పరీక్ష పేపర్లే వద్దు.. లీకేజీలకు చెక్‌ పెట్టేలా నీలేకని కొత్త ఆలోచన!
- భారీ డిజిటల్‌ ప్రశ్నల బ్యాంకు ఏర్పాటు చేయాలని సూచన
- పరీక్ష జరిగే రోజే ప్రశ్నపత్రాలు తయారు చేయాలని అభిప్రాయం
- కంప్యూటర్‌ ఆధారిత పరీక్షలను విస్తరించాలని సిఫార్సు
- దేశంలో 1.5 లక్షల ప్రాంతాల్లో సీబీటీకి అవకాశం ఉందని వెల్లడి
పరీక్షల ప్రశ్నపత్రాల లీకేజీని అరికట్టేందుకు ఇన్ఫోసిస్‌ సహ వ్యవస్థాపకుడు నందన్‌ నీలేకని కీలక సూచన చేశారు. సంప్రదాయ పద్ధతిలో ముందుగానే ప్రశ్నపత్రాలను సిద్ధం చేయడానికి బదులుగా.. భారీ డిజిటల్‌ ప్రశ్నల బ్యాంకును రూపొందించాలని ప్రతిపాదించారు. పరీక్ష జరిగే రోజునే అందులోని ప్రశ్నలతో పేపర్‌ను తయారు చేసే విధానాన్ని అమలు చేయాలని సూచించారు. దీనివల్ల ప్రశ్నపత్రాల లీకేజీకి అవకాశాలు తగ్గుతాయని అభిప్రాయపడ్డారు.
న్యూఢిల్లీలో జరుగుతున్న ‘బ్లూమ్‌బెర్గ్‌ న్యూ ఎకానమీ ఫోరం-2026’లో ఆయన ఈ ప్రతిపాదనలు చేశారు. జాతీయ పరీక్షల సంస్థ (ఎన్‌టీఏ) పరీక్షల సంస్కరణల కోసం ఏర్పాటు చేసిన ఉన్నతస్థాయి టాస్క్‌ఫోర్స్‌కు నీలేకని నేతృత్వం వహిస్తున్నారు.
ప్రశ్నపత్రమే ఎందుకు ఉండాలి?
ప్రశ్నపత్రం సిద్ధం చేసినప్పుడే దాన్ని అక్రమంగా విక్రయించేందుకు అవకాశం ఏర్పడుతుందని నీలేకని పేర్కొన్నారు. అందుకే భారీ స్థాయిలో డిజిటల్‌ ప్రశ్నల బ్యాంకును రూపొందించి, సాంకేతికత సాయంతో పరీక్షకు కొద్దిసేపటి ముందు ప్రశ్నపత్రాలను తయారు చేయాలని సూచించారు. కంప్యూటర్‌ ఆధారిత పరీక్షల (సీబీటీ) విధానాన్ని మరింత విస్తరించడం కూడా లీకేజీలను అరికట్టేందుకు ఉపయోగపడుతుందని చెప్పారు.
దేశంలో సుమారు 1.5 లక్షల ప్రాంతాల్లో కంప్యూటర్‌ ఆధారిత పరీక్షల నిర్వహణకు అవసరమైన సదుపాయాలను ఏర్పాటు చేసే అవకాశం ఉందని ఆయన వివరించారు. సాంకేతికతను సరైన విధంగా వినియోగిస్తే పెద్ద సంఖ్యలో అభ్యర్థులకు పరీక్షలను నిర్వహించడం సాధ్యమవుతుందని అభిప్రాయపడ్డారు.
అక్టోబర్‌ 28న నివేదిక
పరీక్షల నిర్వహణ, ప్రశ్నపత్రాల భద్రత, పరీక్షల రూపకల్పన, పాలనకు సంబంధించిన సంస్కరణలను పరిశీలించి సూచనలు చేసేందుకు కేంద్ర ప్రభుత్వం నీలేకని నేతృత్వంలో టాస్క్‌ఫోర్స్‌ను ఏర్పాటు చేసింది. ఈ బృందం తన నివేదికను అక్టోబర్‌ 28న సమర్పించనుంది. టాస్క్‌ఫోర్స్‌ సూచనలను అమలు చేయడంపై ప్రధాని నరేంద్ర మోదీ ఆసక్తిగా ఉన్నారని నీలేకని తెలిపారు.
