క్రికెట్ దిగ్గజం సచిన్ టెండూల్కర్ కుమార్తె సారా టెండూల్కర్ వివాహం గురించి సోషల్ మీడియాలో సరికొత్త ప్రచారం మొదలైంది. బాలీవుడ్ ప్రముఖ నటుడు సన్నీ డియోల్ కుమారుడు, యువ నటుడు రాజ్‌వీర్ డియోల్‌తో సారా వివాహం జరగనుందంటూ నెట్టింట వార్తలు చక్కర్లు కొడుతున్నాయి.

సోషల్ మీడియా ప్లాట్‌ఫామ్ ‘ఎక్స్’ (ట్విట్టర్), ‘రెడ్డిట్’లలో వైరల్ అయిన కొన్ని పోస్టుల ఆధారంగా ఈ ఊహాగానాలు పుట్టుకొచ్చాయి. వీరిద్దరికీ త్వరలోనే సంబంధం కుదరనుందని, 2027లో పెళ్లి జరిగే అవకాశం ఉందని ఆ పోస్టుల్లో పేర్కొన్నారు. ఈ వార్తలు కాస్తా ఇంటర్నెట్‌లో విపరీతంగా వ్యాపించడంతో పలు ఎంటర్‌టైన్‌మెంట్ వెబ్‌సైట్లలో కథనాలు వెలువడ్డాయి.

అయితే, ఈ ప్రచారంలో ఎలాంటి వాస్తవం లేదని స్పష్టమవుతోంది. సారా టెండూల్కర్, రాజ్‌వీర్ డియోల్ వివాహం గురించి వస్తున్న వార్తలపై అటు టెండూల్కర్ కుటుంబం కానీ, ఇటు డియోల్ కుటుంబం కానీ ఎలాంటి అధికారిక ప్రకటన చేయలేదు. ఇరు కుటుంబాల నుంచి ఎలాంటి ధ్రువీకరణ లేకపోవడంతో ఇవన్నీ పూర్తిగా నిరాధారమైన పుకార్లుగానే తెలుస్తోంది.

గతంలోనూ సారా టెండూల్కర్ వ్యక్తిగత జీవితంపై పలుమార్లు ఇలాంటి వదంతులు వచ్చాయి. టీమిండియా యువ క్రికెటర్ శుభ్‌మన్ గిల్‌తో ఆమె పేరును ముడిపెడుతూ వార్తలు వచ్చినా, వాటిపై కూడా ఎప్పుడూ అధికారిక స్పష్టత రాలేదు. ప్రస్తుతం రాజ్‌వీర్ డియోల్‌తో వినిపిస్తున్న పెళ్లి వార్తలు కూడా కేవలం సోషల్ మీడియాకే పరిమితమైన ఊహాగానాలు మాత్రమేనని తెలుస్తోంది. 
20261121fre446a5ef3929.jpg