- మరణానికి ముందు గీసిన 'చెస్నట్ ట్రీస్ ఇన్ ఫ్లవర్' చిత్రం
- నాజీల కాలం నాటి వివాదం.. ఒప్పందం తర్వాతే వేలం
- న్యూయార్క్లోని సోత్'బేస్ వేలంలో అమ్మకం
- 2022 నాటి రికార్డును అధిగమించిన తాజా ధర
ప్రఖ్యాత చిత్రకారుడు విన్సెంట్ వాన్ గో గీసిన ఓ పెయింటింగ్ వేలంలో సరికొత్త రికార్డు సృష్టించింది. ఆయన ఆత్మహత్య చేసుకోవడానికి కొన్ని వారాల ముందు గీసిన 'ఛాటెయినియర్స్ ఎన్ ఫ్లయర్స్' అనే చిత్రం ఏకంగా 190.4 మిలియన్ డాలర్లకు (సుమారు రూ.1,773 కోట్లు) అమ్ముడుపోయింది. న్యూయార్క్లో సోత్'బేస్ నిర్వహించిన వేలంలో ఈ పెయింటింగ్ అంచనాలను మించి ధర పలికింది.
అయితే, ఈ వేలానికి ముందు ఒక పెద్ద వివాదం నడిచింది. నాజీల పాలనలో జర్మనీలో ఈ పెయింటింగ్ను అమ్మేసిన ఓ యూదు కుటుంబ వారసులు దీనిపై హక్కుల కోసం ముందుకు వచ్చారు. దీంతో వేలం ఆగిపోకుండా ఉండేందుకు పెయింటింగ్ ప్రస్తుత యజమానులైన బ్లాకియర్-అరియేటా కుటుంబం, యూదు కుటుంబ వారసుల మధ్య సోత్'బేస్ ఒక ఒప్పందం కుదిర్చింది. ఈ ఒప్పందం వివరాలను బయటపెట్టనప్పటికీ, ఇరు కుటుంబాలు సంతృప్తికరమైన పరిష్కారానికి అంగీకరించడంతో వేలం సజావుగా సాగింది.
మానసిక చికిత్సాలయం నుంచి మే 1890లో విడుదలైన తర్వాత వాన్ గో ఈ చిత్రాన్ని గీశారు. అది గీసిన రెండు నెలలకే ఆయన ఆత్మహత్య చేసుకున్నారు. ఇప్పటివరకు వాన్ గో పెయింటింగ్లలో 2022లో 'వెర్జర్ అవెక్ సైప్రెస్' అనే చిత్రం 117.2 మిలియన్ డాలర్లకు అమ్ముడుపోవడమే రికార్డుగా ఉండేది. తాజా అమ్మకంతో ఆ రికార్డు బద్దలైంది.
ఇదే వేలంలో భాగంగా పాల్ సెజాన్ గీసిన 'ఆర్లేక్విన్' చిత్రం కూడా 111 మిలియన్ డాలర్లకు అమ్ముడుపోయింది. మొత్తం మీద ఈ వేలంలో 12 చిత్రాలు 412 మిలియన్ డాలర్ల భారీ మొత్తానికి విక్రయమయ్యాయి.
అయితే, ఈ వేలానికి ముందు ఒక పెద్ద వివాదం నడిచింది. నాజీల పాలనలో జర్మనీలో ఈ పెయింటింగ్ను అమ్మేసిన ఓ యూదు కుటుంబ వారసులు దీనిపై హక్కుల కోసం ముందుకు వచ్చారు. దీంతో వేలం ఆగిపోకుండా ఉండేందుకు పెయింటింగ్ ప్రస్తుత యజమానులైన బ్లాకియర్-అరియేటా కుటుంబం, యూదు కుటుంబ వారసుల మధ్య సోత్'బేస్ ఒక ఒప్పందం కుదిర్చింది. ఈ ఒప్పందం వివరాలను బయటపెట్టనప్పటికీ, ఇరు కుటుంబాలు సంతృప్తికరమైన పరిష్కారానికి అంగీకరించడంతో వేలం సజావుగా సాగింది.
మానసిక చికిత్సాలయం నుంచి మే 1890లో విడుదలైన తర్వాత వాన్ గో ఈ చిత్రాన్ని గీశారు. అది గీసిన రెండు నెలలకే ఆయన ఆత్మహత్య చేసుకున్నారు. ఇప్పటివరకు వాన్ గో పెయింటింగ్లలో 2022లో 'వెర్జర్ అవెక్ సైప్రెస్' అనే చిత్రం 117.2 మిలియన్ డాలర్లకు అమ్ముడుపోవడమే రికార్డుగా ఉండేది. తాజా అమ్మకంతో ఆ రికార్డు బద్దలైంది.
ఇదే వేలంలో భాగంగా పాల్ సెజాన్ గీసిన 'ఆర్లేక్విన్' చిత్రం కూడా 111 మిలియన్ డాలర్లకు అమ్ముడుపోయింది. మొత్తం మీద ఈ వేలంలో 12 చిత్రాలు 412 మిలియన్ డాలర్ల భారీ మొత్తానికి విక్రయమయ్యాయి.