ఈ సదస్సులో అంతకుముందు ప్రసంగించిన ప్రధాని మోదీ.. మానవాళిని సాధికారత దిశగా తీసుకెళ్లే మార్గాన్ని భారత్‌ ఎంచుకుందని పేర్కొన్నారు. వ్యాపార, ప్రభుత్వ, సాంకేతిక రంగాలకు చెందిన ప్రముఖులు పాల్గొంటున్న ఈ మూడు రోజుల సదస్సుకు ఆస్ట్రేలియా, కెనడా, ఇటలీ, ఖతార్‌, సింగపూర్‌, స్విట్జర్లాండ్‌, అమెరికా సహా పలు దేశాల ప్రతినిధులు హాజరవుతున్నారు.
న్యూఢిల్లీలో జరుగుతున్న ‘బ్లూమ్‌బెర్గ్‌ న్యూ ఎకానమీ ఫోరం-2026’లో ఆయన ఈ ప్రతిపాదనలు చేశారు. జాతీయ పరీక్షల సంస్థ (ఎన్‌టీఏ) పరీక్షల సంస్కరణల కోసం ఏర్పాటు చేసిన ఉన్నతస్థాయి టాస్క్‌ఫోర్స్‌కు నీలేకని నేతృత్వం వహిస్తున్నారు.
ప్రశ్నపత్రమే ఎందుకు ఉండాలి?
ప్రశ్నపత్రం సిద్ధం చేసినప్పుడే దాన్ని అక్రమంగా విక్రయించేందుకు అవకాశం ఏర్పడుతుందని నీలేకని పేర్కొన్నారు. అందుకే భారీ స్థాయిలో డిజిటల్‌ ప్రశ్నల బ్యాంకును రూపొందించి, సాంకేతికత సాయంతో పరీక్షకు కొద్దిసేపటి ముందు ప్రశ్నపత్రాలను తయారు చేయాలని సూచించారు. కంప్యూటర్‌ ఆధారిత పరీక్షల (సీబీటీ) విధానాన్ని మరింత విస్తరించడం కూడా లీకేజీలను అరికట్టేందుకు ఉపయోగపడుతుందని చెప్పారు.
దేశంలో సుమారు 1.5 లక్షల ప్రాంతాల్లో కంప్యూటర్‌ ఆధారిత పరీక్షల నిర్వహణకు అవసరమైన సదుపాయాలను ఏర్పాటు చేసే అవకాశం ఉందని ఆయన వివరించారు. సాంకేతికతను సరైన విధంగా వినియోగిస్తే పెద్ద సంఖ్యలో అభ్యర్థులకు పరీక్షలను నిర్వహించడం సాధ్యమవుతుందని అభిప్రాయపడ్డారు.
అక్టోబర్‌ 28న నివేదిక
పరీక్షల నిర్వహణ, ప్రశ్నపత్రాల భద్రత, పరీక్షల రూపకల్పన, పాలనకు సంబంధించిన సంస్కరణలను పరిశీలించి సూచనలు చేసేందుకు కేంద్ర ప్రభుత్వం నీలేకని నేతృత్వంలో టాస్క్‌ఫోర్స్‌ను ఏర్పాటు చేసింది. ఈ బృందం తన నివేదికను అక్టోబర్‌ 28న సమర్పించనుంది. టాస్క్‌ఫోర్స్‌ సూచనలను అమలు చేయడంపై ప్రధాని నరేంద్ర మోదీ ఆసక్తిగా ఉన్నారని నీలేకని తెలిపారు.
ఈ సదస్సులో అంతకుముందు ప్రసంగించిన ప్రధాని మోదీ.. మానవాళిని సాధికారత దిశగా తీసుకెళ్లే మార్గాన్ని భారత్‌ ఎంచుకుందని పేర్కొన్నారు. వ్యాపార, ప్రభుత్వ, సాంకేతిక రంగాలకు చెందిన ప్రముఖులు పాల్గొంటున్న ఈ మూడు రోజుల సదస్సుకు ఆస్ట్రేలియా, కెనడా, ఇటలీ, ఖతార్‌, సింగపూర్‌, స్విట్జర్లాండ్‌, అమెరికా సహా పలు దేశాల ప్రతినిధులు హాజరవుతున్నారు.
