Brett Randell: క్రికెట్ చరిత్రలో పెను సంచలనం: 254 ఏళ్లలో ఎవరికీ సాధ్యం కాని రికార్డ్ నెలకొల్పిన కివీస్ పేసర్.. వీడియో ఇదిగో!

క్రికెట్‌లో ఒకే ఓవర్లో ఆరు సిక్సర్లు బాదడం, బౌలర్లు హ్యాట్రిక్ వికెట్లు తీయడం వంటి అరుదైన ఘట్టాలను చూశాం. కానీ, న్యూజిలాండ్ పేసర్ బ్రెట్ రాండెల్ వీటన్నింటినీ మించిపోయే అద్భుతం చేసి చూపించాడు. ఒకే ఓవర్లో ఆరు బంతులకు ఆరుగురు బ్యాటర్లను ఔట్ చేసి, క్రికెట్ చరిత్రలోనే ఎవరికీ సాధ్యం కాని ప్రపంచ రికార్డును తన పేరిట లిఖించుకున్నాడు.

న్యూజిలాండ్‌లో జరుగుతున్న ఫోర్డ్ ట్రోఫీ (లిస్ట్-ఎ టోర్నమెంట్)లో ఈ చారిత్రక ఘట్టం ఆవిష్కృతమైంది. నార్తర్న్ డిస్ట్రిక్ట్స్, కాంటర్బరీ జట్ల మధ్య జరిగిన మ్యాచ్‌లో ఇన్నింగ్స్ చివరి ఓవర్ వేసేందుకు రాండెల్ బంతిని అందుకున్నాడు. తన అద్భుత బౌలింగ్‌తో ప్రత్యర్థి బ్యాటర్లకు చుక్కలు చూపిస్తూ వరుసగా ఆరు బంతుల్లో ఆరుగురిని పెవిలియన్‌కు పంపాడు. 

ఈ ఓవర్లో రాండెల్ ఒక్క పరుగు కూడా ఇవ్వకుండా ఆరు వికెట్లు పడగొట్టడంతో దీనిని 'పర్ఫెక్ట్ ఓవర్'గా క్రీడా విశ్లేషకులు అభివర్ణిస్తున్నారు. సుమారు 254 ఏళ్ల క్రికెట్ చరిత్రలో ఒక బౌలర్ ఒకే ఓవర్లో ఆరు వికెట్లు తీయడం ఇదే తొలిసారి. గతంలో కొందరు బౌలర్లు ఒక ఓవర్లో ఐదు వికెట్లు తీసినప్పటికీ, ఆరు బంతులకు ఆరు వికెట్ల ఫీట్‌ను మాత్రం ఎవరూ సాధించలేకపోయారు. ఈ అసాధారణ ప్రదర్శనతో బ్రెట్ రాండెల్ పేరు ఇప్పుడు క్రీడా ప్రపంచంలో మారుమోగుతోంది.