Chiranjeevi: రక్తదానం చేసిన హీరో చిరంజీవి

లాక్ డౌన్ నిబంధనలను పాటిస్తూ ప్రజలు ఇళ్లకే పరిమితమైన విషయం తెలిసిందే. అత్యవసర సేవలు అందించే బ్లడ్ బ్యాంకులపై లాక్ డౌన్ ప్రభావం పడకుండా ఉండేందుకు, వాటిలో రక్త నిల్వలు తగ్గకుండా ఉండాల్సిన అవసరం ఉంది. ఈ నేపథ్యంలో రక్తదానం చేయదలచుకున్న వారు చేస్తున్నారు. ఈ మధ్యనే టాలీవుడ్ హీరో నాని దంపతులు రక్తదానం చేశారు. తాజాగా, ప్రముఖ హీరో చిరంజీవి రక్తదానం చేశారు. హైదరాబాద్ లోని చిరంజీవి బ్లడ్ బ్యాంక్ లో ఆయన రక్తదానం చేశారు. ‘కరోనా’ వ్యాప్తి చెందకుండా తీసుకోవాల్సిన జాగ్రత్తలను ఆయన పాటించారు.