- బంగాళాఖాతంలో తీవ్ర తుపానుగా బలపడనున్న వాయుగుండం
- గురువారం నాటికి ఆంధ్రప్రదేశ్ తీరానికి చేరుకునే అవకాశం
- ఉత్తరాంధ్ర జిల్లాల్లో గురు, శుక్రవారాల్లో భారీ వర్షాల సూచన
- కోస్తా తీరం వెంబడి గంటకు 40 నుంచి 60 కిలోమీటర్ల వేగంతో ఈదురుగాలులు
- మత్స్యకారులు సముద్రంలోకి వేటకు వెళ్లవద్దని అధికారుల హెచ్చరిక
ఆంధ్రప్రదేశ్, దక్షిణ ఒడిశా తీరాలకు వాతావరణ శాఖ తుపాను హెచ్చరికలు జారీ చేసింది. ఆగ్నేయ, దానిని ఆనుకుని ఉన్న నైరుతి బంగాళాఖాతంలో ఏర్పడిన వాయుగుండం మరింత బలపడి తీవ్ర తుపానుగా మారే అవకాశముందని భారత వాతావరణ శాఖ (ఐఎండీ) వెల్లడించింది. ఇది ప్రస్తుతం ఉత్తర-వాయవ్య దిశగా గంటకు 15 కిలోమీటర్ల వేగంతో కదులుతోంది.
ఐఎండీ విడుదల చేసిన బులెటిన్ ప్రకారం.. ఆదివారం మధ్యాహ్నం సమయానికి ఈ వాయుగుండం విశాఖపట్నానికి ఆగ్నేయంగా 960 కిలోమీటర్లు, ఒడిశాలోని గోపాల్‌పూర్‌కు 1070 కిలోమీటర్లు, చెన్నైకి తూర్పు-ఆగ్నేయంగా 800 కిలోమీటర్ల దూరంలో కేంద్రీకృతమై ఉంది. అలాగే శ్రీలంకలోని ట్రింకోమలీకి ఈశాన్యంగా 620 కిలోమీటర్లు, అండమాన్ నికోబార్ దీవులలోని శ్రీ విజయపురానికి పశ్చిమ-నైరుతి దిశలో 680 కిలోమీటర్ల దూరంలో ఉంది.
ఈ వాయుగుండం సోమవారానికి (నవంబర్ 16) మధ్య బంగాళాఖాతంలో తుపానుగా మారుతుందని వాతావరణ శాఖ తెలిపింది. ఆ తర్వాత మంగళవారం (నవంబర్ 17) నాటికి పశ్చిమ-మధ్య బంగాళాఖాతంలో తీవ్ర తుపానుగా రూపాంతరం చెందే అవకాశం ఉంది. అనంతరం వాయవ్య దిశగా పయనిస్తూ మరో రెండు రోజుల్లో, అంటే గురువారం నాటికి ఆంధ్రప్రదేశ్ తీరం వైపు దూసుకువస్తుందని అధికారులు అంచనా వేస్తున్నారు.
ఈ తీవ్ర తుపాను ప్రభావం ప్రధానంగా కోస్తాంధ్రపై ఉండే అవకాశముందని ఆంధ్రప్రదేశ్ రాష్ట్ర విపత్తు నిర్వహణ సంస్థ తెలిపింది. దీనివల్ల గురు, శుక్రవారాల్లో ఉత్తరాంధ్ర జిల్లాల్లో బలమైన ఈదురుగాలులతో కూడిన భారీ నుంచి అతిభారీ వర్షాలు కురుస్తాయని సంస్థ మేనేజింగ్ డైరెక్టర్, ఆర్టీజీఎస్ సీఈవో ప్రఖర్ జైన్ తెలిపారు. మంగళవారం వరకు కోస్తా తీరం వెంబడి గంటకు 40 నుంచి 60 కిలోమీటర్ల వేగంతో గాలులు వీస్తాయని, మత్స్యకారులు ఎట్టిపరిస్థితుల్లోనూ సముద్రంలోకి వేటకు వెళ్లరాదని స్పష్టం చేశారు. రైతులు, తీరప్రాంత ప్రజలు తగిన జాగ్రత్తలు తీసుకోవాలని సూచించారు.
