ఈ బ్యాగ్ ధర రూ.9 లక్షలు.. గుజరాత్ మార్కెట్లో రూ.500కు దొరుకుతుందంటూ సెటైర్లు!
- ఫెండి కొత్త బ్యాగ్పై సోషల్ మీడియాలో చర్చ
- బ్యాగ్ ధర రూ.9 లక్షలు
- నవరాత్రి బ్యాగ్లను పోలి ఉందంటున్న నెటిజన్ల సెటైర్లు
- కిరణ్ మజుందార్-షా విమర్శ
- భారతీయ కళాకారులకు క్రెడిట్ ఇవ్వాలన్న హర్ష్ గోయెంకా
ప్రముఖ ఇటాలియన్ లగ్జరీ బ్రాండ్ ఫెండి కొత్తగా విడుదల చేసిన ఓ హ్యాండ్బ్యాగ్పై సోషల్ మీడియాలో తీవ్ర చర్చ జరుగుతోంది. రంగురంగుల ఎంబ్రాయిడరీ, చిన్న అద్దాల అలంకరణతో ఉన్న ఈ బ్యాగ్.. గుజరాత్, రాజస్థాన్లలో నవరాత్రి సమయంలో కనిపించే సంప్రదాయ వస్త్ర సంచులను పోలి ఉందంటూ పలువురు అభిప్రాయపడుతున్నారు. ఫెండి వెబ్సైట్లో ఈ బ్యాగ్ ధర 10,000 డాలర్లు (రూ.9 లక్షలకు పైగా)గా ఉంది.
‘మల్టీకలర్ రీ-ఎడిషన్ బ్యాగ్ విత్ ఎంబ్రాయిడరీ అండ్ మిర్రర్స్’ పేరుతో విక్రయిస్తున్న ఈ బ్యాగ్లో దట్టమైన రంగురంగుల ఎంబ్రాయిడరీ, అద్దాల అలంకరణ ఉన్నాయి. దీంతో భారత్లో స్థానిక కళాకారులు తయారు చేసే నవరాత్రి బ్యాగ్లతో పోలికలు చూపిస్తూ సోషల్ మీడియాలో పోస్టులు వైరల్ అవుతున్నాయి.
బయోకాన్ ఎగ్జిక్యూటివ్ చైర్పర్సన్ కిరణ్ మజుందార్-షా కూడా ఈ అంశంపై స్పందించారు. భారతీయ సంప్రదాయ కళను దాని మూలాలను గుర్తించకుండా లగ్జరీ ఉత్పత్తిగా మలచడం సరికాదని ఆమె ‘ఎక్స్’లో పేర్కొన్నారు. ఈ కళను తరతరాలుగా కాపాడుతున్న భారతీయ కళాకారులకు గుర్తింపు ఇవ్వాలని అన్నారు.
పారిశ్రామికవేత్త హర్ష్ గోయెంకా కూడా ఈ బ్యాగ్పై స్పందించారు. గుజరాత్ వీధుల్లో రూ.500కే లభించే బ్యాగ్లా కనిపించే డిజైన్కు రూ.లక్షలు వసూలు చేస్తున్నారని విమర్శించారు. భారతీయ కళలకు ఎప్పుడు తగిన గుర్తింపు లభిస్తుందని ప్రశ్నించారు.
ఈ బ్యాగ్ పూర్తిగా కొత్త డిజైన్ కాదని తెలుస్తోంది. ఇది ఫెండీ బగెట్ 26424 మల్టీకలర్ రీ-ఎడిషన్ మోడల్. ఫెండి 2026 ఫాల్/వింటర్ కలెక్షన్లో భాగంగా దీన్ని ‘న్యూ ఇన్’గా అందుబాటులోకి తెచ్చింది.
ఫెండి బ్యాగ్పై చర్చ జరుగుతున్న సమయంలో గతంలో ప్రాడా కొల్హాపురీ చెప్పుల వివాదం కూడా మరోసారి ప్రస్తావనకు వస్తోంది. సంప్రదాయ భారతీయ కొల్హాపురీ చెప్పులను పోలిన ఫుట్వేర్ను ప్రాడా విక్రయించడంపై అప్పట్లో విమర్శలు వచ్చాయి. ఈ రెండు ఘటనలతో భారతీయ సంప్రదాయ కళలు, వాటిని రూపొందించే కళాకారులకు గుర్తింపు ఇవ్వడం, న్యాయమైన క్రెడిట్ ఇవ్వడం వంటి అంశాలపై చర్చ మళ్లీ మొదలైంది.
‘మల్టీకలర్ రీ-ఎడిషన్ బ్యాగ్ విత్ ఎంబ్రాయిడరీ అండ్ మిర్రర్స్’ పేరుతో విక్రయిస్తున్న ఈ బ్యాగ్లో దట్టమైన రంగురంగుల ఎంబ్రాయిడరీ, అద్దాల అలంకరణ ఉన్నాయి. దీంతో భారత్లో స్థానిక కళాకారులు తయారు చేసే నవరాత్రి బ్యాగ్లతో పోలికలు చూపిస్తూ సోషల్ మీడియాలో పోస్టులు వైరల్ అవుతున్నాయి.
బయోకాన్ ఎగ్జిక్యూటివ్ చైర్పర్సన్ కిరణ్ మజుందార్-షా కూడా ఈ అంశంపై స్పందించారు. భారతీయ సంప్రదాయ కళను దాని మూలాలను గుర్తించకుండా లగ్జరీ ఉత్పత్తిగా మలచడం సరికాదని ఆమె ‘ఎక్స్’లో పేర్కొన్నారు. ఈ కళను తరతరాలుగా కాపాడుతున్న భారతీయ కళాకారులకు గుర్తింపు ఇవ్వాలని అన్నారు.
పారిశ్రామికవేత్త హర్ష్ గోయెంకా కూడా ఈ బ్యాగ్పై స్పందించారు. గుజరాత్ వీధుల్లో రూ.500కే లభించే బ్యాగ్లా కనిపించే డిజైన్కు రూ.లక్షలు వసూలు చేస్తున్నారని విమర్శించారు. భారతీయ కళలకు ఎప్పుడు తగిన గుర్తింపు లభిస్తుందని ప్రశ్నించారు.
ఈ బ్యాగ్ పూర్తిగా కొత్త డిజైన్ కాదని తెలుస్తోంది. ఇది ఫెండీ బగెట్ 26424 మల్టీకలర్ రీ-ఎడిషన్ మోడల్. ఫెండి 2026 ఫాల్/వింటర్ కలెక్షన్లో భాగంగా దీన్ని ‘న్యూ ఇన్’గా అందుబాటులోకి తెచ్చింది.
ఫెండి బ్యాగ్పై చర్చ జరుగుతున్న సమయంలో గతంలో ప్రాడా కొల్హాపురీ చెప్పుల వివాదం కూడా మరోసారి ప్రస్తావనకు వస్తోంది. సంప్రదాయ భారతీయ కొల్హాపురీ చెప్పులను పోలిన ఫుట్వేర్ను ప్రాడా విక్రయించడంపై అప్పట్లో విమర్శలు వచ్చాయి. ఈ రెండు ఘటనలతో భారతీయ సంప్రదాయ కళలు, వాటిని రూపొందించే కళాకారులకు గుర్తింపు ఇవ్వడం, న్యాయమైన క్రెడిట్ ఇవ్వడం వంటి అంశాలపై చర్చ మళ్లీ మొదలైంది.
