- తిరువనంతపురం నుంచి రూ. 340 కొచ్చి నుంచి రూ. 380గా ప్రయాణ ఛార్జీలు
- మండలం-మకరవిళక్కు సీజన్ మొత్తం ఈ ప్రత్యేక బస్సులు అందుబాటులో ఉంటాయని వెల్లడి
- ఇంటి వద్ద నుంచే నేరుగా పంబకు ప్రయాణించేందుకు చార్టర్డ్ బస్సుల బుకింగ్ సౌకర్యం
శబరిమల వెళ్లే అయ్యప్ప భక్తులకు కేరళ ప్రభుత్వం తీపికబురు అందించింది. ఇతర ప్రాంతాల నుంచి విమానాల్లో వచ్చే భక్తుల సౌకర్యార్థం తిరువనంతపురం, కొచ్చి అంతర్జాతీయ విమానాశ్రయాల నుంచి నేరుగా పంబకు కేఎస్ఆర్టీసీ (KSRTC) ఏసీ బస్సు సర్వీసులను అందుబాటులోకి తెచ్చింది.
తిరువనంతపురం ఎయిర్పోర్టులో మొదటి బస్సు సర్వీసును కేరళ రవాణా శాఖ మంత్రి సి.పి. జాన్ జెండా ఊపి ప్రారంభించారు. అంతకుముందు చెన్నై, బెంగళూరు, హైదరాబాద్ నగరాల నుంచి వచ్చిన భక్తులకు ఆయన పూలు, అయ్యప్ప స్వామి చిత్రపటాలు అందించి ఘనంగా స్వాగతం పలికారు.
ఈ ప్రత్యేక బస్సుల్లో ప్రయాణానికి సంబంధించి తిరువనంతపురం ఎయిర్పోర్టు నుంచి పంబకు రూ. 340, కొచ్చి ఎయిర్పోర్టు నుంచి రూ. 380 ఛార్జీగా నిర్ణయించారు. తిరువనంతపురం నుంచి రాత్రి 9:30 గంటలకు బయలుదేరే బస్సు తిరిగి సాయంత్రం 7:00 గంటలకు చేరుకుంటుంది. అలాగే కొచ్చి నుంచి రాత్రి 8:30 గంటలకు బయలుదేరే సర్వీసు మరుసటి రోజు సాయంత్రం 7:00 గంటలకు తిరుగు ప్రయాణమవుతుంది. విమాన ప్రయాణికులే కాకుండా సాధారణ భక్తులు కూడా వీటిలో ప్రయాణించవచ్చు.
మరోవైపు భక్తులు తమ ఇళ్లు లేదా దేవాలయాల వద్ద ఇరుముడి కట్టుకున్న తర్వాత నేరుగా పంబకు చేరుకునేందుకు వీలుగా చార్టర్డ్ బస్సు సౌకర్యాన్ని కూడా కేఎస్ఆర్టీసీ ప్రారంభించింది. వ్యక్తులు, కుటుంబాలు, బృందాలు తమ అవసరాలకు తగినట్లుగా ముందుగానే బస్సులను బుక్ చేసుకోవచ్చు. టికెట్లను కేఎస్ఆర్టీసీ వెబ్సైట్తో పాటు ఫ్లైట్ బుకింగ్ పోర్టల్స్ ద్వారా కూడా రిజర్వ్ చేసుకునే వెసులుబాటు కల్పించారు. ప్రయాణికుల రద్దీకి అనుగుణంగా అదనపు బస్సులను కూడా నడుపుతామని అధికారులు స్పష్టం చేశారు.
తిరువనంతపురం ఎయిర్పోర్టులో మొదటి బస్సు సర్వీసును కేరళ రవాణా శాఖ మంత్రి సి.పి. జాన్ జెండా ఊపి ప్రారంభించారు. అంతకుముందు చెన్నై, బెంగళూరు, హైదరాబాద్ నగరాల నుంచి వచ్చిన భక్తులకు ఆయన పూలు, అయ్యప్ప స్వామి చిత్రపటాలు అందించి ఘనంగా స్వాగతం పలికారు.
ఈ ప్రత్యేక బస్సుల్లో ప్రయాణానికి సంబంధించి తిరువనంతపురం ఎయిర్పోర్టు నుంచి పంబకు రూ. 340, కొచ్చి ఎయిర్పోర్టు నుంచి రూ. 380 ఛార్జీగా నిర్ణయించారు. తిరువనంతపురం నుంచి రాత్రి 9:30 గంటలకు బయలుదేరే బస్సు తిరిగి సాయంత్రం 7:00 గంటలకు చేరుకుంటుంది. అలాగే కొచ్చి నుంచి రాత్రి 8:30 గంటలకు బయలుదేరే సర్వీసు మరుసటి రోజు సాయంత్రం 7:00 గంటలకు తిరుగు ప్రయాణమవుతుంది. విమాన ప్రయాణికులే కాకుండా సాధారణ భక్తులు కూడా వీటిలో ప్రయాణించవచ్చు.
మరోవైపు భక్తులు తమ ఇళ్లు లేదా దేవాలయాల వద్ద ఇరుముడి కట్టుకున్న తర్వాత నేరుగా పంబకు చేరుకునేందుకు వీలుగా చార్టర్డ్ బస్సు సౌకర్యాన్ని కూడా కేఎస్ఆర్టీసీ ప్రారంభించింది. వ్యక్తులు, కుటుంబాలు, బృందాలు తమ అవసరాలకు తగినట్లుగా ముందుగానే బస్సులను బుక్ చేసుకోవచ్చు. టికెట్లను కేఎస్ఆర్టీసీ వెబ్సైట్తో పాటు ఫ్లైట్ బుకింగ్ పోర్టల్స్ ద్వారా కూడా రిజర్వ్ చేసుకునే వెసులుబాటు కల్పించారు. ప్రయాణికుల రద్దీకి అనుగుణంగా అదనపు బస్సులను కూడా నడుపుతామని అధికారులు స్పష్టం చేశారు.