హైదరాబాద్ లో రేపు మెగా జాబ్ మేళా.. వివరాలు ఇవిగో!
- ఫార్మా, హెల్త్, ఐటీ తదితర విభాగాల్లో నియామకాలు
- పదో తరగతి నుంచి డిగ్రీ, పీజీలు చేసిన వారికి అవకాశం
- పెద్ద కంపెనీలు పాల్గొంటున్నాయని నిర్వాహకుల వెల్లడి
హైదరాబాద్ లోని నిరుద్యోగులకు శుభవార్త.. ఈ నెల 20 (మంగళవారం) నాంపల్లిలో మెగా జాబ్ మేళా జరగనుంది. పదో తరగతి నుంచి డిగ్రీ, పీజీలు పూర్తిచేసిన వారు ఈ మేళాలో పాల్గొనవచ్చు. ఇందులో ఫార్మా, హెల్త్, ఐటీ, బ్యాంకింగ్ సెక్టార్లకు సంబంధించిన పెద్ద పెద్ద కంపెనీలు పాల్గొంటున్నాయి. నాంపల్లిలోని రెడ్ రోజ్ ప్యాలెస్ ఫంక్షన్ హాల్ వేదికగా జరిగే ఈ మేళాలో నిరుద్యోగులు పెద్ద సంఖ్యలో పాల్గొనాలని నిర్వాహకులు కోరారు. రెజ్యుమె, విద్యార్హతలకు సంబంధించిన సర్టిఫికెట్లతో హాజరుకావాలని కోరారు. మేళాలో పాల్గొనాలనుకునే అభ్యర్థులు మరిన్ని వివరాల కోసం, ఆసక్తి గల అభ్యర్థులు 8374315052 నంబర్లో సంప్రదించవచ్చని నిర్వాహకులు తెలిపారు.
