'గద్దలకొండ గణేష్' చిత్రంతో తెలుగు ప్రేక్షకులకు దగ్గరైన యువ నటి మిర్నాళిని రవి త్వరలోనే పెళ్లి పీటలెక్కనున్నారు. తన చిరకాల మిత్రుడు, పరంపొరుల్ ఫౌండేషన్ వ్యవస్థాపకుడు మహావిష్ణుతో ఆమె కొత్త జీవితాన్ని ప్రారంభించేందుకు సిద్ధమవుతున్నారు. ఈ క్రమంలో పెళ్లికి ముందు తన స్నేహితులతో కలిసి ఆమె బ్యాచ్‌లర్ పార్టీని గ్రాండ్‌గా ఎంజాయ్ చేశారు.

ఈ వేడుకకు సంబంధించిన ప్రత్యేక వీడియోను మిర్నాళిని స్వయంగా తన సోషల్ మీడియా ఖాతా ద్వారా అభిమానులతో పంచుకున్నారు. ప్రస్తుతం ఈ వీడియో సోషల్ మీడియాలో వైరల్ అవుతుండటంతో అభిమానులు, నెటిజన్లు ఆమెకు శుభాకాంక్షలు తెలుపుతున్నారు. 

మిర్నాళిని రవి, మహావిష్ణు మధ్య గత 7 ఏళ్లుగా మంచి స్నేహం ఉంది. ఆ పరిచయం కాస్తా ప్రేమగా మారడంతో, పెద్దల అంగీకారంతో ఈ ఏడాది ఆగస్టులో వీరి నిశ్చితార్థం అధికారికంగా జరిగింది. మహావిష్ణు ఆధ్యాత్మిక గురువుగా, ప్రముఖ వక్తగా గుర్తింపు పొందారు. వీరి వివాహ వేదిక, కచ్చితమైన తేదీపై త్వరలోనే స్పష్టత వచ్చే అవకాశం ఉంది. పెళ్లి తర్వాత ఆమె నటనకు దూరమవుతారనే ప్రచారం జరుగుతున్నప్పటికీ, దీనిపై మిర్నాళిని నుంచి ఎలాంటి అధికారిక ప్రకటన వెలువడలేదు.