిలిచిన పురస్కార గ్రహీతలకు ప్రత్యేక అభినందనలు
- కేంద్ర హోం మంత్రి అమిత్ షా, సీఎం చంద్రబాబులతో కలిసి వేదిక పంచుకున్న పవన్
విజయవాడలో ఏర్పాటు చేసిన ‘రామోజీ ఎక్సలెన్స్ అవార్డుల’ ప్రదానోత్సవంలో ఆంధ్రప్రదేశ్ ఉప ముఖ్యమంత్రి పవన్ కల్యాణ్ విశిష్ట అతిథిగా పాల్గొన్నారు. సమాజంలో నిస్వార్థ సేవ చేస్తూ ఇతరుల జీవితాల్లో వెలుగులు నింపుతున్న వ్యక్తులను గుర్తించి సత్కరించడం గొప్ప విషయమని ఆయన కొనియాడారు. ఈ కార్యక్రమంలో కేంద్ర హోం శాఖ మంత్రి అమిత్ షా, ఆంధ్రప్రదేశ్ గవర్నర్ జస్టిస్ ఎస్. అబ్దుల్ నజీర్, ముఖ్యమంత్రి చంద్రబాబు, కేంద్ర మంత్రులు జి. కిషన్ రెడ్డి, కింజారపు రామ్మోహన్ నాయుడు, భూపతి శ్రీనివాస వర్మలతో పాటు రామోజీ గ్రూప్ ఛైర్మన్ సీహెచ్ కిరణ్, మార్గదర్శి ఎండీ శైలజా కిరణ్ ఇతర ప్రముఖులు పాల్గొన్నారు.
ఈ సందర్భంగా డిప్యూటీ సీఎం పవన్ కల్యాణ్ మాట్లాడుతూ.. ఒక వ్యక్తి తన జీవితంలో సాధించిన విజయం కంటే, అతని వల్ల సమాజంలో వచ్చిన సానుకూల మార్పే అత్యంత గొప్పదని స్పష్టం చేశారు. ప్రధాని నరేంద్ర మోదీ నాయకత్వంలో భారత్ 'వికసిత్ భారత్ 2047' దిశగా అడుగులు వేస్తోందని, కేంద్ర హోం మంత్రి అమిత్ షా ముందుండి నడిపిస్తున్న 'సహకార్ సే సమృద్ధి' ఆలోచన నేడు సమాజంలో సామూహిక భాగస్వామ్యాన్ని పెంపొందిస్తోందని పేర్కొన్నారు. సమాజం కోసం పాటుపడుతున్న ప్రతిభావంతులను గుర్తించేందుకు రామోజీ ఎక్సలెన్స్ అవార్డులు ఒక అత్యుత్తమ వేదికగా నిలిచాయని అన్నారు.
దివంగత పద్మవిభూషణ్ రామోజీరావును స్మరించుకుంటూ ఆయన అందించిన సేవలను పవన్ కల్యాణ్ కొనియాడారు. సాధారణ రైతు కుటుంబం నుంచి వచ్చిన రామోజీరావు.. తన అకుంఠిత దీక్ష, కఠోర శ్రమతో ఈనాడు, ఈటీవీ, రామోజీ ఫిల్మ్ సిటీ వంటి మహా సామ్రాజ్యాలను నిర్మించారని గుర్తుచేశారు. తెలుగు పత్రికారంగానికి, తెలుగు భాషా వికాసానికి ఆయన చేసిన సేవలు చిరస్మరణీయమని అన్నారు.
కరోనా అనంతర కాలంలో రామోజీరావును స్వయంగా కలిసిన సందర్భాన్ని గుర్తుచేసుకుంటూ.. దేశ సమగ్రత, ప్రజాస్వామ్య పరిరక్షణ పట్ల ఆయనకున్న నిబద్ధత తనను ఎంతగానో ప్రభావితం చేసిందని తెలిపారు. పత్రిక ద్వారా కేవలం వార్తలను అందించడమే కాకుండా సారా వ్యతిరేక ఉద్యమం, సమాచార హక్కు, పర్యావరణ పరిరక్షణ, జల సంరక్షణ వంటి ప్రజా చైతన్య కార్యక్రమాలను ఆయన నడిపించిన తీరు నేటి తరానికి ఆదర్శమని పవన్ పేర్కొన్నారు.
ఈ వేదికపై పురస్కారాలు అందుకున్న విజేతల ప్రయాణం ఎంతో స్ఫూర్తిదాయకమని పవన్ కల్యాణ్ ప్రశంసించారు. శారీరక వైకల్యాన్ని అధిగమించి సంగీతంలో రాణించినవారు, పేద పిల్లలకు విద్యనందిస్తున్నవారు, గిరిజన హక్కులు, రైతుల సమస్యలు, పర్యావరణం కోసం కలం పట్టిన జర్నలిస్టులు, మారుమూల ప్రాంతాల్లో వైద్య సేవలందిస్తున్న డాక్టర్లు సమాజానికి ఆదర్శంగా నిలిచారని అభినందించారు. "వైకల్యం మనిషి శరీరానికి ఉండవచ్చు కానీ సంకల్పానికి ఉండకూడదు. పరిస్థితులు మనల్ని పరీక్షిస్తాయి కానీ, మన పట్టుదలే మన గమ్యాన్ని నిర్ణయిస్తుంది" అని ఆయన ఉద్ఘాటించారు. ఒకరి విజయం మరొకరి జీవితంలో వెలుగులు నింపినప్పుడే దానికి పరిపూర్ణమైన సార్థకత లభిస్తుందని అన్నారు.
