30 ఏళ్లు ఢిల్లీలో ఉన్నా.. హైదరాబాద్లోనే అసలైన జీవితం దొరికింది.. వైరల్ అవుతున్న యువకుడి వీడియో!
- నగరంలో భద్రత, మానసిక ప్రశాంతత మెరుగ్గా ఉందన్న పర్వ్ శర్మ
- ఢిల్లీలో నిరంతరం భయంతో బతకాల్సి వచ్చేదని వెల్లడి
- తెలంగాణ పోలీసుల పనితీరును ప్రశంసించిన యువకుడు
- హైదరాబాద్ మిమ్మల్ని దత్తత తీసుకుంటుందంటూ నెటిజన్ల కామెంట్లు
"గత 30 ఏళ్లుగా ఢిల్లీలో పుట్టి పెరిగాను. కానీ, హైదరాబాద్ నగరానికి వచ్చిన తర్వాతే అసలైన భద్రత, మానసిక ప్రశాంతత అంటే ఏంటో తెలిసింది" అంటూ పర్వ్ శర్మ యోధ అనే యువకుడు పంచుకున్న ఓ వీడియో ఇప్పుడు సోషల్ మీడియాలో వైరల్ అవుతోంది. ఢిల్లీలోని జీవనశైలితో పోలిస్తే హైదరాబాద్లో తనకు లభించిన భద్రతా భావం, స్వేచ్ఛాయుత వాతావరణం గురించి ఆయన ఎంతో భావోద్వేగంతో వివరించారు.
ఉద్యోగ రీత్యా తన భార్యతో కలిసి హైదరాబాద్కు మకాం మార్చిన పర్వ్, తన అనుభవాలను పంచుకున్నారు. "ఢిల్లీలో రోడ్డు మీద నడుస్తున్నప్పుడు ఫోన్ పట్టుకోవాలన్నా, ఒంటి మీద బంగారం వేసుకోవాలన్నా నిరంతరం ఓ కన్నేసి ఉంచాలి. దొంగతనాలు, వేధింపుల భయంతో ఎప్పుడూ వెనక్కి తిరిగి చూసుకుంటూ అప్రమత్తంగా ఉండాలి. ముఖ్యంగా మహిళలు రాత్రిపూట ఒంటరిగా ప్రయాణిస్తే, వారు ఇంటికి చేరేవరకు కుటుంబమంతా ఫోన్ కాల్స్, లొకేషన్ ట్రాకింగ్తో కంగారు పడటం అక్కడ సర్వసాధారణం" అని ఆయన పేర్కొన్నారు.
అయితే, హైదరాబాద్కు వచ్చిన తర్వాత తన ఆలోచనా విధానంలో పూర్తి మార్పు వచ్చిందని పర్వ్ తెలిపారు. "ఇక్కడ నేను, నా భార్య రాత్రిపూట కూడా ఎలాంటి భయం లేకుండా స్వేచ్ఛగా బయట నడవగలుగుతున్నాం. తను పని మీద ఒంటరిగా బయటకు వెళ్లినా నాకు ఢిల్లీలో ఉన్నప్పటి ఆందోళన ఇప్పుడు లేదు. ఈ నగరం ఎంతో సురక్షితమైనది" అని ఆయన అన్నారు. గత రెండేళ్లలో ఒక్కసారి మాత్రమే పోలీసులు సాధారణ తనిఖీ కోసం ఆపారని, వారు కూడా ఎంతో గౌరవంగా, సహాయకరంగా ప్రవర్తించారని తెలంగాణ పోలీసుల పనితీరును ప్రశంసించారు. కేవలం భద్రతే కాకుండా ఈ నగరం తనకు ఆధ్యాత్మిక చింతన, మంచి స్నేహితులు, కెరీర్ ఎదుగుదలను కూడా అందించిందని సంతోషం వ్యక్తం చేశారు.
