సినిమాకు ముందు 22 నిమిషాల యాడ్స్.. థియేటర్కు రూ. 75,000 జరిమానా
- యాడ్స్ ఎక్కువ వేశారని.. థియేటర్కు భారీ జరిమానా
- 22 నిమిషాల పాటు వాణిజ్య ప్రకటనల ప్రదర్శన
- వినియోగదారుల కమిషన్ కీలక తీర్పు
- ప్రేక్షకుడికి రూ.25 వేలు, సంక్షేమ నిధికి రూ.50 వేలు చెల్లించాలని ఆదేశం
సినిమా ప్రదర్శనకు ముందు సుదీర్ఘంగా వాణిజ్య ప్రకటనలు ప్రదర్శించి, ప్రేక్షకులకు అసౌకర్యం కలిగించిన హైదరాబాద్లోని ఒక థియేటర్కు జిల్లా వినియోగదారుల కమిషన్ భారీ జరిమానా విధించింది. బాధితుడికి చెల్లించాల్సిన పరిహారంతో పాటు జరిమానా రూపంలో మొత్తం రూ. 75,000 చెల్లించాలని ఆదేశిస్తూ కీలక తీర్పు వెలువరించింది. ఒక ప్రేక్షకుడు చేసిన ఫిర్యాదుతో ఈ వ్యవహారం వెలుగులోకి వచ్చింది.
2025 జూన్లో ఒక వ్యక్తి తన స్నేహితుడితో కలిసి 'కుబేర' సినిమాను వీక్షించేందుకు సదరు థియేటర్కు వెళ్లారు. రాత్రి 10:35 గంటలకు సినిమా ప్రారంభం కావాల్సి ఉండగా, వారు 10:30 గంటలకే తమ సీట్లలో కూర్చున్నారు. అయితే, థియేటర్ యాజమాన్యం రాత్రి 10:52 గంటల వరకు, అంటే సుమారు 22 నిమిషాల పాటు వాణిజ్య ప్రకటనలు, ఇతర సినిమాల ట్రైలర్లను ప్రదర్శించింది. అనంతరం పబ్లిక్ సర్వీస్ ప్రకటనలు వేసి అసలు సినిమాను ఆలస్యంగా ప్రారంభించింది.
సినిమా ప్రారంభంలో జరిగిన ఈ జాప్యంపై తీవ్ర అసహనం వ్యక్తం చేసిన సదరు ప్రేక్షకుడు జిల్లా వినియోగదారుల కమిషన్ను ఆశ్రయించారు. ఈ కేసును విచారించిన కమిషన్, ఫిర్యాదుదారుడికి కలిగిన మానసిక ఆవేదనకు, అసౌకర్యానికి నష్టపరిహారంగా రూ. 25,000 చెల్లించాలని థియేటర్ యాజమాన్యాన్ని ఆదేశించింది. అంతేకాకుండా, ఇటువంటి అనుచిత వ్యాపార ధోరణులు పునరావృతం కాకుండా ఉండేందుకు జిల్లా వినియోగదారుల సంక్షేమ నిధికి మరో రూ. 50,000 జమ చేయాలని స్పష్టం చేసింది.
వాణిజ్య ప్రకటనల ద్వారా అదనపు ఆదాయం పొందేందుకే థియేటర్ యాజమాన్యం ఉద్దేశపూర్వకంగా సినిమాను ఆలస్యం చేసిందని కమిషన్ అభిప్రాయపడింది. ఈ జాప్యం కారణంగా ఫిర్యాదుదారుడు తన ఇంటికి నిర్దేశిత సమయం కంటే గంట ఆలస్యంగా, అంటే వేకువజామున 3 గంటలకు చేరుకోవాల్సి వచ్చిందని పేర్కొంది. ప్రకటనలు ప్రదర్శించడం తమ వ్యాపార హక్కు అని థియేటర్ తరపున చేసిన వాదనను కమిషన్ ఈ సందర్భంగా తోసిపుచ్చింది.
2025 జూన్లో ఒక వ్యక్తి తన స్నేహితుడితో కలిసి 'కుబేర' సినిమాను వీక్షించేందుకు సదరు థియేటర్కు వెళ్లారు. రాత్రి 10:35 గంటలకు సినిమా ప్రారంభం కావాల్సి ఉండగా, వారు 10:30 గంటలకే తమ సీట్లలో కూర్చున్నారు. అయితే, థియేటర్ యాజమాన్యం రాత్రి 10:52 గంటల వరకు, అంటే సుమారు 22 నిమిషాల పాటు వాణిజ్య ప్రకటనలు, ఇతర సినిమాల ట్రైలర్లను ప్రదర్శించింది. అనంతరం పబ్లిక్ సర్వీస్ ప్రకటనలు వేసి అసలు సినిమాను ఆలస్యంగా ప్రారంభించింది.
సినిమా ప్రారంభంలో జరిగిన ఈ జాప్యంపై తీవ్ర అసహనం వ్యక్తం చేసిన సదరు ప్రేక్షకుడు జిల్లా వినియోగదారుల కమిషన్ను ఆశ్రయించారు. ఈ కేసును విచారించిన కమిషన్, ఫిర్యాదుదారుడికి కలిగిన మానసిక ఆవేదనకు, అసౌకర్యానికి నష్టపరిహారంగా రూ. 25,000 చెల్లించాలని థియేటర్ యాజమాన్యాన్ని ఆదేశించింది. అంతేకాకుండా, ఇటువంటి అనుచిత వ్యాపార ధోరణులు పునరావృతం కాకుండా ఉండేందుకు జిల్లా వినియోగదారుల సంక్షేమ నిధికి మరో రూ. 50,000 జమ చేయాలని స్పష్టం చేసింది.
వాణిజ్య ప్రకటనల ద్వారా అదనపు ఆదాయం పొందేందుకే థియేటర్ యాజమాన్యం ఉద్దేశపూర్వకంగా సినిమాను ఆలస్యం చేసిందని కమిషన్ అభిప్రాయపడింది. ఈ జాప్యం కారణంగా ఫిర్యాదుదారుడు తన ఇంటికి నిర్దేశిత సమయం కంటే గంట ఆలస్యంగా, అంటే వేకువజామున 3 గంటలకు చేరుకోవాల్సి వచ్చిందని పేర్కొంది. ప్రకటనలు ప్రదర్శించడం తమ వ్యాపార హక్కు అని థియేటర్ తరపున చేసిన వాదనను కమిషన్ ఈ సందర్భంగా తోసిపుచ్చింది.
