‘‘భారత్‌లో స్టార్‌లింక్‌ను ‘ఒలిగార్కులు’ అడ్డుకుంటున్నారు’’.. మస్క్‌ ఆరోపణలపై కేంద్రం ఘాటు కౌంటర్‌
- భారత్‌లో స్టార్‌లింక్‌ సేవలకు అనుమతులు ఆలస్యం అవుతున్నాయన్న మస్క్‌
- కొన్ని గుత్తాధిపత్య శక్తులు అడ్డుకుంటున్నాయని ఆరోపణ
- వివక్ష చూపుతున్నాయనడం పూర్తిగా నిరాధారమన్న కేంద్రం
- స్టార్‌లింక్‌, రిలయన్స్‌ జియో, ఎయిర్‌టెల్‌ వన్‌వెబ్‌కు లైసెన్సులు ఇచ్చినట్లు వెల్లడి
- మూడు సంస్థలకు భద్రతా అనుమతుల ప్రక్రియ ఇంకా కొనసాగుతోందని స్పష్టీకరణ
భారత్‌లో స్టార్‌లింక్‌ సేవలకు అనుమతులు ఆలస్యం అవుతున్నాయంటూ టెస్లా అధినేత ఎలాన్‌ మస్క్‌ చేసిన ఆరోపణలపై కేంద్ర ప్రభుత్వం స్పందించింది. దేశంలోని శాటిలైట్‌ కమ్యూనికేషన్‌ సేవలకు అమలు చేస్తున్న నిబంధనలు న్యాయంగా, అందరికీ సమానంగా ఉన్నాయని స్పష్టం చేసింది. ఈ నిబంధనలు వివక్ష చూపుతున్నాయనడం పూర్తిగా నిరాధారమని కేంద్ర కమ్యూనికేషన్ల మంత్రిత్వ శాఖ తెలిపింది.
భారత్‌లో స్టార్‌లింక్‌ ప్రవేశాన్ని కొన్ని ‘గుత్తాధిపత్య శక్తులు’ (ఒలిగార్కులు) అడ్డుకుంటున్నాయని మస్క్‌ బుధవారం రాత్రి ‘ఎక్స్‌’లో ఆరోపించారు. ‘‘భారత ప్రజలపై గుత్తాధిపత్యాన్ని కొనసాగించేందుకు కొందరు ఒలిగార్కులు మమ్మల్ని అడ్డుకుంటున్నారు. వాళ్లు ఎవరో మీరు ఊహించవచ్చు’’ అంటూ ఆయన పోస్టు చేశారు.
ఈ వ్యాఖ్యలపై నేరుగా మస్క్‌ పేరు ప్రస్తావించకుండా కేంద్రం వివరణ ఇచ్చింది. శాటిలైట్‌ కమ్యూనికేషన్‌ సహా అన్ని టెలికాం సేవలకు న్యాయమైన, వివక్ష లేని అనుమతి విధానాన్ని ప్రభుత్వం అమలు చేస్తోందని పేర్కొంది.
శాటిలైట్‌ కమ్యూనికేషన్‌ సేవలకు సంబంధించి మూడు సంస్థలకు టెలికాం లైసెన్సులు మంజూరు చేసినట్లు తెలిపింది. వీటిలో స్టార్‌లింక్‌, రిలయన్స్‌ జియో, ఎయిర్‌టెల్‌కు చెందిన వన్‌వెబ్‌ ఉన్నాయి. అయితే మూడు సంస్థలకు భద్రతా అనుమతుల ప్రక్రియ ఇంకా కొనసాగుతోందని కేంద్రం స్పష్టం చేసింది.
భద్రతా పరిశీలన పూర్తైన తర్వాతే స్పెక్ట్రమ్‌ కేటాయింపునకు తదుపరి దశకు వెళ్లే అవకాశం ఉంటుందని తెలిపింది. ప్రస్తుతం మూడు సంస్థలు దాదాపు ఒకే నియంత్రణ దశలో ఉన్నాయని పేర్కొంది.
భారత్‌లో సేవలు ప్రారంభించేందుకు స్టార్‌లింక్‌ సిద్ధంగా ఉందని ఆ సంస్థ వైస్‌ ప్రెసిడెంట్‌ లారెన్‌ డ్రేయర్‌ ఇటీవల తెలిపారు. భారత భద్రతా నిబంధనలకు అనుగుణంగా ప్రత్యేక నియంత్రణ వ్యవస్థలను ఏర్పాటు చేశామని, భారత వినియోగదారుల డేటాను దేశంలోనే ఉంచేలా ఏర్పాట్లు చేశామని ఆమె వెల్లడించారు.
భారత్‌లో స్టార్‌లింక్‌ ప్రవేశాన్ని కొన్ని ‘గుత్తాధిపత్య శక్తులు’ (ఒలిగార్కులు) అడ్డుకుంటున్నాయని మస్క్‌ బుధవారం రాత్రి ‘ఎక్స్‌’లో ఆరోపించారు. ‘‘భారత ప్రజలపై గుత్తాధిపత్యాన్ని కొనసాగించేందుకు కొందరు ఒలిగార్కులు మమ్మల్ని అడ్డుకుంటున్నారు. వాళ్లు ఎవరో మీరు ఊహించవచ్చు’’ అంటూ ఆయన పోస్టు చేశారు.
ఈ వ్యాఖ్యలపై నేరుగా మస్క్‌ పేరు ప్రస్తావించకుండా కేంద్రం వివరణ ఇచ్చింది. శాటిలైట్‌ కమ్యూనికేషన్‌ సహా అన్ని టెలికాం సేవలకు న్యాయమైన, వివక్ష లేని అనుమతి విధానాన్ని ప్రభుత్వం అమలు చేస్తోందని పేర్కొంది.
శాటిలైట్‌ కమ్యూనికేషన్‌ సేవలకు సంబంధించి మూడు సంస్థలకు టెలికాం లైసెన్సులు మంజూరు చేసినట్లు తెలిపింది. వీటిలో స్టార్‌లింక్‌, రిలయన్స్‌ జియో, ఎయిర్‌టెల్‌కు చెందిన వన్‌వెబ్‌ ఉన్నాయి. అయితే మూడు సంస్థలకు భద్రతా అనుమతుల ప్రక్రియ ఇంకా కొనసాగుతోందని కేంద్రం స్పష్టం చేసింది.
భద్రతా పరిశీలన పూర్తైన తర్వాతే స్పెక్ట్రమ్‌ కేటాయింపునకు తదుపరి దశకు వెళ్లే అవకాశం ఉంటుందని తెలిపింది. ప్రస్తుతం మూడు సంస్థలు దాదాపు ఒకే నియంత్రణ దశలో ఉన్నాయని పేర్కొంది.
భారత్‌లో సేవలు ప్రారంభించేందుకు స్టార్‌లింక్‌ సిద్ధంగా ఉందని ఆ సంస్థ వైస్‌ ప్రెసిడెంట్‌ లారెన్‌ డ్రేయర్‌ ఇటీవల తెలిపారు. భారత భద్రతా నిబంధనలకు అనుగుణంగా ప్రత్యేక నియంత్రణ వ్యవస్థలను ఏర్పాటు చేశామని, భారత వినియోగదారుల డేటాను దేశంలోనే ఉంచేలా ఏర్పాట్లు చేశామని ఆమె వెల్లడించారు.
