సుప్రీంకోర్టులో దానం పిటిషన్ తిరస్కరణ.. ఇక ఖైరతాబాద్లో ఉప ఎన్నికే!
- దానం నాగేందర్ అనర్హత వేటును సమర్థించిన సుప్రీంకోర్టు
- ఉప ఎన్నికలో పోటీ చేసుకోవాలని సూచన
- పదవితో పాటు పార్టీ మారితే ఫిరాయింపేనని స్పష్టీకరణ
- తీర్పు నేపథ్యంలో సీఎం నివాసానికి వెళ్లిన దానం
- సుప్రీం తీర్పు పట్ల బీఆర్ఎస్, బీజేపీ హర్షం
ఖైరతాబాద్ ఎమ్మెల్యే దానం నాగేందర్కు సుప్రీంకోర్టులో ఎదురుదెబ్బ తగిలింది. తనను ఎమ్మెల్యేగా అనర్హుడిగా ప్రకటిస్తూ తెలంగాణ హైకోర్టు ఇచ్చిన తీర్పుపై స్టే ఇవ్వాలంటూ ఆయన దాఖలు చేసిన పిటిషన్ను సుప్రీంకోర్టు తిరస్కరించింది. హైకోర్టు తీర్పును సమర్థించింది. ఉపఎన్నికలో పోటీ చేయాలని సూచించింది. పదవితో పాటు పార్టీ మారితే ఫిరాయింపు కిందకే వస్తుందని, అది తప్పని తేల్చి చెప్పింది. దీంతో హైకోర్టు తీర్పు అమల్లోకి రానుంది.
2023 తెలంగాణ అసెంబ్లీ ఎన్నికల్లో బీఆర్ఎస్ తరఫున ఖైరతాబాద్ నుంచి దానం నాగేందర్ గెలిచారు. 2024లో ఆయన కాంగ్రెస్లో చేరారు. అదే ఏడాది జరిగిన లోక్సభ ఎన్నికల్లో సికింద్రాబాద్ నుంచి కాంగ్రెస్ అభ్యర్థిగా పోటీ చేశారు. దీనిపై బీఆర్ఎస్, బీజేపీ నేతలు దానం నాగేందర్పై అనర్హత వేటు వేయాలని న్యాయస్థానాలను ఆశ్రయించారు.
ఈ వ్యవహారంపై విచారణ జరిపిన తెలంగాణ హైకోర్టు సెప్టెంబర్ 18న దానం నాగేందర్ను ఎమ్మెల్యే పదవికి అనర్హుడిగా ప్రకటించింది. ఖైరతాబాద్ నియోజకవర్గం ఖాళీ అయినట్లు కూడా పేర్కొంది. ఆ తీర్పును సవాల్ చేస్తూ దానం నాగేందర్ సుప్రీంకోర్టును ఆశ్రయించారు. హైకోర్టు ఉత్తర్వులపై స్టే ఇవ్వాలని కోరారు.
అయితే సుప్రీంకోర్టు ఆయన అభ్యర్థనను అంగీకరించలేదు. దీంతో ఖైరతాబాద్ ఎమ్మెల్యే పదవి ఖాళీగా మారిన నేపథ్యంలో అక్కడ ఉప ఎన్నిక అనివార్యమైంది.
సీఎం నివాసానికి దానం
సుప్రీంకోర్టు తీర్పు వెలువడే వరకు దానం నాగేందర్ ఖైరతాబాద్ వినాయకుడి వద్దే ఉన్నారు. నిమజ్జన ఏర్పాట్లను దగ్గరుండి పర్యవేక్షించారు. తీర్పు నేపథ్యంలో ఆయన అక్కడి నుంచి బయలుదేరి సీఎం రేవంత్ రెడ్డి ఇంటికి వెళ్లినట్లు సమాచారం. తదుపరి కార్యాచరణపై చర్చించే అవకాశం ఉన్నట్లు తెలుస్తోంది. మరోవైపు సుప్రీంకోర్టు తీర్పు పట్ల బీఆర్ఎస్, బీజేపీ పార్టీలు హర్షం వ్యక్తం చేశాయి.
2023 తెలంగాణ అసెంబ్లీ ఎన్నికల్లో బీఆర్ఎస్ తరఫున ఖైరతాబాద్ నుంచి దానం నాగేందర్ గెలిచారు. 2024లో ఆయన కాంగ్రెస్లో చేరారు. అదే ఏడాది జరిగిన లోక్సభ ఎన్నికల్లో సికింద్రాబాద్ నుంచి కాంగ్రెస్ అభ్యర్థిగా పోటీ చేశారు. దీనిపై బీఆర్ఎస్, బీజేపీ నేతలు దానం నాగేందర్పై అనర్హత వేటు వేయాలని న్యాయస్థానాలను ఆశ్రయించారు.
ఈ వ్యవహారంపై విచారణ జరిపిన తెలంగాణ హైకోర్టు సెప్టెంబర్ 18న దానం నాగేందర్ను ఎమ్మెల్యే పదవికి అనర్హుడిగా ప్రకటించింది. ఖైరతాబాద్ నియోజకవర్గం ఖాళీ అయినట్లు కూడా పేర్కొంది. ఆ తీర్పును సవాల్ చేస్తూ దానం నాగేందర్ సుప్రీంకోర్టును ఆశ్రయించారు. హైకోర్టు ఉత్తర్వులపై స్టే ఇవ్వాలని కోరారు.
అయితే సుప్రీంకోర్టు ఆయన అభ్యర్థనను అంగీకరించలేదు. దీంతో ఖైరతాబాద్ ఎమ్మెల్యే పదవి ఖాళీగా మారిన నేపథ్యంలో అక్కడ ఉప ఎన్నిక అనివార్యమైంది.
సీఎం నివాసానికి దానం
సుప్రీంకోర్టు తీర్పు వెలువడే వరకు దానం నాగేందర్ ఖైరతాబాద్ వినాయకుడి వద్దే ఉన్నారు. నిమజ్జన ఏర్పాట్లను దగ్గరుండి పర్యవేక్షించారు. తీర్పు నేపథ్యంలో ఆయన అక్కడి నుంచి బయలుదేరి సీఎం రేవంత్ రెడ్డి ఇంటికి వెళ్లినట్లు సమాచారం. తదుపరి కార్యాచరణపై చర్చించే అవకాశం ఉన్నట్లు తెలుస్తోంది. మరోవైపు సుప్రీంకోర్టు తీర్పు పట్ల బీఆర్ఎస్, బీజేపీ పార్టీలు హర్షం వ్యక్తం చేశాయి.
