- వండిన ఆహారాన్ని రెండు గంటల్లోపు ఫ్రిజ్‌లో పెడితే మేలు
- వేడి వాతావరణంలో గంటలోపే నిల్వ చేయాలని సూచన
- అన్నాన్ని గంటలోపు ఫ్రిజ్‌లో పెట్టడం మంచిదంటున్న నిపుణులు
- అన్నంలోని కొన్ని విషపదార్థాలు వేడి చేసినా నశించకపోవచ్చు
- ఆహారం మొత్తం 74 డిగ్రీలకు చేరేలా వేడి చేస్తే మేలు
పండుగలు, వేడుకలు సహా కొన్ని ప్రత్యేక సందర్భాల్లో ఇళ్లలో రకరకాల వంటకాలు తయారు చేస్తుంటారు. బిర్యానీ, పులావ్‌, పనీర్‌ కూరలు, స్వీట్లు మిగిలిపోతే ఫ్రిజ్‌లో పెట్టి మరుసటి రోజు వేడి చేసుకుని తింటుంటారు. అయితే మిగిలిన ఆహారాన్ని నిల్వ చేయడం, తిరిగి వేడి చేసే విషయంలో కొన్ని జాగ్రత్తలు పాటించకపోతే అనారోగ్య సమస్యలు తలెత్తే ప్రమాదం ఉందని వైద్య నిపుణులు హెచ్చరిస్తున్నారు. ఆహారాన్ని వేడి చేయడం వల్ల కొన్ని బ్యాక్టీరియాలు చనిపోయినా, అవి ఉత్పత్తి చేసిన విషపదార్థాలు మాత్రం అధిక ఉష్ణోగ్రతల్లోనూ అలాగే ఉండొచ్చని చెబుతున్నారు.
వండిన ఆహారాన్ని ఎక్కువసేపు గది ఉష్ణోగ్రత వద్ద ఉంచడం ప్రధానమైన పొరపాటు. సాధారణంగా వండిన రెండు గంటల్లోపే ఆహారాన్ని ఫ్రిజ్‌లో పెట్టాలి. ఉష్ణోగ్రత 32 డిగ్రీల సెల్సియస్‌ దాటిన వేడి వాతావరణంలో ఈ సమయాన్ని గంటకు తగ్గించాలి. పెద్ద పాత్రల్లో వేడివేడి బిర్యానీ, కూరలు నిల్వ చేస్తే మధ్యభాగం చల్లబడటానికి ఎక్కువ సమయం పడుతుంది. అందువల్ల ఆహారాన్ని చిన్న చిన్న, లోతు తక్కువ ఉన్న పాత్రల్లోకి మార్చి ఫ్రిజ్‌లో పెట్టాలి.
మిగిలిన ఆహారంలో అన్నం విషయంలో మరింత జాగ్రత్త అవసరం. పచ్చి బియ్యంలో ఉండే బాసిల్లస్‌ సెరియస్‌ అనే బ్యాక్టీరియా బీజాలు వండిన తర్వాత కూడా మిగిలే అవకాశం ఉంది. అన్నాన్ని ఎక్కువసేపు బయట ఉంచితే అవి పెరిగి విషపదార్థాలను ఉత్పత్తి చేస్తాయి. వీటిలోని 'సెర్యూలైడ్‌' అనే విషపదార్థం వేడి చేసినా పూర్తిగా నశించదు. అలాంటి అన్నం తింటే వాంతులు, వికారం, కడుపునొప్పి రావచ్చు. అన్నాన్ని వీలైనంత త్వరగా చల్లబరిచి గంటలోపు ఫ్రిజ్‌లో పెట్టాలి. ముందుజాగ్రత్తగా 24 గంటల్లోపు తినడం మంచిదని నిపుణులు సూచిస్తున్నారు.
ఆహారాన్ని పదేపదే ఫ్రిజ్‌ నుంచి బయటకు తీసి వేడి చేయడం, మిగిలినది మళ్లీ లోపల పెట్టడం కూడా ప్రమాదకరమే. ఇలా చేయడం వల్ల బ్యాక్టీరియా పెరిగేందుకు అనుకూల పరిస్థితులు ఏర్పడతాయి. మైక్రోవేవ్‌లో ఆహారాన్ని వేడి చేసేటప్పుడు మధ్యలో కలపకపోతే కొన్ని ప్రాంతాలు చల్లగానే ఉండిపోవచ్చు. అందువల్ల ఆహారం మొత్తం కనీసం 74 డిగ్రీల సెల్సియస్‌ ఉష్ణోగ్రతకు చేరేలా వేడి చేయాలి. కూరలు, సూపులు, గ్రేవీలను బాగా మరిగిస్తూ కలపాలి.
పాలు, క్రీమ్‌, పనీర్‌, మాంసం, గుడ్లతో చేసిన వంటకాలు, పాలతో తయారుచేసిన స్వీట్లను నిల్వ చేసేటప్పుడు కూడా అప్రమత్తంగా ఉండాలి. చేతులు, వంట పాత్రలు, ఇతర ఉపరితలాల ద్వారా స్టెఫిలోకాకస్‌ ఆరియస్‌ వంటి బ్యాక్టీరియా ఆహారంలోకి చేరవచ్చు. ఇవి ఉత్పత్తి చేసే కొన్ని విషపదార్థాలు వేడి చేసినా నశించవు.
