- ప్రపంచ ఏఐ రంగంలో భారత్ మరింత కీలక పాత్ర పోషించగలదన్న అరవింద్ కృష్ణ
- యూరప్లా కాకుండా అతి నియంత్రణకు దూరంగా ఉండటం మంచి నిర్ణయమని వెల్లడి
- ఏఐలో ప్రభుత్వం విజేతలను ఎంపిక చేసే విధానం ప్రమాదకరమని వ్యాఖ్య
- భారత్ను గొప్ప మార్కెట్గా, ఉత్పత్తి కేంద్రంగా చూస్తున్న ఐబీఎం
ప్రపంచ ఆర్టిఫిషియల్ ఇంటెలిజెన్స్ (ఏఐ) రంగంలో ప్రస్తుతం ఉన్న దానికంటే భారత్ చాలా పెద్ద పాత్ర పోషించే సత్తా ఉందని, ఇందుకు పటిష్ఠమైన ప్రభుత్వ విధానాలు దోహదపడతాయని ఐబీఎం చైర్మన్, సీఈఓ అరవింద్ కృష్ణ అన్నారు. తాజాగా ఆయన ఓ వార్తా సంస్థతో మాట్లాడుతూ పలు కీలక వ్యాఖ్యలు చేశారు. ఏఐ విషయంలో భారత ప్రభుత్వ విధానాన్ని ఆయన ప్రశంసించారు. యూరప్లో మాదిరిగా అతిగా నియంత్రణ విధించకుండా, ఆవిష్కరణలకు ఆటంకం కలగకుండా ప్రభుత్వం జాగ్రత్త పడుతోందని అరవింద్ కృష్ణ అభిప్రాయపడ్డారు. యూరప్లో కఠిన నిబంధనల వల్ల ఏఐ ఎకోసిస్టమ్ దాదాపుగా లేకుండా పోయిందని ఆయన గుర్తుచేశారు.
ఆధార్, డిజిటల్ పేమెంట్లు, క్విక్ కామర్స్ వంటి రంగాల్లో భారత్ అద్భుతమైన విజయం సాధించిందని, కానీ ఏఐ విషయంలో తన స్థానం ఏమిటో ఇంకా స్పష్టంగా నిర్ధారించుకోవాల్సి ఉందని ఆయన పేర్కొన్నారు. దేశీయంగా తయారైన ఏఐని ప్రోత్సహించడానికి, వివిధ ప్రభుత్వ ప్రయోజనాల కోసం దాన్ని ఉపయోగించుకోవడానికి ప్రభుత్వం ప్రయత్నిస్తోందని తెలిపారు.
అదే సమయంలో ప్రభుత్వమే పారిశ్రామిక విధానాలను నిర్దేశిస్తూ, ఏ సంస్థలు విజయం సాధించాలో నిర్ణయించడం ప్రమాదకరమైన పోకడ అని ఆయన హెచ్చరించారు. చాలా మంది ఇలాంటి విధానాలను కోరుకున్నప్పటికీ, ప్రభుత్వం అలా విజేతలను ఎంపిక చేయడం మంచిది కాదని స్పష్టం చేశారు. ఐబీఎంకు ప్రపంచవ్యాప్తంగా భారత్ ఒక కీలకమైన భాగస్వామి అని అరవింద్ కృష్ణ తెలిపారు. "భారత్ ఒక గొప్ప మార్కెట్. ఉత్పత్తులను తయారు చేయడానికి, ప్రపంచవ్యాప్తంగా ఐబీఎంకు సేవలు అందించే ఉద్యోగులను కలిగి ఉండటానికి ఇది ఒక అద్భుతమైన ప్రదేశం" అని ఆయన వివరించారు.
ఇప్పటికే భారత ప్రభుత్వం 'ఇండియా ఏఐ గవర్నెన్స్ గైడ్లైన్స్' పేరుతో మార్గదర్శకాలను విడుదల చేసింది. బాధ్యతాయుతమైన ఏఐ ఆవిష్కరణలే లక్ష్యంగా ఈ ఫ్రేమ్వర్క్ను రూపొందించింది. డీప్ఫేక్లు, తప్పుడు సమాచారం, అల్గారిథమిక్ బయాస్ వంటి ప్రమాదాలను నివారించడం దీని ఉద్దేశం. ఈ మార్గదర్శకాల ప్రకారం, ఏఐ గవర్నెన్స్ గ్రూప్, టెక్నాలజీ అండ్ పాలసీ ఎక్స్పర్ట్ కమిటీ, ఏఐ సేఫ్టీ ఇన్స్టిట్యూట్లను ఏర్పాటు చేయాలని కూడా ప్రతిపాదించారు.
ఆధార్, డిజిటల్ పేమెంట్లు, క్విక్ కామర్స్ వంటి రంగాల్లో భారత్ అద్భుతమైన విజయం సాధించిందని, కానీ ఏఐ విషయంలో తన స్థానం ఏమిటో ఇంకా స్పష్టంగా నిర్ధారించుకోవాల్సి ఉందని ఆయన పేర్కొన్నారు. దేశీయంగా తయారైన ఏఐని ప్రోత్సహించడానికి, వివిధ ప్రభుత్వ ప్రయోజనాల కోసం దాన్ని ఉపయోగించుకోవడానికి ప్రభుత్వం ప్రయత్నిస్తోందని తెలిపారు.
అదే సమయంలో ప్రభుత్వమే పారిశ్రామిక విధానాలను నిర్దేశిస్తూ, ఏ సంస్థలు విజయం సాధించాలో నిర్ణయించడం ప్రమాదకరమైన పోకడ అని ఆయన హెచ్చరించారు. చాలా మంది ఇలాంటి విధానాలను కోరుకున్నప్పటికీ, ప్రభుత్వం అలా విజేతలను ఎంపిక చేయడం మంచిది కాదని స్పష్టం చేశారు. ఐబీఎంకు ప్రపంచవ్యాప్తంగా భారత్ ఒక కీలకమైన భాగస్వామి అని అరవింద్ కృష్ణ తెలిపారు. "భారత్ ఒక గొప్ప మార్కెట్. ఉత్పత్తులను తయారు చేయడానికి, ప్రపంచవ్యాప్తంగా ఐబీఎంకు సేవలు అందించే ఉద్యోగులను కలిగి ఉండటానికి ఇది ఒక అద్భుతమైన ప్రదేశం" అని ఆయన వివరించారు.
ఇప్పటికే భారత ప్రభుత్వం 'ఇండియా ఏఐ గవర్నెన్స్ గైడ్లైన్స్' పేరుతో మార్గదర్శకాలను విడుదల చేసింది. బాధ్యతాయుతమైన ఏఐ ఆవిష్కరణలే లక్ష్యంగా ఈ ఫ్రేమ్వర్క్ను రూపొందించింది. డీప్ఫేక్లు, తప్పుడు సమాచారం, అల్గారిథమిక్ బయాస్ వంటి ప్రమాదాలను నివారించడం దీని ఉద్దేశం. ఈ మార్గదర్శకాల ప్రకారం, ఏఐ గవర్నెన్స్ గ్రూప్, టెక్నాలజీ అండ్ పాలసీ ఎక్స్పర్ట్ కమిటీ, ఏఐ సేఫ్టీ ఇన్స్టిట్యూట్లను ఏర్పాటు చేయాలని కూడా ప్రతిపాదించారు.