ఎంఐఎం అధినేత, హైదరాబాద్ ఎంపీ అసదుద్దీన్ ఒవైసీ పాకిస్థాన్‌ను ఉద్దేశించి ఆసక్తికర వ్యాఖ్యలు చేశారు. అండర్-19 ఆసియా కప్‌లో పాక్‌పై భారత జట్టు సాధించిన అద్భుత విజయాన్ని ప్రస్తావిస్తూ.. "మా పిల్లలనే ఓడించలేకపోతున్నారు, ఇక పెద్దలతో ఏం పోటీపడతారు?" అంటూ ఆయన ఎద్దేవా చేశారు.

ఉత్తరప్రదేశ్‌లోని మీరట్‌లో జరిగిన ఎన్నికల ప్రచార సభలో ఆయన ప్రసంగించారు. అండర్-19 ఆసియా కప్ విజేతగా నిలిచిన భారత యువ క్రికెటర్లకు ఈ సందర్భంగా అభినందనలు తెలిపారు. పాకిస్థాన్‌ను ఉద్దేశించి ఒవైసీ చేసిన వ్యాఖ్యలకు సభికుల నుంచి విశేష స్పందన లభించింది.