ఫ్రిజ్‌లో సరిగ్గా నిల్వ చేసిన మిగిలిన ఆహారాన్ని సాధారణంగా మూడు నుంచి నాలుగు రోజుల్లోపు తినాలి. అన్నానికి మాత్రం తక్కువ నిల్వ సమయం పాటించాలి. ఫ్రోజెన్‌ ఆహారాన్ని వంటగది బయట ఉంచి కరిగించకూడదు. ఫ్రిజ్‌లో లేదా మైక్రోవేవ్‌ డీఫ్రాస్ట్‌ విధానంలో కరిగించి వెంటనే వేడి చేయాలి. ఆహారం వాసన, రంగు, రుచిని బట్టి మాత్రమే సురక్షితమని నిర్ణయించకూడదు. అనారోగ్యకారక సూక్ష్మజీవులు ఉన్నా వాటి ఆనవాళ్లు కనిపించకపోవచ్చు. వాంతులు, రక్తంతో కూడిన విరేచనాలు, అధిక జ్వరం లేదా డీహైడ్రేషన్‌ లక్షణాలు కనిపిస్తే వెంటనే వైద్య సహాయం తీసుకోవాలి.
వండిన ఆహారాన్ని ఎక్కువసేపు గది ఉష్ణోగ్రత వద్ద ఉంచడం ప్రధానమైన పొరపాటు. సాధారణంగా వండిన రెండు గంటల్లోపే ఆహారాన్ని ఫ్రిజ్‌లో పెట్టాలి. ఉష్ణోగ్రత 32 డిగ్రీల సెల్సియస్‌ దాటిన వేడి వాతావరణంలో ఈ సమయాన్ని గంటకు తగ్గించాలి. పెద్ద పాత్రల్లో వేడివేడి బిర్యానీ, కూరలు నిల్వ చేస్తే మధ్యభాగం చల్లబడటానికి ఎక్కువ సమయం పడుతుంది. అందువల్ల ఆహారాన్ని చిన్న చిన్న, లోతు తక్కువ ఉన్న పాత్రల్లోకి మార్చి ఫ్రిజ్‌లో పెట్టాలి.
మిగిలిన ఆహారంలో అన్నం విషయంలో మరింత జాగ్రత్త అవసరం. పచ్చి బియ్యంలో ఉండే బాసిల్లస్‌ సెరియస్‌ అనే బ్యాక్టీరియా బీజాలు వండిన తర్వాత కూడా మిగిలే అవకాశం ఉంది. అన్నాన్ని ఎక్కువసేపు బయట ఉంచితే అవి పెరిగి విషపదార్థాలను ఉత్పత్తి చేస్తాయి. వీటిలోని 'సెర్యూలైడ్‌' అనే విషపదార్థం వేడి చేసినా పూర్తిగా నశించదు. అలాంటి అన్నం తింటే వాంతులు, వికారం, కడుపునొప్పి రావచ్చు. అన్నాన్ని వీలైనంత త్వరగా చల్లబరిచి గంటలోపు ఫ్రిజ్‌లో పెట్టాలి. ముందుజాగ్రత్తగా 24 గంటల్లోపు తినడం మంచిదని నిపుణులు సూచిస్తున్నారు.
ఆహారాన్ని పదేపదే ఫ్రిజ్‌ నుంచి బయటకు తీసి వేడి చేయడం, మిగిలినది మళ్లీ లోపల పెట్టడం కూడా ప్రమాదకరమే. ఇలా చేయడం వల్ల బ్యాక్టీరియా పెరిగేందుకు అనుకూల పరిస్థితులు ఏర్పడతాయి. మైక్రోవేవ్‌లో ఆహారాన్ని వేడి చేసేటప్పుడు మధ్యలో కలపకపోతే కొన్ని ప్రాంతాలు చల్లగానే ఉండిపోవచ్చు. అందువల్ల ఆహారం మొత్తం కనీసం 74 డిగ్రీల సెల్సియస్‌ ఉష్ణోగ్రతకు చేరేలా వేడి చేయాలి. కూరలు, సూపులు, గ్రేవీలను బాగా మరిగిస్తూ కలపాలి.
పాలు, క్రీమ్‌, పనీర్‌, మాంసం, గుడ్లతో చేసిన వంటకాలు, పాలతో తయారుచేసిన స్వీట్లను నిల్వ చేసేటప్పుడు కూడా అప్రమత్తంగా ఉండాలి. చేతులు, వంట పాత్రలు, ఇతర ఉపరితలాల ద్వారా స్టెఫిలోకాకస్‌ ఆరియస్‌ వంటి బ్యాక్టీరియా ఆహారంలోకి చేరవచ్చు. ఇవి ఉత్పత్తి చేసే కొన్ని విషపదార్థాలు వేడి చేసినా నశించవు.
ఫ్రిజ్‌లో సరిగ్గా నిల్వ చేసిన మిగిలిన ఆహారాన్ని సాధారణంగా మూడు నుంచి నాలుగు రోజుల్లోపు తినాలి. అన్నానికి మాత్రం తక్కువ నిల్వ సమయం పాటించాలి. ఫ్రోజెన్‌ ఆహారాన్ని వంటగది బయట ఉంచి కరిగించకూడదు. ఫ్రిజ్‌లో లేదా మైక్రోవేవ్‌ డీఫ్రాస్ట్‌ విధానంలో కరిగించి వెంటనే వేడి చేయాలి. ఆహారం వాసన, రంగు, రుచిని బట్టి మాత్రమే సురక్షితమని నిర్ణయించకూడదు. అనారోగ్యకారక సూక్ష్మజీవులు ఉన్నా వాటి ఆనవాళ్లు కనిపించకపోవచ్చు. వాంతులు, రక్తంతో కూడిన విరేచనాలు, అధిక జ్వరం లేదా డీహైడ్రేషన్‌ లక్షణాలు కనిపిస్తే వెంటనే వైద్య సహాయం తీసుకోవాలి.
