ఉత్తరప్రదేశ్ను నాలుగు భాగాలుగా విభజిస్తారా?.. మంత్రి ఓం ప్రకాశ్ రాజ్భర్ వ్యాఖ్యలతో చర్చ మళ్లీ మొదలు
- యూపీని నాలుగు ముక్కలుగా విభజిస్తారన్న ఓం ప్రకాశ్ రాజ్భర్
- కుల గణన తర్వాత విభజనకు ఎలాంటి ఇబ్బంది ఉండదని ప్రధాని చెప్పారని వెల్లడి
- ఈ అంశంపై బీజేపీ మిత్రపక్షాల్లో వ్యక్తమవుతున్న భిన్నాభిప్రాయాలు
ఉత్తరప్రదేశ్ను నాలుగు రాష్ట్రాలుగా విభజించాలన్న దశాబ్దాల చర్చను ఆ రాష్ట్ర మంత్రి ఓం ప్రకాశ్ రాజ్భర్ మళ్లీ రెచ్చగొట్టారు. కుల గణన పూర్తయిన తర్వాత రాష్ట్రాన్ని నాలుగు భాగాలుగా విభజిస్తారని ఆయన ప్రకటించారు. సెప్టెంబర్ 20న జరిగిన ఒక కార్యక్రమంలో మాట్లాడుతూ... ప్రధాని నరేంద్ర మోదీ తనకు హామీ ఇచ్చినట్లు రాజ్భర్ పేర్కొన్నారు. “కుల గణన పూర్తయితే విభజనకు ఎలాంటి ఇబ్బంది ఉండదని ప్రధాని చెప్పారు. రాష్ట్రాన్ని నాలుగు భాగాలుగా విభజిస్తారు. పూర్వాంచల్ రాష్ట్రం ఏర్పడితే రాజ్భర్ సామాజిక వర్గానికి చెందిన నేత ముఖ్యమంత్రి అవుతాడు” అని ఆయన అన్నారు. యూపీని బుందేల్ఖండ్, పూర్వాంచల్, అవధ్ ప్రదేశ్, పశ్చిమ ప్రదేశ్ గా విభజించాలనే చర్చ ఎప్పటి నుంచో జరుగుతోంది.
అయితే ఈ అంశంపై బీజేపీ మిత్రపక్షాల్లోనే భిన్నాభిప్రాయాలు వ్యక్తమయ్యాయి. నిషాద్ పార్టీ నేత సంజయ్ నిషాద్ ఈ వ్యాఖ్యలను తప్పుదోవ పట్టించేవిగా అభివర్ణించారు. రాష్ట్రం ఇప్పటికే అభివృద్ధి చెందుతోందని, ప్రత్యేక నిధులు కేటాయిస్తున్నారని తెలిపారు. బీజేపీ నేత సంజీవ్ బల్యాన్ మాత్రం రాజ్భర్కు మద్దతు ఇచ్చారు. సమాజ్వాదీ పార్టీ అధినేత అఖిలేశ్ యాదవ్ ఈ ప్రతిపాదనను తిరస్కరించారు. దేశాన్ని, రాష్ట్రాన్ని విభజించాలని మాట్లాడేవారు ఉన్నారని, అందరూ కలిసి పనిచేయాలని అన్నారు. గతంలో మాయావతి ప్రభుత్వం కూడా ఇలాంటి ప్రతిపాదన చేసినప్పటికీ అది ముందుకు సాగకపోవడం గమనార్హం.
అయితే ఈ అంశంపై బీజేపీ మిత్రపక్షాల్లోనే భిన్నాభిప్రాయాలు వ్యక్తమయ్యాయి. నిషాద్ పార్టీ నేత సంజయ్ నిషాద్ ఈ వ్యాఖ్యలను తప్పుదోవ పట్టించేవిగా అభివర్ణించారు. రాష్ట్రం ఇప్పటికే అభివృద్ధి చెందుతోందని, ప్రత్యేక నిధులు కేటాయిస్తున్నారని తెలిపారు. బీజేపీ నేత సంజీవ్ బల్యాన్ మాత్రం రాజ్భర్కు మద్దతు ఇచ్చారు. సమాజ్వాదీ పార్టీ అధినేత అఖిలేశ్ యాదవ్ ఈ ప్రతిపాదనను తిరస్కరించారు. దేశాన్ని, రాష్ట్రాన్ని విభజించాలని మాట్లాడేవారు ఉన్నారని, అందరూ కలిసి పనిచేయాలని అన్నారు. గతంలో మాయావతి ప్రభుత్వం కూడా ఇలాంటి ప్రతిపాదన చేసినప్పటికీ అది ముందుకు సాగకపోవడం గమనార్హం.
