- 25 జిల్లాల్లోని ఎంపిక చేసిన మండలాల్లో ఎన్నికల నిర్వహణ
- నవంబర్ 21 నుంచి 23 వరకు నామినేషన్ల స్వీకరణ
- నవంబర్ 27న నామినేషన్ల ఉపసంహరణ, తుది జాబితా విడుదల
- డిసెంబర్ 2న ఉదయం 7 నుంచి మధ్యాహ్నం 1 వరకు పోలింగ్
- డిసెంబర్ 2 మధ్యాహ్నం 2 గంటల నుంచే కౌంటింగ్, ఫలితాలు
ఆంధ్రప్రదేశ్లో పంచాయతీ పోరు మరింత వేడెక్కింది. రాష్ట్రంలో మూడో విడత గ్రామ పంచాయతీ ఎన్నికల నోటిఫికేషన్ను గురువారం రాష్ట్ర ఎన్నికల కమిషనర్ అనిల్ చంద్ర పునేఠా అధికారికంగా విడుదల చేశారు. రాష్ట్రంలోని 25 జిల్లాల పరిధిలో ఎంపిక చేసిన మండలాల్లోని గ్రామ పంచాయతీ సర్పంచ్లు, వార్డు సభ్యుల పదవులకు ఈ విడతలో ఎన్నికలు నిర్వహించనున్నారు. ఇప్పటికే ఈ నెల 13న తొలి విడత, 16న రెండో విడత నోటిఫికేషన్లు వెలువడి ఎన్నికల ప్రక్రియ జోరుగా సాగుతోంది.
తాజా షెడ్యూల్ ప్రకారం.. నవంబర్ 21న రిటర్నింగ్ అధికారులు ఫారమ్-1 ద్వారా ఎన్నికల నోటీసు జారీ చేసి, వార్డుల వారీగా ఓటర్ల జాబితాలను ప్రదర్శిస్తారు. అదే రోజు నుంచి నవంబర్ 23వ తేదీ వరకు (ఉదయం 10:30 నుంచి సాయంత్రం 5:00 గంటల వరకు) నామినేషన్లను స్వీకరిస్తారు. 24న నామినేషన్ల పరిశీలన చేపడతారు. తిరస్కరణకు గురైన నామినేషన్లపై 25న సాయంత్రం 5 గంటల వరకు ఆర్డీఓ వద్ద అప్పీల్ చేసుకోవడానికి అవకాశముంది. ఈ అప్పీళ్లను అధికారులు 26న పరిష్కరిస్తారు. నవంబర్ 27న మధ్యాహ్నం 3:00 గంటల వరకు నామినేషన్ల ఉపసంహరణకు గడువు ఇచ్చారు. అనంతరం అదే రోజు పోటీలో నిలిచే అభ్యర్థుల తుది జాబితాను ప్రకటిస్తారు.
డిసెంబర్ 2న ఉదయం 7:00 గంటల నుంచి మధ్యాహ్నం 1:00 గంట వరకు పోలింగ్ జరగనుంది. పోలింగ్ ముగిసిన వెంటనే అదే రోజు మధ్యాహ్నం 2:00 గంటల నుంచి ఓట్లను లెక్కించి ఫలితాలను వెల్లడిస్తారు. ఫలితాలు వచ్చిన వెంటనే ఉప సర్పంచ్ ఎన్నిక నిర్వహిస్తారు. ఒకవేళ ఏవైనా కారణాలతో ఆ రోజు సాధ్యం కాకపోతే, సెలవు దినమైనప్పటికీ మరుసటి రోజు తప్పనిసరిగా ఉప సర్పంచ్ ఎన్నికను పూర్తి చేయాల్సి ఉంటుంది. ఎక్కడైనా రీపోలింగ్ అవసరమైతే డిసెంబర్ 3న నిర్వహించి, అదే రోజు మధ్యాహ్నం లెక్కింపు చేపడతారు. కోర్టు స్టేలు, న్యాయపరమైన అడ్డంకులు ఉన్న పంచాయతీల్లో ఎన్నికల నోటీసులు జారీ చేయవద్దని జిల్లా కలెక్టర్లను కమిషన్ ఆదేశించింది.
తాజా షెడ్యూల్ ప్రకారం.. నవంబర్ 21న రిటర్నింగ్ అధికారులు ఫారమ్-1 ద్వారా ఎన్నికల నోటీసు జారీ చేసి, వార్డుల వారీగా ఓటర్ల జాబితాలను ప్రదర్శిస్తారు. అదే రోజు నుంచి నవంబర్ 23వ తేదీ వరకు (ఉదయం 10:30 నుంచి సాయంత్రం 5:00 గంటల వరకు) నామినేషన్లను స్వీకరిస్తారు. 24న నామినేషన్ల పరిశీలన చేపడతారు. తిరస్కరణకు గురైన నామినేషన్లపై 25న సాయంత్రం 5 గంటల వరకు ఆర్డీఓ వద్ద అప్పీల్ చేసుకోవడానికి అవకాశముంది. ఈ అప్పీళ్లను అధికారులు 26న పరిష్కరిస్తారు. నవంబర్ 27న మధ్యాహ్నం 3:00 గంటల వరకు నామినేషన్ల ఉపసంహరణకు గడువు ఇచ్చారు. అనంతరం అదే రోజు పోటీలో నిలిచే అభ్యర్థుల తుది జాబితాను ప్రకటిస్తారు.
డిసెంబర్ 2న ఉదయం 7:00 గంటల నుంచి మధ్యాహ్నం 1:00 గంట వరకు పోలింగ్ జరగనుంది. పోలింగ్ ముగిసిన వెంటనే అదే రోజు మధ్యాహ్నం 2:00 గంటల నుంచి ఓట్లను లెక్కించి ఫలితాలను వెల్లడిస్తారు. ఫలితాలు వచ్చిన వెంటనే ఉప సర్పంచ్ ఎన్నిక నిర్వహిస్తారు. ఒకవేళ ఏవైనా కారణాలతో ఆ రోజు సాధ్యం కాకపోతే, సెలవు దినమైనప్పటికీ మరుసటి రోజు తప్పనిసరిగా ఉప సర్పంచ్ ఎన్నికను పూర్తి చేయాల్సి ఉంటుంది. ఎక్కడైనా రీపోలింగ్ అవసరమైతే డిసెంబర్ 3న నిర్వహించి, అదే రోజు మధ్యాహ్నం లెక్కింపు చేపడతారు. కోర్టు స్టేలు, న్యాయపరమైన అడ్డంకులు ఉన్న పంచాయతీల్లో ఎన్నికల నోటీసులు జారీ చేయవద్దని జిల్లా కలెక్టర్లను కమిషన్ ఆదేశించింది.