పట్టువదలని విక్రమార్కుడు: 27 ఏళ్ల పోరాటం.. 59 ఏళ్లకు ప్రభుత్వ టీచర్ ఉద్యోగం!
- యూపీకి చెందిన విజయ్ కుమార్ శర్మ సుదీర్ఘ పోరాటం
- పలుమార్లు రాతపరీక్ష పాసైనా.. ఎనిమిది సార్లు ఇంటర్వ్యూలో విఫలం
- ప్రభుత్వం ఇంటర్వ్యూలను రద్దు చేయడంతో ఈసారి కొలువు ఖరారు
- సీఎం యోగి చేతుల మీదుగా నియామక పత్రం అందుకున్న శర్మ
పట్టుదల ఉంటే వయసు అడ్డంకి కాదని ఉత్తరప్రదేశ్కు చెందిన విజయ్ కుమార్ శర్మ నిరూపించారు. సుమారు 27 ఏళ్ల సుదీర్ఘ నిరీక్షణ అనంతరం, 59 ఏళ్ల వయసులో ఆయన ప్రభుత్వ ఉపాధ్యాయుడిగా ఉద్యోగం సాధించి ఎందరికో స్ఫూర్తిదాయకంగా నిలిచారు. భాగ్పట్ జిల్లా బడ్రవాడ్ గ్రామానికి చెందిన ఆయన, పదవీ విరమణ వయసుకు కొద్ది సంవత్సరాల ముందే చిరకాల స్వప్నాన్ని సాకారం చేసుకోవడం విశేషం.
విజయ్ కుమార్ శర్మ 1999 నుంచి ప్రభుత్వ ఉపాధ్యాయ ఉద్యోగం కోసం నిరంతరం శ్రమిస్తున్నారు. ఈ 27 ఏళ్ల కాలంలో ఆయన ఆరుసార్లు ట్రైన్డ్ గ్రాడ్యుయేట్ టీచర్ (టీజీటీ), నాలుగుసార్లు పోస్ట్ గ్రాడ్యుయేట్ టీచర్ (పీజీటీ) రాతపరీక్షల్లో ఉత్తీర్ణత సాధించారు. అయితే, ఎనిమిదిసార్లు ఇంటర్వ్యూ దశ వరకు వెళ్లినా తుది ఎంపికలో విఫలమయ్యారు. కాగా, ఈసారి ప్రభుత్వం నియామక ప్రక్రియ నుంచి ఇంటర్వ్యూను తొలగించడంతో, రాతపరీక్షలో సాధించిన మార్కుల ఆధారంగా ఆయనకు ఉద్యోగం లభించింది.
సెప్టెంబర్ 22న లక్నోలో జరిగిన ఒక కార్యక్రమంలో ముఖ్యమంత్రి యోగి ఆదిత్యనాథ్ చేతుల మీదుగా విజయ్ కుమార్ శర్మ తన నియామక పత్రాన్ని అందుకున్నారు. షామ్లీ జిల్లాలోని ఒక ఎయిడెడ్ సెకండరీ పాఠశాలలో సంస్కృతం ఉపాధ్యాయుడిగా ఆయన నియమితులయ్యారు. ఈ సుదీర్ఘ ప్రయాణంలో శర్మ ఒక ప్రైవేట్ పాఠశాలలో ఉపాధ్యాయుడిగా పనిచేస్తూనే, కుటుంబ బాధ్యతలను నెరవేరుస్తూ తన లక్ష్యం దిశగా కృషిని కొనసాగించారు.
ప్రస్తుతం 59 ఏళ్ల 8 నెలల వయసులో ఉన్న శర్మ, ఉపాధ్యాయుల పదవీ విరమణ వయసు 62 ఏళ్లు కావడంతో మరో రెండేళ్ల పైచిలుకు కాలం మాత్రమే సేవలు అందించనున్నారు. అయినప్పటికీ, ఈ నియామక పత్రాన్ని అందుకోవడం తన జీవితంలో సాధించిన గొప్ప విజయమని ఆయన హర్షం వ్యక్తం చేశారు. విజయ్ కుమార్ శర్మ తండ్రి కూడా గతంలో ప్రభుత్వ ఉపాధ్యాయుడిగా పనిచేయడం గమనార్హం.
విజయ్ కుమార్ శర్మ 1999 నుంచి ప్రభుత్వ ఉపాధ్యాయ ఉద్యోగం కోసం నిరంతరం శ్రమిస్తున్నారు. ఈ 27 ఏళ్ల కాలంలో ఆయన ఆరుసార్లు ట్రైన్డ్ గ్రాడ్యుయేట్ టీచర్ (టీజీటీ), నాలుగుసార్లు పోస్ట్ గ్రాడ్యుయేట్ టీచర్ (పీజీటీ) రాతపరీక్షల్లో ఉత్తీర్ణత సాధించారు. అయితే, ఎనిమిదిసార్లు ఇంటర్వ్యూ దశ వరకు వెళ్లినా తుది ఎంపికలో విఫలమయ్యారు. కాగా, ఈసారి ప్రభుత్వం నియామక ప్రక్రియ నుంచి ఇంటర్వ్యూను తొలగించడంతో, రాతపరీక్షలో సాధించిన మార్కుల ఆధారంగా ఆయనకు ఉద్యోగం లభించింది.
సెప్టెంబర్ 22న లక్నోలో జరిగిన ఒక కార్యక్రమంలో ముఖ్యమంత్రి యోగి ఆదిత్యనాథ్ చేతుల మీదుగా విజయ్ కుమార్ శర్మ తన నియామక పత్రాన్ని అందుకున్నారు. షామ్లీ జిల్లాలోని ఒక ఎయిడెడ్ సెకండరీ పాఠశాలలో సంస్కృతం ఉపాధ్యాయుడిగా ఆయన నియమితులయ్యారు. ఈ సుదీర్ఘ ప్రయాణంలో శర్మ ఒక ప్రైవేట్ పాఠశాలలో ఉపాధ్యాయుడిగా పనిచేస్తూనే, కుటుంబ బాధ్యతలను నెరవేరుస్తూ తన లక్ష్యం దిశగా కృషిని కొనసాగించారు.
ప్రస్తుతం 59 ఏళ్ల 8 నెలల వయసులో ఉన్న శర్మ, ఉపాధ్యాయుల పదవీ విరమణ వయసు 62 ఏళ్లు కావడంతో మరో రెండేళ్ల పైచిలుకు కాలం మాత్రమే సేవలు అందించనున్నారు. అయినప్పటికీ, ఈ నియామక పత్రాన్ని అందుకోవడం తన జీవితంలో సాధించిన గొప్ప విజయమని ఆయన హర్షం వ్యక్తం చేశారు. విజయ్ కుమార్ శర్మ తండ్రి కూడా గతంలో ప్రభుత్వ ఉపాధ్యాయుడిగా పనిచేయడం గమనార్హం.
