- న్యాయ రంగంలో ఏఐ వాడకంపై నిషేధం సరికాదు
- నియంత్రణతో బాధ్యతాయుత వినియోగాన్ని ప్రోత్సహించాలి
- ఏఐ డిటెక్టర్ సాఫ్ట్వేర్లు నమ్మదగినవి కాదు
- న్యాయ విద్యార్థులకు పట్టాకు ముందు న్యాయ సహాయం తప్పనిసరి
- శంషాబాద్లో జరిగిన సదస్సులో సీజేఐ సూర్యకాంత్ కీలక సూచనలు
న్యాయ రంగంలో కృత్రిమ మేధ (ఏఐ) వాడకాన్ని పూర్తిగా నిషేధించడం ఆచరణ సాధ్యం కాదని, వివేకవంతమైన చర్య కూడా కాదని భారత ప్రధాన న్యాయమూర్తి (సీజేఐ) జస్టిస్ సూర్యకాంత్ స్పష్టం చేశారు. నిషేధం విధించడానికి బదులుగా, స్పష్టమైన నిబంధనలతో నియంత్రించడం, బాధ్యతాయుతమైన వినియోగాన్ని ప్రోత్సహించడమే సరైన మార్గమని ఆయన అభిప్రాయపడ్డారు. శంషాబాద్లోని నోవోటెల్ హోటల్లో కామన్వెల్త్ లీగల్ ఎడ్యుకేషన్ అసోసియేషన్ (సీఎల్ఈఏ) నిర్వహించిన అంతర్జాతీయ న్యాయ విద్యా సదస్సులో ఆయన ఈ కీలక వ్యాఖ్యలు చేశారు.
ఏఐ వినియోగాన్ని గుర్తించే సాఫ్ట్వేర్లను గుడ్డిగా నమ్మవద్దని జస్టిస్ సూర్యకాంత్ హెచ్చరించారు. ముఖ్యంగా ఇంగ్లిష్ మాతృభాష కాని విద్యార్థులు రాసిన వ్యాసాలను కూడా ఏఐ రాసినట్లుగా ఈ టూల్స్ తప్పుగా గుర్తిస్తున్నాయని ఓ అధ్యయనాన్ని ఉటంకించారు. దీనివల్ల నిజాయతీపరులైన విద్యార్థులపై మోసగాళ్లనే ముద్ర పడే ప్రమాదం ఉందని ఆందోళన వ్యక్తం చేశారు. ఏఐ వాడకాన్ని నిషేధిస్తే, అది చాటుమాటుగా పెరిగిపోతుందని, దానిని పర్యవేక్షించడం కష్టమవుతుందని తెలిపారు.
ఈ సందర్భంగా న్యాయ విద్యార్థులకు జస్టిస్ సూర్యకాంత్ మరో ముఖ్యమైన సూచన చేశారు. ప్రతి న్యాయ విద్యార్థి పట్టా పొందాలంటే, కనీస కాలం పాటు న్యాయ సహాయ సేవల్లో పాల్గొనడాన్ని తప్పనిసరి చేయాలని ప్రతిపాదించారు. తరగతి గదుల్లో నేర్చుకున్న సిద్ధాంతాలను, కోర్టు హాలులోని వాస్తవాలతో అనుసంధానించడానికి ఇది దోహదపడుతుందని వివరించారు. పేదలకు న్యాయ సేవలు అందించడంలో విద్యార్థుల పాత్ర కీలకమని గుర్తుచేశారు.
న్యాయ పరిశోధనల్లో ఏఐ వాడేటప్పుడు, అది ఇచ్చే సమాచారాన్ని గుడ్డిగా నమ్మవద్దని, ప్రతి ఆధారాన్ని సరిచూసుకోవాలని సూచించారు. ఈ కార్యక్రమంలో సుప్రీంకోర్టు న్యాయమూర్తులు జస్టిస్ పి.ఎస్.నరసింహ, జస్టిస్ అమానుల్లా, తెలంగాణ హైకోర్టు ఏసీజే జస్టిస్ పి.సామ్ కోషి తదితరులు పాల్గొన్నారు.
ఏఐ వినియోగాన్ని గుర్తించే సాఫ్ట్వేర్లను గుడ్డిగా నమ్మవద్దని జస్టిస్ సూర్యకాంత్ హెచ్చరించారు. ముఖ్యంగా ఇంగ్లిష్ మాతృభాష కాని విద్యార్థులు రాసిన వ్యాసాలను కూడా ఏఐ రాసినట్లుగా ఈ టూల్స్ తప్పుగా గుర్తిస్తున్నాయని ఓ అధ్యయనాన్ని ఉటంకించారు. దీనివల్ల నిజాయతీపరులైన విద్యార్థులపై మోసగాళ్లనే ముద్ర పడే ప్రమాదం ఉందని ఆందోళన వ్యక్తం చేశారు. ఏఐ వాడకాన్ని నిషేధిస్తే, అది చాటుమాటుగా పెరిగిపోతుందని, దానిని పర్యవేక్షించడం కష్టమవుతుందని తెలిపారు.
ఈ సందర్భంగా న్యాయ విద్యార్థులకు జస్టిస్ సూర్యకాంత్ మరో ముఖ్యమైన సూచన చేశారు. ప్రతి న్యాయ విద్యార్థి పట్టా పొందాలంటే, కనీస కాలం పాటు న్యాయ సహాయ సేవల్లో పాల్గొనడాన్ని తప్పనిసరి చేయాలని ప్రతిపాదించారు. తరగతి గదుల్లో నేర్చుకున్న సిద్ధాంతాలను, కోర్టు హాలులోని వాస్తవాలతో అనుసంధానించడానికి ఇది దోహదపడుతుందని వివరించారు. పేదలకు న్యాయ సేవలు అందించడంలో విద్యార్థుల పాత్ర కీలకమని గుర్తుచేశారు.
న్యాయ పరిశోధనల్లో ఏఐ వాడేటప్పుడు, అది ఇచ్చే సమాచారాన్ని గుడ్డిగా నమ్మవద్దని, ప్రతి ఆధారాన్ని సరిచూసుకోవాలని సూచించారు. ఈ కార్యక్రమంలో సుప్రీంకోర్టు న్యాయమూర్తులు జస్టిస్ పి.ఎస్.నరసింహ, జస్టిస్ అమానుల్లా, తెలంగాణ హైకోర్టు ఏసీజే జస్టిస్ పి.సామ్ కోషి తదితరులు పాల్గొన్నారు.