- హర్యానాకు చెందిన ప్రంజల్‌ థక్రాస్‌ అరెస్ట్‌
- ప్రధాన సూత్రధారి అనిల్‌ పండిట్‌ ఆదేశాల మేరకు ప్రంజల్‌ కాల్పుల ప్రణాళిక అమలు
- ఆర్థిక సహాయం అందించడంలోనూ ప్రంజల్‌ పాత్ర
- ఈ ఘటనలో ప్రంజల్‌కు సంబంధం లేదని కుటుంబ సభ్యుల వాదన
- ప్రంజల్‌ గతంలో ఓ వ్యాపారిపై దాడి చేసిన కేసులో జైలుకు వెళ్లొచ్చిన వైనం
బాలీవుడ్‌ నటుడు టైగర్‌ ష్రాఫ్‌పై కాల్పుల ఘటనలో మరో కీలక నిందితుడిని ముంబై పోలీసులు అరెస్టు చేశారు. హర్యానాకు చెందిన 22 ఏళ్ల ఇంజినీరింగ్ డిప్లొమా హోల్డర్‌ ప్రంజల్‌ థక్రాల్‌ను మధ్యప్రదేశ్‌లోని ఇండోర్‌లో అదుపులోకి తీసుకున్నారు. ఈ కేసులో ఇప్పటివరకు అరెస్టయిన వారి సంఖ్య 11కు చేరింది. పోలీసుల దర్యాప్తు ప్రకారం.. ఈ దాడికి ప్రధాన సూత్రధారిగా అనుమానిస్తున్న అనిల్‌ పండిట్‌ ఆదేశాల మేరకు ప్రంజల్‌ కాల్పుల ప్రణాళిక అమలులో కీలక పాత్ర పోషించినట్లు ఆరోపణలు ఉన్నాయి.
ముంబై పోలీసుల కథనం ప్రకారం.. షూటర్లకు అవసరమైన ఏర్పాట్లు చేయడంతో పాటు ఆర్థిక సహాయం అందించడంలోనూ ప్రంజల్‌ పాత్ర ఉన్నట్లు అనుమానిస్తున్నారు. కాల్పులకు ఉపయోగించిన రెండో పిస్టల్‌ను కూడా అతడే అందించినట్లు దర్యాప్తులో వెల్లడైందని ఎన్డీటీవీ తెలిపింది. అయితే నిందితుడిపై వచ్చిన ఆరోపణలు ఇంకా దర్యాప్తులోనే ఉన్నాయి. అతడి కుటుంబ సభ్యులు మాత్రం ఈ ఘటనలో ప్రంజల్‌కు సంబంధం లేదని చెబుతున్నారు.
మార్చిలోనే బెయిల్‌పై విడుదల
ప్రంజల్‌ గతంలో హర్యానాలోని పానిపట్‌లో ఓ వ్యాపారిపై దాడి చేసిన కేసులో జైలుకు వెళ్లినట్లు పోలీసులు తెలిపారు. ఆ కేసులో ఈ ఏడాది మార్చిలో బెయిల్‌పై విడుదలయ్యాడు. ఆ తర్వాత అనిల్‌ పండిట్‌తో కలిసి టైగర్‌ ష్రాఫ్‌పై దాడికి ప్రణాళిక రచించినట్లు దర్యాప్తు అధికారులు అనుమానిస్తున్నారు. వీరిద్దరూ పోలీసులకు చిక్కకుండా ఉండేందుకు రహస్య మెసేజింగ్‌ యాప్‌ ద్వారా సంప్రదింపులు జరిపినట్లు గుర్తించారు. ప్రంజల్‌ ఫోన్‌లోని చాటింగ్‌, ఆర్థిక లావాదేవీలను పరిశీలిస్తున్నారు.
ప్రంజల్‌ను ఆదివారం ముంబైలోని కిల్లా కోర్టులో హాజరుపరిచారు. అక్టోబర్‌ 31 వరకు పోలీసు కస్టడీకి కోర్టు అప్పగించింది. విదేశాల్లో ఉన్నట్లు భావిస్తున్న అనిల్‌ పండిట్‌ ఆచూకీ తెలుసుకోవడంతో పాటు దాడికి అవసరమైన ఆయుధాలు, డబ్బు సమకూర్చిన వారి వివరాలు రాబట్టేందుకు పోలీసులు విచారణ కొనసాగిస్తున్నారు.
ముంబైలోని జుహు ప్రాంతంలో అక్టోబర్‌ 18న ఫుట్‌బాల్‌ ఆడి తిరిగొస్తున్న సమయంలో టైగర్‌ ష్రాఫ్‌ కారుపై దుండగులు కాల్పులు జరిపిన విషయం తెలిసిందే. ఈ ఘటనలో నటుడు గాయపడకుండా తప్పించుకోగా, ఆయన డ్రైవర్‌, మరో వ్యక్తికి గాయాలయ్యాయి. కాల్పుల అనంతరం నిందితులు బైక్‌పై పారిపోయారు. తర్వాత రైలు మార్గంలో ప్రయాణిస్తున్న ముగ్గురు అనుమానితులను రాజస్థాన్‌లోని కోటా రైల్వే స్టేషన్‌లో పోలీసులు పట్టుకున్నారు.
