ఉదయం లేవగానే ఫోన్ చూడొద్దు.. 5 నిమిషాలు ఇలా చేస్తే రోజంతా ప్రశాంతంగా!
- శ్వాసపై దృష్టి పెట్టి ప్రశాంతంగా కూర్చోవాలి
- సహజంగా వచ్చే ఆలోచనలను ఆపొద్దు
- చుట్టూ వినిపించే శబ్దాలను గమనించాలి
- శరీరంలో ఒత్తిడి ఉందో లేదో గుర్తించాలి
- 5 నిమిషాలు కుదరకపోతే 2 నిమిషాలతో మొదలుపెట్టొచ్చు
ఉదయం నిద్ర లేవగానే చాలామందికి ముందుగా గుర్తొచ్చేది ఫోనే. ఒక్కసారి స్క్రీన్ ఆన్ చేస్తే చాలు.. మెసేజ్లు, నోటిఫికేషన్లు, వార్తలు, సోషల్ మీడియా పోస్టులు వరుసగా మన దృష్టిని ఆకర్షిస్తాయి. మన రోజు మొదలయ్యేలోపే మనసు ఎన్నో విషయాలతో నిండిపోతుంది.
అయితే.. ఫోన్ అందుకునే ముందు కేవలం ఐదు నిమిషాలు ప్రశాంతంగా గడిపితే ఎలా ఉంటుంది? పెద్దగా ఏమీ చేయాల్సిన అవసరం లేదు. మెడిటేషన్ యాప్ అవసరం లేదు. ప్రత్యేకమైన మ్యూజిక్ కూడా అక్కర్లేదు. ఆ ఐదు నిమిషాలు స్క్రీన్కు దూరంగా ఉంటే చాలు.
మనసుకు సమయం ఇవ్వండి
సౌకర్యంగా కూర్చోండి. ఫోన్ను కాస్త దూరంగా పెట్టండి. కళ్లు మూసుకోవచ్చు లేదా కిటికీలోంచి బయటకు చూడొచ్చు. నెమ్మదిగా శ్వాస తీసుకుంటూ దానిపై కాసేపు దృష్టి పెట్టండి.
మనసులో ఆలోచనలు రావడం సహజమే. ఏదైనా పని గుర్తొచ్చినా, రోజు గురించి ఆలోచించినా ఇబ్బంది లేదు. ఆ ఆలోచనను బలవంతంగా ఆపాల్సిన అవసరం లేదు. మళ్లీ శ్వాసపై లేదా చుట్టూ వినిపించే శబ్దాలపై దృష్టి పెట్టండి.
మొదట్లో ప్రశాంతంగా అనిపించకపోవచ్చు
మొదటి రోజే మనసు ప్రశాంతంగా అయిపోతుందని అనుకోవద్దు. పెండింగ్ పని గుర్తుకు రావచ్చు. ఎవరికో పంపాల్సిన మెసేజ్ గుర్తు రావచ్చు. ఆఫీస్ పని గురించి ఆలోచనలు మొదలవ్వొచ్చు. ఐదు నిమిషాలు ఎప్పుడు పూర్తవుతాయో కూడా చూడాలనిపించొచ్చు.
ఇదంతా సహజమే. మైండ్ఫుల్నెస్ అంటే అసలు ఆలోచనలు లేకుండా కూర్చోవడం కాదు. మన దృష్టి ఎక్కడికి వెళ్లిందో గుర్తించి.. దాన్ని మెల్లగా ప్రస్తుత క్షణంపైకి తీసుకురావడం.
మైండ్ఫుల్నెస్ ఆధారిత విధానాలు ఒత్తిడిని తగ్గించడంలో సహాయపడొచ్చని కొన్ని పరిశోధనలు సూచిస్తున్నాయి. అయితే వివిధ అధ్యయనాల్లో ఫలితాలు ఒకేలా లేవని, నిర్దిష్ట పద్ధతులు, ఫలితాలపై మరింత పరిశోధన అవసరమని పరిశోధకులు చెబుతున్నారు.
ఇలా ప్రయత్నించండి
ఆ తర్వాత ఫోన్ తీసుకోండి.
ఐదు నిమిషాలే.. కానీ క్రమం మారుతుంది. ఇక్కడ ముఖ్యమైన విషయం ఐదు నిమిషాల వ్యవధి కాదు. నిద్ర లేవగానే ప్రపంచం నుంచి సమాచారం తీసుకోవడం కంటే ముందు.. మీకు మీరు కొంత సమయం ఇవ్వడం.
రోజూ ఐదు నిమిషాలు సాధ్యంకాకపోతే రెండు నిమిషాలతో మొదలుపెట్టొచ్చు. కుర్చీలో కూర్చున్నా సరే. కిటికీ దగ్గర ఉన్నా సరే. ధ్యానం కోసం ప్రత్యేకమైన ప్రదేశం, పరుపు, సువాసన కొవ్వొత్తులు అవసరం లేదు.
ఉదయం లేచిన వెంటనే ప్రతిదానికీ స్పందించకుండా.. కాసేపు ఆగడం మాత్రమే ఈ చిన్న అలవాటు ఉద్దేశం. కొన్ని రోజుల తర్వాత ఆ ప్రశాంతమైన ఐదు నిమిషాల కోసం మీరు ఎదురుచూసే సమయం రావచ్చు.
