‘ఓ నా సిద్ధయ్య’ జాబ్ మేళాలో వైష్ణవి చైతన్య సందడి.. 300 మంది డ్రైవర్లకు బీమా
- ‘ఓ నా సిద్ధయ్య’ సినిమా టీం ఆధ్వర్యంలో మెగా జాబ్ మేళా
- హాజరై సందడి చేసిన ప్రముఖ నటి వైష్ణవి చైతన్య
- 70 కంపెనీల భాగస్వామ్యం.. పలువురికి స్పాట్లోనే ఆఫర్ లెటర్లు
- 300 మంది ఆటో డ్రైవర్లకు రూ.3 లక్షల చొప్పున బీమా సౌకర్యం
‘ఓ నా సిద్ధయ్య’ చిత్ర బృందం వినూత్న రీతిలో ప్రచార కార్యక్రమాలకు శ్రీకారం చుట్టింది. సినిమా ప్రమోషన్లలో భాగంగా హైదరాబాద్లోని హైటెక్ సిటీ సైబర్ గార్డెన్స్లో మెగా జాబ్ మేళాను నిర్వహించింది. ఈ కార్యక్రమానికి యువ కథానాయిక వైష్ణవి చైతన్య ముఖ్య అతిథిగా హాజరై సందడి చేసింది.
ఈ జాబ్ మేళాలో సుమారు 70 ప్రముఖ కంపెనీలు పాల్గొని ఉద్యోగార్థుల నుంచి దరఖాస్తులను స్వీకరించాయి. ఈ అవకాశాన్ని సద్వినియోగం చేసుకునేందుకు భారీ సంఖ్యలో యువతీయువకులు తరలివచ్చారు. అర్హత సాధించిన పలువురు అభ్యర్థులకు అక్కడికక్కడే నియామక పత్రాలను అందజేశారు.
ఈ సందర్భంగా చిత్ర నిర్మాత, దర్శకుడు సిద్ధు రెడ్డి కందకట్ల మాట్లాడుతూ.. తనకు సంగీతం అంటే ఎంతో మక్కువ అని, ఈ సినిమాలో భార్యాభర్తల మధ్య ఉండే గాఢమైన అనుబంధాన్ని, ప్రేమకథను ఆవిష్కరిస్తున్నామని తెలిపాడు. యువతకు ఉపాధి కల్పించాలనే సదుద్దేశంతోనే ఈ జాబ్ మేళాను ఏర్పాటు చేసినట్లు ఆయన వివరించాడు.
ఈ కార్యక్రమంలో భాగంగా చిత్ర యూనిట్ మరో సేవా కార్యక్రమానికి శ్రీకారం చుట్టింది. సుమారు 300 మంది ఆటో డ్రైవర్లు, వారి కుటుంబ సభ్యులకు రూ. 3 లక్షల చొప్పున బీమా సౌకర్యాన్ని కల్పించింది. అలాగే, చిత్ర నిర్మాణంలో పాలుపంచుకున్న సాంకేతిక సిబ్బందికి సైతం బీమా చేయించారు. ఈ కార్యక్రమంలో వైష్ణవి చైతన్యతో పాటు నటి కాత్యాయని, చిత్రబృందం సభ్యులు పాల్గొని ఉత్సాహాన్ని నింపారు. ప్రస్తుతం ఈ ఈవెంట్కు సంబంధించిన ఫోటోలు, వీడియోలు సోషల్ మీడియాలో వైరల్ అవుతున్నాయి.
ఈ జాబ్ మేళాలో సుమారు 70 ప్రముఖ కంపెనీలు పాల్గొని ఉద్యోగార్థుల నుంచి దరఖాస్తులను స్వీకరించాయి. ఈ అవకాశాన్ని సద్వినియోగం చేసుకునేందుకు భారీ సంఖ్యలో యువతీయువకులు తరలివచ్చారు. అర్హత సాధించిన పలువురు అభ్యర్థులకు అక్కడికక్కడే నియామక పత్రాలను అందజేశారు.
ఈ సందర్భంగా చిత్ర నిర్మాత, దర్శకుడు సిద్ధు రెడ్డి కందకట్ల మాట్లాడుతూ.. తనకు సంగీతం అంటే ఎంతో మక్కువ అని, ఈ సినిమాలో భార్యాభర్తల మధ్య ఉండే గాఢమైన అనుబంధాన్ని, ప్రేమకథను ఆవిష్కరిస్తున్నామని తెలిపాడు. యువతకు ఉపాధి కల్పించాలనే సదుద్దేశంతోనే ఈ జాబ్ మేళాను ఏర్పాటు చేసినట్లు ఆయన వివరించాడు.
ఈ కార్యక్రమంలో భాగంగా చిత్ర యూనిట్ మరో సేవా కార్యక్రమానికి శ్రీకారం చుట్టింది. సుమారు 300 మంది ఆటో డ్రైవర్లు, వారి కుటుంబ సభ్యులకు రూ. 3 లక్షల చొప్పున బీమా సౌకర్యాన్ని కల్పించింది. అలాగే, చిత్ర నిర్మాణంలో పాలుపంచుకున్న సాంకేతిక సిబ్బందికి సైతం బీమా చేయించారు. ఈ కార్యక్రమంలో వైష్ణవి చైతన్యతో పాటు నటి కాత్యాయని, చిత్రబృందం సభ్యులు పాల్గొని ఉత్సాహాన్ని నింపారు. ప్రస్తుతం ఈ ఈవెంట్కు సంబంధించిన ఫోటోలు, వీడియోలు సోషల్ మీడియాలో వైరల్ అవుతున్నాయి.
