- నానక్రామ్గూడ పసిఫికా హిల్క్రెస్ట్ అపార్ట్మెంట్లో ఘటన
- గీజర్ షార్ట్ సర్క్యూట్ వల్లే ప్రమాదమని ప్రాథమిక అంచనా
- బయటి వైపు నుంచి పై అంతస్తులకు వ్యాపించిన మంటలు
- ప్రాణనష్టం జరగకపోవడంతో ఊపిరి పీల్చుకున్న అధికారులు
హైదరాబాద్లోని ఫైనాన్షియల్ డిస్ట్రిక్ట్ సమీపంలో ఉన్న నానక్రామ్గూడలోని పసిఫికా హిల్క్రెస్ట్ అనే భారీ అపార్ట్మెంట్లో గురువారం మధ్యాహ్నం భారీ అగ్నిప్రమాదం సంభవించింది. ఒక టవర్లోని మధ్య అంతస్తులో మొదలైన మంటలు భవనం బయటి వైపు నుంచి వేగంగా పై అంతస్తులకు వ్యాపించడంతో నివాసితులు తీవ్ర భయాందోళనలకు గురయ్యారు. ఈ ఘటనలో ఎవరికీ ఎలాంటి గాయాలు కాకపోవడంతో అందరూ ఊపిరి పీల్చుకున్నారు.
అగ్నిమాపక శాఖ అధికారుల ప్రాథమిక సమాచారం ప్రకారం, మధ్యాహ్నం సమయంలో ఓ టవర్లోని 5వ లేదా 6వ అంతస్తులో ఉన్న బాత్రూమ్లోని గీజర్లో షార్ట్ సర్క్యూట్ కారణంగా మంటలు చెలరేగాయి. అక్కడి నుంచి మంటలు, దట్టమైన పొగ భవనం బయటి వైపు నుంచి వేగంగా పైకి వ్యాపించాయి. సుమారు 14 నుంచి 18వ అంతస్తు వరకు మంటల ప్రభావం కనిపించింది. దీంతో బయటి వైపు ఉన్న ఫాల్స్ సీలింగ్, ఎలక్ట్రికల్ వైరింగ్, పలు ఫ్లాట్లకు చెందిన ఏసీ యూనిట్లు దెబ్బతిన్నాయి.
మంటలు కనిపించడంతో నివాసితులు వెంటనే అప్రమత్తమై భవనం నుంచి బయటకు పరుగులు తీశారు. సమాచారం అందుకున్న గచ్చిబౌలి, మాదాపూర్, లంగర్హౌజ్ స్టేషన్ల నుంచి నాలుగు ఫైర్ ఇంజన్లు, ఒక బ్రాంటో స్కైలిఫ్ట్ వాహనం ఘటనా స్థలానికి చేరుకున్నాయి. అగ్నిమాపక సిబ్బంది సుమారు గంటన్నర పాటు శ్రమించి మంటలను అదుపులోకి తెచ్చారు. భవనంలోని స్ప్రింక్లర్లు కూడా పనిచేయడంతో ప్రమాద తీవ్రత తగ్గింది.
ఈ ప్రమాదంలో ఎలాంటి ప్రాణ, ఆస్తి నష్టం జరగలేదని రంగారెడ్డి జిల్లా ఫైర్ ఆఫీసర్ చంద్ర, లంగర్హౌజ్ స్టేషన్ ఆఫీసర్ రాజ్ కుమార్ ధ్రువీకరించారు. మంటలు ఎక్కువగా భవనం బయటి వైపుకే పరిమితమయ్యాయని, ఫ్లాట్లలోకి పెద్దగా వ్యాపించలేదని తెలిపారు. ప్రమాదానికి కచ్చితమైన కారణాలపై దర్యాప్తు కొనసాగుతోంది.
అగ్నిమాపక శాఖ అధికారుల ప్రాథమిక సమాచారం ప్రకారం, మధ్యాహ్నం సమయంలో ఓ టవర్లోని 5వ లేదా 6వ అంతస్తులో ఉన్న బాత్రూమ్లోని గీజర్లో షార్ట్ సర్క్యూట్ కారణంగా మంటలు చెలరేగాయి. అక్కడి నుంచి మంటలు, దట్టమైన పొగ భవనం బయటి వైపు నుంచి వేగంగా పైకి వ్యాపించాయి. సుమారు 14 నుంచి 18వ అంతస్తు వరకు మంటల ప్రభావం కనిపించింది. దీంతో బయటి వైపు ఉన్న ఫాల్స్ సీలింగ్, ఎలక్ట్రికల్ వైరింగ్, పలు ఫ్లాట్లకు చెందిన ఏసీ యూనిట్లు దెబ్బతిన్నాయి.
మంటలు కనిపించడంతో నివాసితులు వెంటనే అప్రమత్తమై భవనం నుంచి బయటకు పరుగులు తీశారు. సమాచారం అందుకున్న గచ్చిబౌలి, మాదాపూర్, లంగర్హౌజ్ స్టేషన్ల నుంచి నాలుగు ఫైర్ ఇంజన్లు, ఒక బ్రాంటో స్కైలిఫ్ట్ వాహనం ఘటనా స్థలానికి చేరుకున్నాయి. అగ్నిమాపక సిబ్బంది సుమారు గంటన్నర పాటు శ్రమించి మంటలను అదుపులోకి తెచ్చారు. భవనంలోని స్ప్రింక్లర్లు కూడా పనిచేయడంతో ప్రమాద తీవ్రత తగ్గింది.
ఈ ప్రమాదంలో ఎలాంటి ప్రాణ, ఆస్తి నష్టం జరగలేదని రంగారెడ్డి జిల్లా ఫైర్ ఆఫీసర్ చంద్ర, లంగర్హౌజ్ స్టేషన్ ఆఫీసర్ రాజ్ కుమార్ ధ్రువీకరించారు. మంటలు ఎక్కువగా భవనం బయటి వైపుకే పరిమితమయ్యాయని, ఫ్లాట్లలోకి పెద్దగా వ్యాపించలేదని తెలిపారు. ప్రమాదానికి కచ్చితమైన కారణాలపై దర్యాప్తు కొనసాగుతోంది.