ఆర్టీసీ క్రాస్ రోడ్స్లో సినిమా చూస్తానన్న హీరో నాని.. స్పందించిన డీజీపీ సీవీ ఆనంద్
- ఎక్స్ వేదికగా స్పందించిన తెలంగాణ డీజీపీ సీవీ ఆనంద్
- గణేశ్ నిమజ్జనం రద్దీ దృష్ట్యా అనుమతి కష్టమని పరోక్షంగా సూచన
- గతంలో జరిగిన తొక్కిసలాట ఘటనను గుర్తు చేసిన డీజీపీ
- హైదరాబాద్ సిటీ పోలీసులతో చర్చించాకే తుది నిర్ణయమని వెల్లడి
ఆర్టీసీ క్రాస్ రోడ్స్లో తాను నటించిన చిత్రాన్ని వీక్షించేందుకు అనుమతి ఇవ్వాలని కోరుతూ నటుడు నాని చేసిన విన్నపంపై తెలంగాణ డీజీపీ సీవీ ఆనంద్ స్పందించారు. 'ఎక్స్' వేదికగా దీనిపై ఆయన తన స్పందనను తెలియజేశారు. ప్రస్తుతం హైదరాబాద్లో గణేశ్ నిమజ్జనం ఉత్సవాలు జరుగుతున్నాయని, ఈ సమయంలో ఆర్టీసీ క్రాస్ రోడ్స్ ప్రాంతం అత్యంత రద్దీగా ఉంటుందని ఆయన గుర్తు చేశారు.
నిమజ్జన వాహనాలు, భక్తుల రాకతో ఆ ప్రాంతంలో ట్రాఫిక్ రద్దీ విపరీతంగా ఉంటుందని డీజీపీ పేర్కొన్నారు. ఆర్టీసీ క్రాస్ రోడ్స్ సమీపంలో ఎలాంటి కార్యక్రమం నిర్వహించాలన్నా హైదరాబాద్ సిటీ పోలీసుల నుంచి ముందస్తు అనుమతి తప్పనిసరి అని ఆయన స్పష్టం చేశారు. నగర పోలీసులతో చర్చించిన తర్వాతే దీనిపై తుది నిర్ణయం తీసుకుంటామని వెల్లడించారు.
ఈ సందర్భంగా సుమారు రెండేళ్ల క్రితం ఆర్టీసీ క్రాస్ రోడ్స్లోని సంధ్య థియేటర్ వద్ద జరిగిన తొక్కిసలాట ఘటనను సీవీ ఆనంద్ ప్రస్తావించారు. ఆ ప్రమాదంలో ఓ మహిళ, ఆమె చిన్న కుమారుడు తీవ్రంగా గాయపడ్డారని, ఆసుపత్రిలో చికిత్స పొందుతూ మహిళ మృతి చెందగా, బాలుడు శాశ్వత వైకల్యానికి గురయ్యాడని ఆయన ఆవేదన వ్యక్తం చేశారు. గతంలో జరిగిన అటువంటి చేదు అనుభవాలను దృష్టిలో ఉంచుకుని, భద్రతా ఏర్పాట్లపై ప్రత్యేక శ్రద్ధ వహిస్తున్నట్లు వివరించారు. తన పోస్ట్లో నటుడు నాని, దర్శకుడు శ్రీకాంత్ ఓదెలతో పాటు మరికొందరిని ఆయన ట్యాగ్ చేశారు.
నిమజ్జన వాహనాలు, భక్తుల రాకతో ఆ ప్రాంతంలో ట్రాఫిక్ రద్దీ విపరీతంగా ఉంటుందని డీజీపీ పేర్కొన్నారు. ఆర్టీసీ క్రాస్ రోడ్స్ సమీపంలో ఎలాంటి కార్యక్రమం నిర్వహించాలన్నా హైదరాబాద్ సిటీ పోలీసుల నుంచి ముందస్తు అనుమతి తప్పనిసరి అని ఆయన స్పష్టం చేశారు. నగర పోలీసులతో చర్చించిన తర్వాతే దీనిపై తుది నిర్ణయం తీసుకుంటామని వెల్లడించారు.
ఈ సందర్భంగా సుమారు రెండేళ్ల క్రితం ఆర్టీసీ క్రాస్ రోడ్స్లోని సంధ్య థియేటర్ వద్ద జరిగిన తొక్కిసలాట ఘటనను సీవీ ఆనంద్ ప్రస్తావించారు. ఆ ప్రమాదంలో ఓ మహిళ, ఆమె చిన్న కుమారుడు తీవ్రంగా గాయపడ్డారని, ఆసుపత్రిలో చికిత్స పొందుతూ మహిళ మృతి చెందగా, బాలుడు శాశ్వత వైకల్యానికి గురయ్యాడని ఆయన ఆవేదన వ్యక్తం చేశారు. గతంలో జరిగిన అటువంటి చేదు అనుభవాలను దృష్టిలో ఉంచుకుని, భద్రతా ఏర్పాట్లపై ప్రత్యేక శ్రద్ధ వహిస్తున్నట్లు వివరించారు. తన పోస్ట్లో నటుడు నాని, దర్శకుడు శ్రీకాంత్ ఓదెలతో పాటు మరికొందరిని ఆయన ట్యాగ్ చేశారు.