సమాజంలో మార్పు తెస్తున్న యోధులను ఒకే వేదికపైకి తెచ్చి గౌరవిస్తున్నందుకు రామోజీ గ్రూప్ యాజమాన్యానికి, ఛైర్మన్ కిరణ్, శైలజా కిరణ్లకు పవన్ కల్యాణ్ ప్రత్యేక ధన్యవాదాలు తెలిపారు. అవార్డు గ్రహీతలు తమ విజయాలతో మరిందరికో మార్గదర్శకంగా నిలవాలని ఆయన ఆకాంక్షించారు.
ఈ సందర్భంగా డిప్యూటీ సీఎం పవన్ కల్యాణ్ మాట్లాడుతూ.. ఒక వ్యక్తి తన జీవితంలో సాధించిన విజయం కంటే, అతని వల్ల సమాజంలో వచ్చిన సానుకూల మార్పే అత్యంత గొప్పదని స్పష్టం చేశారు. ప్రధాని నరేంద్ర మోదీ నాయకత్వంలో భారత్ 'వికసిత్ భారత్ 2047' దిశగా అడుగులు వేస్తోందని, కేంద్ర హోం మంత్రి అమిత్ షా ముందుండి నడిపిస్తున్న 'సహకార్ సే సమృద్ధి' ఆలోచన నేడు సమాజంలో సామూహిక భాగస్వామ్యాన్ని పెంపొందిస్తోందని పేర్కొన్నారు. సమాజం కోసం పాటుపడుతున్న ప్రతిభావంతులను గుర్తించేందుకు రామోజీ ఎక్సలెన్స్ అవార్డులు ఒక అత్యుత్తమ వేదికగా నిలిచాయని అన్నారు.
దివంగత పద్మవిభూషణ్ రామోజీరావును స్మరించుకుంటూ ఆయన అందించిన సేవలను పవన్ కల్యాణ్ కొనియాడారు. సాధారణ రైతు కుటుంబం నుంచి వచ్చిన రామోజీరావు.. తన అకుంఠిత దీక్ష, కఠోర శ్రమతో ఈనాడు, ఈటీవీ, రామోజీ ఫిల్మ్ సిటీ వంటి మహా సామ్రాజ్యాలను నిర్మించారని గుర్తుచేశారు. తెలుగు పత్రికారంగానికి, తెలుగు భాషా వికాసానికి ఆయన చేసిన సేవలు చిరస్మరణీయమని అన్నారు.
కరోనా అనంతర కాలంలో రామోజీరావును స్వయంగా కలిసిన సందర్భాన్ని గుర్తుచేసుకుంటూ.. దేశ సమగ్రత, ప్రజాస్వామ్య పరిరక్షణ పట్ల ఆయనకున్న నిబద్ధత తనను ఎంతగానో ప్రభావితం చేసిందని తెలిపారు. పత్రిక ద్వారా కేవలం వార్తలను అందించడమే కాకుండా సారా వ్యతిరేక ఉద్యమం, సమాచార హక్కు, పర్యావరణ పరిరక్షణ, జల సంరక్షణ వంటి ప్రజా చైతన్య కార్యక్రమాలను ఆయన నడిపించిన తీరు నేటి తరానికి ఆదర్శమని పవన్ పేర్కొన్నారు.
ఈ వేదికపై పురస్కారాలు అందుకున్న విజేతల ప్రయాణం ఎంతో స్ఫూర్తిదాయకమని పవన్ కల్యాణ్ ప్రశంసించారు. శారీరక వైకల్యాన్ని అధిగమించి సంగీతంలో రాణించినవారు, పేద పిల్లలకు విద్యనందిస్తున్నవారు, గిరిజన హక్కులు, రైతుల సమస్యలు, పర్యావరణం కోసం కలం పట్టిన జర్నలిస్టులు, మారుమూల ప్రాంతాల్లో వైద్య సేవలందిస్తున్న డాక్టర్లు సమాజానికి ఆదర్శంగా నిలిచారని అభినందించారు. "వైకల్యం మనిషి శరీరానికి ఉండవచ్చు కానీ సంకల్పానికి ఉండకూడదు. పరిస్థితులు మనల్ని పరీక్షిస్తాయి కానీ, మన పట్టుదలే మన గమ్యాన్ని నిర్ణయిస్తుంది" అని ఆయన ఉద్ఘాటించారు. ఒకరి విజయం మరొకరి జీవితంలో వెలుగులు నింపినప్పుడే దానికి పరిపూర్ణమైన సార్థకత లభిస్తుందని అన్నారు.
సమాజంలో మార్పు తెస్తున్న యోధులను ఒకే వేదికపైకి తెచ్చి గౌరవిస్తున్నందుకు రామోజీ గ్రూప్ యాజమాన్యానికి, ఛైర్మన్ కిరణ్, శైలజా కిరణ్లకు పవన్ కల్యాణ్ ప్రత్యేక ధన్యవాదాలు తెలిపారు. అవార్డు గ్రహీతలు తమ విజయాలతో మరిందరికో మార్గదర్శకంగా నిలవాలని ఆయన ఆకాంక్షించారు.