లారెన్స్‌ బిష్ణోయ్‌ గ్యాంగ్‌తో సంబంధాలున్నట్లు అనుమానిస్తున్న అనిల్‌ పండిట్‌ ఈ దాడికి బాధ్యత వహించినట్లు సోషల్‌ మీడియాలో ప్రచారం జరిగింది. అయితే దాడి వెనుక ఉన్న నెట్‌వర్క్‌, ప్రతి నిందితుడి పాత్రను పోలీసులు ఇంకా పరిశీలిస్తున్నారు.
ముంబై పోలీసుల కథనం ప్రకారం.. షూటర్లకు అవసరమైన ఏర్పాట్లు చేయడంతో పాటు ఆర్థిక సహాయం అందించడంలోనూ ప్రంజల్‌ పాత్ర ఉన్నట్లు అనుమానిస్తున్నారు. కాల్పులకు ఉపయోగించిన రెండో పిస్టల్‌ను కూడా అతడే అందించినట్లు దర్యాప్తులో వెల్లడైందని ఎన్డీటీవీ తెలిపింది. అయితే నిందితుడిపై వచ్చిన ఆరోపణలు ఇంకా దర్యాప్తులోనే ఉన్నాయి. అతడి కుటుంబ సభ్యులు మాత్రం ఈ ఘటనలో ప్రంజల్‌కు సంబంధం లేదని చెబుతున్నారు.
మార్చిలోనే బెయిల్‌పై విడుదల
ప్రంజల్‌ గతంలో హర్యానాలోని పానిపట్‌లో ఓ వ్యాపారిపై దాడి చేసిన కేసులో జైలుకు వెళ్లినట్లు పోలీసులు తెలిపారు. ఆ కేసులో ఈ ఏడాది మార్చిలో బెయిల్‌పై విడుదలయ్యాడు. ఆ తర్వాత అనిల్‌ పండిట్‌తో కలిసి టైగర్‌ ష్రాఫ్‌పై దాడికి ప్రణాళిక రచించినట్లు దర్యాప్తు అధికారులు అనుమానిస్తున్నారు. వీరిద్దరూ పోలీసులకు చిక్కకుండా ఉండేందుకు రహస్య మెసేజింగ్‌ యాప్‌ ద్వారా సంప్రదింపులు జరిపినట్లు గుర్తించారు. ప్రంజల్‌ ఫోన్‌లోని చాటింగ్‌, ఆర్థిక లావాదేవీలను పరిశీలిస్తున్నారు.
ప్రంజల్‌ను ఆదివారం ముంబైలోని కిల్లా కోర్టులో హాజరుపరిచారు. అక్టోబర్‌ 31 వరకు పోలీసు కస్టడీకి కోర్టు అప్పగించింది. విదేశాల్లో ఉన్నట్లు భావిస్తున్న అనిల్‌ పండిట్‌ ఆచూకీ తెలుసుకోవడంతో పాటు దాడికి అవసరమైన ఆయుధాలు, డబ్బు సమకూర్చిన వారి వివరాలు రాబట్టేందుకు పోలీసులు విచారణ కొనసాగిస్తున్నారు.
ముంబైలోని జుహు ప్రాంతంలో అక్టోబర్‌ 18న ఫుట్‌బాల్‌ ఆడి తిరిగొస్తున్న సమయంలో టైగర్‌ ష్రాఫ్‌ కారుపై దుండగులు కాల్పులు జరిపిన విషయం తెలిసిందే. ఈ ఘటనలో నటుడు గాయపడకుండా తప్పించుకోగా, ఆయన డ్రైవర్‌, మరో వ్యక్తికి గాయాలయ్యాయి. కాల్పుల అనంతరం నిందితులు బైక్‌పై పారిపోయారు. తర్వాత రైలు మార్గంలో ప్రయాణిస్తున్న ముగ్గురు అనుమానితులను రాజస్థాన్‌లోని కోటా రైల్వే స్టేషన్‌లో పోలీసులు పట్టుకున్నారు.
లారెన్స్‌ బిష్ణోయ్‌ గ్యాంగ్‌తో సంబంధాలున్నట్లు అనుమానిస్తున్న అనిల్‌ పండిట్‌ ఈ దాడికి బాధ్యత వహించినట్లు సోషల్‌ మీడియాలో ప్రచారం జరిగింది. అయితే దాడి వెనుక ఉన్న నెట్‌వర్క్‌, ప్రతి నిందితుడి పాత్రను పోలీసులు ఇంకా పరిశీలిస్తున్నారు.
