ఖరీదైన మాల్‌కు వచ్చి ఇదేం పని?.. అందరి ముందు మహిళ పరువుపోయింది!
- నోయిడా డీఎల్‌ఎఫ్ మాల్‌లో ఉన్నత కుటుంబ మహిళ చోరీ
- బ్యాగులో నెయ్యి, నూనె ప్యాకెట్లు దాచి పట్టుబడింది
- డబ్బులు చెల్లించడంతో సమస్య పరిష్కారం, కేసు నమోదు కాలేదు
- గతంలోనూ ఇలాగే చేసిందంటున్న స్టోర్ సిబ్బంది
- ముఖం దాచుకున్న వీడియోలు వైరల్, క్లెప్టోమేనియాపై నెటిజన్ల చర్చ
నోయిడాలోని అత్యంత ఖరీదైన డీఎల్‌ఎఫ్ మాల్ ఆఫ్ ఇండియా ఆదివారం సాయంత్రం కావడంతో జనంతో కిటకిటలాడుతోంది. చూడటానికి ఉన్నత కుటుంబానికి చెందిన ఓ జంట షాపింగ్ కోసం అక్కడి ‘లీ మార్షే’ స్టోర్‌లోకి అడుగుపెట్టింది. అంతా బాగానే ఉంది కానీ, కాసేపటికే కథ అడ్డం తిరిగింది. భర్త బిల్లింగ్ కౌంటర్ వద్ద ఉండగా, భార్య మాత్రం ఒంటరిగా బయటకు నడిచింది. ఆమె ప్రవర్తనలో ఏదో తేడా కనిపించడంతో స్టోర్ సిబ్బందికి అనుమానం కలిగింది.
వెంటనే ఆమెను ఆపి, బ్యాగును తనిఖీ చేస్తామన్నారు. అందుకు ఆమె మొదట తీవ్రంగా నిరాకరించింది. దీంతో సిబ్బంది నేరుగా సీసీటీవీ ఫుటేజీని పరిశీలించగా అసలు విషయం బయటపడింది. ఓ కిలో నెయ్యి ప్యాకెట్, కిలో వంట నూనె బాటిల్‌ను ఆమె తన హ్యాండ్‌బ్యాగులో చాకచక్యంగా దాచిన దృశ్యాలు కెమెరాలో స్పష్టంగా రికార్డయ్యాయి. దీంతో సిబ్బంది వెంటనే ఆమె భర్తను పిలిపించి, జరిగిన విషయం చెప్పారు. మిగతా కస్టమర్ల ముందే ఇద్దరినీ మందలించారు.
ఈ ఊహించని పరిణామంతో ఆ మహిళ పరువు పోయినట్టయింది. చివరకు ఆ వస్తువులకు ఆమె డబ్బు చెల్లించడంతో, ఇరుపక్షాలు రాజీకి వచ్చాయి. అయితే, అప్పటికే కొందరు ఈ ఘటనను తమ ఫోన్లలో వీడియో తీశారు. భద్రతా సిబ్బంది ఆమెను తీసుకెళుతుండగా, ఫోన్‌తో ముఖం కప్పుకుని నడుస్తున్న వీడియోలు కొద్దిసేపటికే సోషల్ మీడియాలో వైరల్‌గా మారాయి.
స్టోర్ సిబ్బంది కథనం ప్రకారం, ఆమె గత నెల రోజులుగా తమ స్టోర్‌కు వస్తోందని, అప్పటికే వేల రూపాయల విలువైన నెయ్యి, ఇతర సరుకులు దొంగిలించినట్లు సీసీటీవీ ఫుటేజీ ద్వారా గుర్తించామని ఆరోపిస్తున్నారు. ఈ ఘటనపై నెటిజన్లు భిన్నరకాలుగా స్పందిస్తున్నారు. ఇంత ఉన్నత కుటుంబానికి చెందిన మహిళ, నెయ్యి, నూనె వంటి నిత్యావసరాల కోసం దొంగతనం చేయడమేంటని ఆశ్చర్యం వ్యక్తం చేస్తున్నారు. ఇది క్లెప్టోమేనియా (దొంగతనం చేసే మానసిక రుగ్మత) కావొచ్చని కొందరు అనుమానాలు వ్యక్తం చేస్తున్నారు. కారణం ఏదైనా, ఓ చిన్న దొంగతనం ఆమెను అందరి ముందు దోషిగా నిలబెట్టింది. ఖరీదైన మాల్‌లో జరిగిన ఈ దొంగతనం ఇప్పుడు సోషల్ మీడియాలో హాట్ టాపిక్‌గా మారింది.
వెంటనే ఆమెను ఆపి, బ్యాగును తనిఖీ చేస్తామన్నారు. అందుకు ఆమె మొదట తీవ్రంగా నిరాకరించింది. దీంతో సిబ్బంది నేరుగా సీసీటీవీ ఫుటేజీని పరిశీలించగా అసలు విషయం బయటపడింది. ఓ కిలో నెయ్యి ప్యాకెట్, కిలో వంట నూనె బాటిల్‌ను ఆమె తన హ్యాండ్‌బ్యాగులో చాకచక్యంగా దాచిన దృశ్యాలు కెమెరాలో స్పష్టంగా రికార్డయ్యాయి. దీంతో సిబ్బంది వెంటనే ఆమె భర్తను పిలిపించి, జరిగిన విషయం చెప్పారు. మిగతా కస్టమర్ల ముందే ఇద్దరినీ మందలించారు.
ఈ ఊహించని పరిణామంతో ఆ మహిళ పరువు పోయినట్టయింది. చివరకు ఆ వస్తువులకు ఆమె డబ్బు చెల్లించడంతో, ఇరుపక్షాలు రాజీకి వచ్చాయి. అయితే, అప్పటికే కొందరు ఈ ఘటనను తమ ఫోన్లలో వీడియో తీశారు. భద్రతా సిబ్బంది ఆమెను తీసుకెళుతుండగా, ఫోన్‌తో ముఖం కప్పుకుని నడుస్తున్న వీడియోలు కొద్దిసేపటికే సోషల్ మీడియాలో వైరల్‌గా మారాయి.
స్టోర్ సిబ్బంది కథనం ప్రకారం, ఆమె గత నెల రోజులుగా తమ స్టోర్‌కు వస్తోందని, అప్పటికే వేల రూపాయల విలువైన నెయ్యి, ఇతర సరుకులు దొంగిలించినట్లు సీసీటీవీ ఫుటేజీ ద్వారా గుర్తించామని ఆరోపిస్తున్నారు. ఈ ఘటనపై నెటిజన్లు భిన్నరకాలుగా స్పందిస్తున్నారు. ఇంత ఉన్నత కుటుంబానికి చెందిన మహిళ, నెయ్యి, నూనె వంటి నిత్యావసరాల కోసం దొంగతనం చేయడమేంటని ఆశ్చర్యం వ్యక్తం చేస్తున్నారు. ఇది క్లెప్టోమేనియా (దొంగతనం చేసే మానసిక రుగ్మత) కావొచ్చని కొందరు అనుమానాలు వ్యక్తం చేస్తున్నారు. కారణం ఏదైనా, ఓ చిన్న దొంగతనం ఆమెను అందరి ముందు దోషిగా నిలబెట్టింది. ఖరీదైన మాల్‌లో జరిగిన ఈ దొంగతనం ఇప్పుడు సోషల్ మీడియాలో హాట్ టాపిక్‌గా మారింది.