గడచిన 20 రోజుల వ్యవధిలోనే బంగాళాఖాతంలో ఏర్పడి ఏపీ తీరం వైపు వస్తున్న మూడో తుపాను ఇది కావడం గమనార్హం. అక్టోబర్ 27న అత్యంత తీవ్ర తుపాను 'అర్నాబ్' నరసాపురం సమీపంలో తీరం దాటగా, ఆ వెంటనే నవంబర్ 3న తీవ్ర తుపాను 'మురసు' నెల్లూరు-నరసాపురం మధ్య తీరాన్ని తాకింది. వారం వ్యవధిలోనే వచ్చిన ఈ రెండు తుపాన్ల కారణంగా 15 మంది ప్రాణాలు కోల్పోవడంతో పాటు తీరప్రాంత జిల్లాల్లో పంటలు, మౌలిక వసతులకు తీవ్ర నష్టం వాటిల్లింది. ఇప్పుడు మరో తీవ్ర తుపాను ముంచుకొస్తుండటంతో అధికార యంత్రాంగం అప్రమత్తమై ముందస్తు చర్యలు చేపట్టింది.
ఐఎండీ విడుదల చేసిన బులెటిన్ ప్రకారం.. ఆదివారం మధ్యాహ్నం సమయానికి ఈ వాయుగుండం విశాఖపట్నానికి ఆగ్నేయంగా 960 కిలోమీటర్లు, ఒడిశాలోని గోపాల్‌పూర్‌కు 1070 కిలోమీటర్లు, చెన్నైకి తూర్పు-ఆగ్నేయంగా 800 కిలోమీటర్ల దూరంలో కేంద్రీకృతమై ఉంది. అలాగే శ్రీలంకలోని ట్రింకోమలీకి ఈశాన్యంగా 620 కిలోమీటర్లు, అండమాన్ నికోబార్ దీవులలోని శ్రీ విజయపురానికి పశ్చిమ-నైరుతి దిశలో 680 కిలోమీటర్ల దూరంలో ఉంది.
ఈ వాయుగుండం సోమవారానికి (నవంబర్ 16) మధ్య బంగాళాఖాతంలో తుపానుగా మారుతుందని వాతావరణ శాఖ తెలిపింది. ఆ తర్వాత మంగళవారం (నవంబర్ 17) నాటికి పశ్చిమ-మధ్య బంగాళాఖాతంలో తీవ్ర తుపానుగా రూపాంతరం చెందే అవకాశం ఉంది. అనంతరం వాయవ్య దిశగా పయనిస్తూ మరో రెండు రోజుల్లో, అంటే గురువారం నాటికి ఆంధ్రప్రదేశ్ తీరం వైపు దూసుకువస్తుందని అధికారులు అంచనా వేస్తున్నారు.
ఈ తీవ్ర తుపాను ప్రభావం ప్రధానంగా కోస్తాంధ్రపై ఉండే అవకాశముందని ఆంధ్రప్రదేశ్ రాష్ట్ర విపత్తు నిర్వహణ సంస్థ తెలిపింది. దీనివల్ల గురు, శుక్రవారాల్లో ఉత్తరాంధ్ర జిల్లాల్లో బలమైన ఈదురుగాలులతో కూడిన భారీ నుంచి అతిభారీ వర్షాలు కురుస్తాయని సంస్థ మేనేజింగ్ డైరెక్టర్, ఆర్టీజీఎస్ సీఈవో ప్రఖర్ జైన్ తెలిపారు. మంగళవారం వరకు కోస్తా తీరం వెంబడి గంటకు 40 నుంచి 60 కిలోమీటర్ల వేగంతో గాలులు వీస్తాయని, మత్స్యకారులు ఎట్టిపరిస్థితుల్లోనూ సముద్రంలోకి వేటకు వెళ్లరాదని స్పష్టం చేశారు. రైతులు, తీరప్రాంత ప్రజలు తగిన జాగ్రత్తలు తీసుకోవాలని సూచించారు.
గడచిన 20 రోజుల వ్యవధిలోనే బంగాళాఖాతంలో ఏర్పడి ఏపీ తీరం వైపు వస్తున్న మూడో తుపాను ఇది కావడం గమనార్హం. అక్టోబర్ 27న అత్యంత తీవ్ర తుపాను 'అర్నాబ్' నరసాపురం సమీపంలో తీరం దాటగా, ఆ వెంటనే నవంబర్ 3న తీవ్ర తుపాను 'మురసు' నెల్లూరు-నరసాపురం మధ్య తీరాన్ని తాకింది. వారం వ్యవధిలోనే వచ్చిన ఈ రెండు తుపాన్ల కారణంగా 15 మంది ప్రాణాలు కోల్పోవడంతో పాటు తీరప్రాంత జిల్లాల్లో పంటలు, మౌలిక వసతులకు తీవ్ర నష్టం వాటిల్లింది. ఇప్పుడు మరో తీవ్ర తుపాను ముంచుకొస్తుండటంతో అధికార యంత్రాంగం అప్రమత్తమై ముందస్తు చర్యలు చేపట్టింది.