అయితే.. ఫోన్ అందుకునే ముందు కేవలం ఐదు నిమిషాలు ప్రశాంతంగా గడిపితే ఎలా ఉంటుంది? పెద్దగా ఏమీ చేయాల్సిన అవసరం లేదు. మెడిటేషన్ యాప్ అవసరం లేదు. ప్రత్యేకమైన మ్యూజిక్ కూడా అక్కర్లేదు. ఆ ఐదు నిమిషాలు స్క్రీన్కు దూరంగా ఉంటే చాలు.
మనసుకు సమయం ఇవ్వండి
సౌకర్యంగా కూర్చోండి. ఫోన్ను కాస్త దూరంగా పెట్టండి. కళ్లు మూసుకోవచ్చు లేదా కిటికీలోంచి బయటకు చూడొచ్చు. నెమ్మదిగా శ్వాస తీసుకుంటూ దానిపై కాసేపు దృష్టి పెట్టండి.
మనసులో ఆలోచనలు రావడం సహజమే. ఏదైనా పని గుర్తొచ్చినా, రోజు గురించి ఆలోచించినా ఇబ్బంది లేదు. ఆ ఆలోచనను బలవంతంగా ఆపాల్సిన అవసరం లేదు. మళ్లీ శ్వాసపై లేదా చుట్టూ వినిపించే శబ్దాలపై దృష్టి పెట్టండి.
మొదట్లో ప్రశాంతంగా అనిపించకపోవచ్చు
మొదటి రోజే మనసు ప్రశాంతంగా అయిపోతుందని అనుకోవద్దు. పెండింగ్ పని గుర్తుకు రావచ్చు. ఎవరికో పంపాల్సిన మెసేజ్ గుర్తు రావచ్చు. ఆఫీస్ పని గురించి ఆలోచనలు మొదలవ్వొచ్చు. ఐదు నిమిషాలు ఎప్పుడు పూర్తవుతాయో కూడా చూడాలనిపించొచ్చు.
ఇదంతా సహజమే. మైండ్ఫుల్నెస్ అంటే అసలు ఆలోచనలు లేకుండా కూర్చోవడం కాదు. మన దృష్టి ఎక్కడికి వెళ్లిందో గుర్తించి.. దాన్ని మెల్లగా ప్రస్తుత క్షణంపైకి తీసుకురావడం.
మైండ్ఫుల్నెస్ ఆధారిత విధానాలు ఒత్తిడిని తగ్గించడంలో సహాయపడొచ్చని కొన్ని పరిశోధనలు సూచిస్తున్నాయి. అయితే వివిధ అధ్యయనాల్లో ఫలితాలు ఒకేలా లేవని, నిర్దిష్ట పద్ధతులు, ఫలితాలపై మరింత పరిశోధన అవసరమని పరిశోధకులు చెబుతున్నారు.
ఇలా ప్రయత్నించండి
- మొదటి నిమిషం: ప్రశాంతంగా కూర్చొని సహజంగా శ్వాస తీసుకోండి.
- తర్వాత రెండు నిమిషాలు: చుట్టూ వినిపించే శబ్దాలను గమనించండి. పక్షుల శబ్దం, వాహనాల శబ్దం, ఫ్యాన్ శబ్దం.. ఏదైనా కావచ్చు.
- నాలుగో నిమిషం: మీ శరీరం ఎలా ఉందో గమనించండి. భుజాలు బిగుసుకున్నాయా? దవడ దగ్గర ఒత్తిడి ఉందా? ఇంకా నిద్ర మత్తు ఉందా?
- చివరి నిమిషం: ఆ రోజు మీరు సాధించాలనుకునే ఒక్క విషయాన్ని గుర్తు చేసుకోండి. పెద్ద లక్ష్యం కావాల్సిన అవసరం లేదు. ఓ ముఖ్యమైన పని పూర్తి చేయడం కావచ్చు. ఎవరి మీదా తొందరపడకుండా మాట్లాడటం కావచ్చు.
ఆ తర్వాత ఫోన్ తీసుకోండి.
ఐదు నిమిషాలే.. కానీ క్రమం మారుతుంది. ఇక్కడ ముఖ్యమైన విషయం ఐదు నిమిషాల వ్యవధి కాదు. నిద్ర లేవగానే ప్రపంచం నుంచి సమాచారం తీసుకోవడం కంటే ముందు.. మీకు మీరు కొంత సమయం ఇవ్వడం.
రోజూ ఐదు నిమిషాలు సాధ్యంకాకపోతే రెండు నిమిషాలతో మొదలుపెట్టొచ్చు. కుర్చీలో కూర్చున్నా సరే. కిటికీ దగ్గర ఉన్నా సరే. ధ్యానం కోసం ప్రత్యేకమైన ప్రదేశం, పరుపు, సువాసన కొవ్వొత్తులు అవసరం లేదు.
ఉదయం లేచిన వెంటనే ప్రతిదానికీ స్పందించకుండా.. కాసేపు ఆగడం మాత్రమే ఈ చిన్న అలవాటు ఉద్దేశం. కొన్ని రోజుల తర్వాత ఆ ప్రశాంతమైన ఐదు నిమిషాల కోసం మీరు ఎదురుచూసే సమయం రావచ్చు.
