తెలంగాణ నూతన సీఎస్ కు చిరంజీవి శుభాకాంక్షలు
- తెలంగాణ నూతన ప్రభుత్వ ప్రధాన కార్యదర్శిగా సంజయ్ జాజు
- ఆయనకు అభినందనలు తెలిపిన మెగాస్టార్ చిరంజీవి
- సంజయ్ జాజు తనకు సోదరుడి లాంటి వారని వ్యాఖ్య
- ఆయన పాలనలో తెలంగాణ ఉన్నత శిఖరాలకు చేరుకుంటుందని ఆశాభావం
"ప్రియమైన సంజయ్ జాజు గారికి, తెలంగాణ ప్రభుత్వ ప్రధాన కార్యదర్శిగా నియమితులైనందుకు నా హృదయపూర్వక అభినందనలు. మీ నిజాయితీ, దార్శనికత, అపారమైన అనుభవం మిమ్మల్ని ఈ పదవికి సరైన నాయకుడిగా నిలబెట్టాయి. మీ పరిపాలనా నాయకత్వంలో తెలంగాణ మరిన్ని ఉన్నత శిఖరాలకు చేరుకుంటుందని నేను విశ్వసిస్తున్నాను" అని చిరంజీవి పేర్కొన్నారు.
సంజయ్ జాజుతో తనకున్న వ్యక్తిగత సాన్నిహిత్యం గురించి ప్రస్తావిస్తూ, "నాకు మీరు స్నేహితుడి కన్నా సోదరుడితో సమానం. ఈ ప్రతిష్టాత్మక బాధ్యతలో మీరు పూర్తి విజయం సాధించాలని కోరుకుంటున్నాను. మీకు ఎల్లప్పుడూ నా శుభాకాంక్షలు ఉంటాయి" అని చిరంజీవి తన సందేశంలో తెలిపారు. సీనియర్ ఐఏఎస్ అధికారి అయిన సంజయ్ జాజు, తెలంగాణ నూతన సీఎస్గా బాధ్యతలు స్వీకరించిన నేపథ్యంలో పలువురు ప్రముఖులు ఆయనకు అభినందనలు తెలియజేస్తున్నారు.