పర్వ్ వీడియోపై స్పందించిన నెటిజన్లు ఆయన అభిప్రాయాలతో ఏకీభవించారు. చాలామంది తమ అనుభవాలను పంచుకున్నారు. "హైదరాబాద్ మిమ్మల్ని దత్తత తీసుకుంటుంది. ఇక్కడికి వచ్చాక మరో చోట ఉండలేరు" అని ఒకరు కామెంట్ చేయగా, "నేను ఉత్తరాదికి చెందిన అమ్మాయిని, హైదరాబాద్లో వివాహం చేసుకున్నాను. ఇక్కడి ప్రజలు నిరాడంబరంగా, ఎలాంటి ఆడంబరాలు లేకుండా ఉంటారు. ఢిల్లీలోని గందరగోళ జీవితంతో పోలిస్తే ఇక్కడ ప్రశాంతమైన జీవితం దొరికింది" అని మరో మహిళ పేర్కొన్నారు. అయితే, నగరం చాలా సురక్షితమైనప్పటికీ, రెండుసార్లు తన ఫోన్ పోయిందని, ఇలాంటి చిన్న చిన్న ఘటనలు మినహా హైదరాబాద్లో జీవించడం గొప్ప అనుభూతి అని మరో నెటిజన్ వ్యాఖ్యానించారు.
ఉద్యోగ రీత్యా తన భార్యతో కలిసి హైదరాబాద్కు మకాం మార్చిన పర్వ్, తన అనుభవాలను పంచుకున్నారు. "ఢిల్లీలో రోడ్డు మీద నడుస్తున్నప్పుడు ఫోన్ పట్టుకోవాలన్నా, ఒంటి మీద బంగారం వేసుకోవాలన్నా నిరంతరం ఓ కన్నేసి ఉంచాలి. దొంగతనాలు, వేధింపుల భయంతో ఎప్పుడూ వెనక్కి తిరిగి చూసుకుంటూ అప్రమత్తంగా ఉండాలి. ముఖ్యంగా మహిళలు రాత్రిపూట ఒంటరిగా ప్రయాణిస్తే, వారు ఇంటికి చేరేవరకు కుటుంబమంతా ఫోన్ కాల్స్, లొకేషన్ ట్రాకింగ్తో కంగారు పడటం అక్కడ సర్వసాధారణం" అని ఆయన పేర్కొన్నారు.
అయితే, హైదరాబాద్కు వచ్చిన తర్వాత తన ఆలోచనా విధానంలో పూర్తి మార్పు వచ్చిందని పర్వ్ తెలిపారు. "ఇక్కడ నేను, నా భార్య రాత్రిపూట కూడా ఎలాంటి భయం లేకుండా స్వేచ్ఛగా బయట నడవగలుగుతున్నాం. తను పని మీద ఒంటరిగా బయటకు వెళ్లినా నాకు ఢిల్లీలో ఉన్నప్పటి ఆందోళన ఇప్పుడు లేదు. ఈ నగరం ఎంతో సురక్షితమైనది" అని ఆయన అన్నారు. గత రెండేళ్లలో ఒక్కసారి మాత్రమే పోలీసులు సాధారణ తనిఖీ కోసం ఆపారని, వారు కూడా ఎంతో గౌరవంగా, సహాయకరంగా ప్రవర్తించారని తెలంగాణ పోలీసుల పనితీరును ప్రశంసించారు. కేవలం భద్రతే కాకుండా ఈ నగరం తనకు ఆధ్యాత్మిక చింతన, మంచి స్నేహితులు, కెరీర్ ఎదుగుదలను కూడా అందించిందని సంతోషం వ్యక్తం చేశారు.
పర్వ్ వీడియోపై స్పందించిన నెటిజన్లు ఆయన అభిప్రాయాలతో ఏకీభవించారు. చాలామంది తమ అనుభవాలను పంచుకున్నారు. "హైదరాబాద్ మిమ్మల్ని దత్తత తీసుకుంటుంది. ఇక్కడికి వచ్చాక మరో చోట ఉండలేరు" అని ఒకరు కామెంట్ చేయగా, "నేను ఉత్తరాదికి చెందిన అమ్మాయిని, హైదరాబాద్లో వివాహం చేసుకున్నాను. ఇక్కడి ప్రజలు నిరాడంబరంగా, ఎలాంటి ఆడంబరాలు లేకుండా ఉంటారు. ఢిల్లీలోని గందరగోళ జీవితంతో పోలిస్తే ఇక్కడ ప్రశాంతమైన జీవితం దొరికింది" అని మరో మహిళ పేర్కొన్నారు. అయితే, నగరం చాలా సురక్షితమైనప్పటికీ, రెండుసార్లు తన ఫోన్ పోయిందని, ఇలాంటి చిన్న చిన్న ఘటనలు మినహా హైదరాబాద్లో జీవించడం గొప్ప అనుభూతి అని మరో నెటిజన్ వ్యాఖ్యానించారు.
