కోతికి దశదిన కర్మ... 4 వేల మందికి భోజనాలు ఏర్పాటు చేసిన గ్రామస్థులు!
మధ్యప్రదేశ్లో ఓ వింత ఘటన చోటుచేసుకుంది. ఓ కోతి మరణించడంతో గ్రామస్థులంతా కలిసి మనిషికి చేసినట్టే అన్ని కర్మకాండలు నిర్వహించారు. ఏకంగా 4 వేల మందికి భోజనం ఏర్పాటు చేసి తమ భక్తిని చాటుకున్నారు.
వివరాల్లోకి వెళితే.. రాజ్గఢ్ జిల్లాలోని దారావరీ గ్రామంలో 12 రోజుల క్రితం హైటెన్షన్ విద్యుత్ తీగలు తగిలి ఓ కోతి మరణించింది. ఆ కోతిని హనుమంతుడి అవతారంగా భావించిన గ్రామస్థులు, నవంబర్ 8న డీజే సౌండ్స్ మధ్య ఘనంగా అంతిమయాత్ర నిర్వహించారు. అనంతరం శాంతి ధామ్లో హిందూ సంప్రదాయాల ప్రకారం దహన సంస్కారాలు పూర్తి చేశారు.
11వ రోజున గ్రామ పటేల్ బీరమ్ సింగ్ సోంధియాతో సహా పలువురు గ్రామస్థులు ఉజ్జయిని వెళ్లి, పవిత్ర షిప్రా నదిలో కోతి అస్థికలను నిమజ్జనం చేశారు. కుటుంబ సభ్యుడికి చేసినట్లే పురోహితులతో అన్ని కార్యక్రమాలు చేయించారు. సాంప్రదాయబద్ధంగా గడ్డం గీయించుకోవడం వంటివి కూడా పూర్తి చేశారు.
తిరిగి గ్రామానికి వచ్చాక, 12వ రోజున బుధవారం భారీ ఎత్తున భోజనాలు ఏర్పాటు చేశారు. ఇందుకోసం గ్రామస్థులు సుమారు లక్ష రూపాయల విరాళాలు సేకరించారు. 5 క్వింటాళ్ల పిండితో పూరీలు, 40 కిలోల సేవ్, 100 లీటర్ల మజ్జిగ పులుసు, స్వీట్లు, ఇతర వంటకాలను సిద్ధం చేశారు. చుట్టుపక్కల 30-35 కిలోమీటర్ల పరిధిలోని గ్రామాలకు కూడా ఆహ్వానాలు పంపడంతో 4 వేల మందికి పైగా ఈ విందుకు హాజరయ్యారు.
ఇదే రాజ్గఢ్ జిల్లాలోని దాలుపురా గ్రామంలో 2022లోనూ ఇలాంటి ఘటనే జరిగింది. అప్పుడు కూడా ఓ కోతి చనిపోతే, 1,500 మంది గ్రామస్థులు కలిసి అంత్యక్రియలు నిర్వహించి, విందు ఏర్పాటు చేశారు.
వివరాల్లోకి వెళితే.. రాజ్గఢ్ జిల్లాలోని దారావరీ గ్రామంలో 12 రోజుల క్రితం హైటెన్షన్ విద్యుత్ తీగలు తగిలి ఓ కోతి మరణించింది. ఆ కోతిని హనుమంతుడి అవతారంగా భావించిన గ్రామస్థులు, నవంబర్ 8న డీజే సౌండ్స్ మధ్య ఘనంగా అంతిమయాత్ర నిర్వహించారు. అనంతరం శాంతి ధామ్లో హిందూ సంప్రదాయాల ప్రకారం దహన సంస్కారాలు పూర్తి చేశారు.
11వ రోజున గ్రామ పటేల్ బీరమ్ సింగ్ సోంధియాతో సహా పలువురు గ్రామస్థులు ఉజ్జయిని వెళ్లి, పవిత్ర షిప్రా నదిలో కోతి అస్థికలను నిమజ్జనం చేశారు. కుటుంబ సభ్యుడికి చేసినట్లే పురోహితులతో అన్ని కార్యక్రమాలు చేయించారు. సాంప్రదాయబద్ధంగా గడ్డం గీయించుకోవడం వంటివి కూడా పూర్తి చేశారు.
తిరిగి గ్రామానికి వచ్చాక, 12వ రోజున బుధవారం భారీ ఎత్తున భోజనాలు ఏర్పాటు చేశారు. ఇందుకోసం గ్రామస్థులు సుమారు లక్ష రూపాయల విరాళాలు సేకరించారు. 5 క్వింటాళ్ల పిండితో పూరీలు, 40 కిలోల సేవ్, 100 లీటర్ల మజ్జిగ పులుసు, స్వీట్లు, ఇతర వంటకాలను సిద్ధం చేశారు. చుట్టుపక్కల 30-35 కిలోమీటర్ల పరిధిలోని గ్రామాలకు కూడా ఆహ్వానాలు పంపడంతో 4 వేల మందికి పైగా ఈ విందుకు హాజరయ్యారు.
ఇదే రాజ్గఢ్ జిల్లాలోని దాలుపురా గ్రామంలో 2022లోనూ ఇలాంటి ఘటనే జరిగింది. అప్పుడు కూడా ఓ కోతి చనిపోతే, 1,500 మంది గ్రామస్థులు కలిసి అంత్యక్రియలు నిర్వహించి, విందు ఏర్పాటు చేశారు.
