- భారత్‌ సమ్మిట్‌కు 115 మంది విదేశీ వక్తలకు ప్రవేశం నిరాకరించారని శశిథరూర్‌ ఆరోపణ
- మరికొందరి వీసాలు రద్దయ్యాయని వ్యాఖ్య
- హోంశాఖ ఆదేశాలతోనే ఈ చర్యలు జరిగాయని ఆరోపణ
- హైదరాబాద్‌లో మూడు రోజుల పాటు జరుగుతున్న సదస్సు
- 70 దేశాల నుంచి నిపుణులు, సుమారు వెయ్యి మంది ప్రతినిధులు
భారత్‌ సమ్మిట్‌లో పాల్గొనేందుకు విదేశాలకు చెందిన వక్తల్లో 115 మందికి భారత్‌లోకి ప్రవేశం నిరాకరించారని కాంగ్రెస్‌ ఎంపీ శశిథరూర్‌ ఆరోపించారు. మరికొందరి వీసాలు రద్దు చేసినట్లు వెల్లడించారు. కేంద్ర హోంశాఖ ఆదేశాల మేరకే ఈ చర్యలు జరిగినట్లు తెలుస్తోందని పేర్కొన్నారు. ప్రజాస్వామ్య దేశంలో విమర్శలను సైతం సహించలేని పరిస్థితి నెలకొందంటూ కేంద్ర ప్రభుత్వంపై విమర్శలు గుప్పించారు.
హైదరాబాద్‌లో గురువారం ప్రారంభమైన మూడు రోజుల భారత్‌ సమ్మిట్‌ శనివారం ముగియనుంది. ఈ కార్యక్రమంలో పాల్గొనేందుకు వచ్చిన శశిథరూర్‌ శుక్రవారం 'ఎక్స్‌' వేదికగా ఈ విషయాన్ని వెల్లడించారు. విదేశాంగ శాఖ అనుమతి ఇచ్చిన 315 మంది వక్తల్లో 115 మందికి ప్రవేశం నిరాకరించడం లేదా వీసాలు రద్దు చేయడం జరిగిందన్నారు. దీనికి సంబంధించి ప్రభుత్వం ఏ చట్ట నిబంధన కింద ఇలాంటి నిర్ణయం తీసుకుందో స్పష్టత లేదని ప్రశ్నించారు. సమ్మిట్‌ మరుసటి రోజే ముగియనుండటంతో ఈ నిర్ణయాన్ని వెనక్కి తీసుకునే అవకాశం కూడా లేదని ఆవేదన వ్యక్తం చేశారు.
ప్రపంచం నుంచి విమర్శలు వస్తాయనే భయంతో గొంతులు నొక్కే స్థాయికి ప్రజాస్వామ్యం దిగజారడం సిగ్గుచేటని వ్యాఖ్యానించారు.
కాగా, భారత్‌లో మారుతున్న ప్రపంచ వ్యవస్థ, అంతర్జాతీయ పరిణామాలు, వాటికి భారత్‌ వ్యూహాత్మక స్పందన, సహకార సమాఖ్యవాదం, ఎన్నికల సమగ్రత వంటి అంశాలపై చర్చించేందుకు 70 దేశాల నుంచి నిపుణులను కాంగ్రెస్‌ ఈ సదస్సుకు ఆహ్వానించింది. సుమారు వెయ్యి మంది ప్రతినిధులు హాజరవుతున్నారు. రాహుల్‌ గాంధీ, మల్లికార్జున ఖర్గే సహా పలువురు కాంగ్రెస్‌ అగ్రనేతలు ఇందులో పాల్గొంటున్నారు.
అంతర్జాతీయ పరిణామాలపై వివిధ దేశాల మేధో సంస్థల ప్రతినిధులతో జరిగిన చర్చలో పాల్గొన్నానని, ప్రారంభ విందులో మారుతున్న ప్రపంచ వ్యవస్థపై కీలక ప్రసంగం చేశానని థరూర్‌ తెలిపారు. 'అవర్‌ వరల్డ్‌ ఇన్‌స్టిట్యూట్‌' పేరుతో థింక్‌ట్యాంక్‌ ఏర్పాటు చేయడంతో పాటు గ్లోబల్‌ సౌత్‌-గ్లోబల్‌ నార్త్‌ వేదికను నెలకొల్పడం కూడా ఈ సదస్సు లక్ష్యాల్లో ఉన్నట్లు వివరించారు.
హైదరాబాద్‌లో గురువారం ప్రారంభమైన మూడు రోజుల భారత్‌ సమ్మిట్‌ శనివారం ముగియనుంది. ఈ కార్యక్రమంలో పాల్గొనేందుకు వచ్చిన శశిథరూర్‌ శుక్రవారం 'ఎక్స్‌' వేదికగా ఈ విషయాన్ని వెల్లడించారు. విదేశాంగ శాఖ అనుమతి ఇచ్చిన 315 మంది వక్తల్లో 115 మందికి ప్రవేశం నిరాకరించడం లేదా వీసాలు రద్దు చేయడం జరిగిందన్నారు. దీనికి సంబంధించి ప్రభుత్వం ఏ చట్ట నిబంధన కింద ఇలాంటి నిర్ణయం తీసుకుందో స్పష్టత లేదని ప్రశ్నించారు. సమ్మిట్‌ మరుసటి రోజే ముగియనుండటంతో ఈ నిర్ణయాన్ని వెనక్కి తీసుకునే అవకాశం కూడా లేదని ఆవేదన వ్యక్తం చేశారు.
ప్రపంచం నుంచి విమర్శలు వస్తాయనే భయంతో గొంతులు నొక్కే స్థాయికి ప్రజాస్వామ్యం దిగజారడం సిగ్గుచేటని వ్యాఖ్యానించారు.
కాగా, భారత్‌లో మారుతున్న ప్రపంచ వ్యవస్థ, అంతర్జాతీయ పరిణామాలు, వాటికి భారత్‌ వ్యూహాత్మక స్పందన, సహకార సమాఖ్యవాదం, ఎన్నికల సమగ్రత వంటి అంశాలపై చర్చించేందుకు 70 దేశాల నుంచి నిపుణులను కాంగ్రెస్‌ ఈ సదస్సుకు ఆహ్వానించింది. సుమారు వెయ్యి మంది ప్రతినిధులు హాజరవుతున్నారు. రాహుల్‌ గాంధీ, మల్లికార్జున ఖర్గే సహా పలువురు కాంగ్రెస్‌ అగ్రనేతలు ఇందులో పాల్గొంటున్నారు.
అంతర్జాతీయ పరిణామాలపై వివిధ దేశాల మేధో సంస్థల ప్రతినిధులతో జరిగిన చర్చలో పాల్గొన్నానని, ప్రారంభ విందులో మారుతున్న ప్రపంచ వ్యవస్థపై కీలక ప్రసంగం చేశానని థరూర్‌ తెలిపారు. 'అవర్‌ వరల్డ్‌ ఇన్‌స్టిట్యూట్‌' పేరుతో థింక్‌ట్యాంక్‌ ఏర్పాటు చేయడంతో పాటు గ్లోబల్‌ సౌత్‌-గ్లోబల్‌ నార్త్‌ వేదికను నెలకొల్పడం కూడా ఈ సదస్సు లక్ష్యాల్లో ఉన్నట్లు వివరించారు.
