మయన్మార్ బౌద్ధ ఆశ్రమంపై వైమానిక దాడి.. 14 మంది మృతి!
- బౌద్ధ ఆశ్రమంపై సైన్యం వైమానిక దాడి
- ధ్యాన కార్యక్రమంలో పాల్గొన్న 14 మంది మృతి, 20 మందికి గాయాలు
- సగయింగ్ రీజియన్లో శుక్రవారం ఉదయం ఈ ఘటన
- మృతుల్లో ముగ్గురు మహిళలు ఉన్నట్లు వెల్లడి
మయన్మార్లో మరో ఘోరం చోటుచేసుకుంది. సెంట్రల్ సగయింగ్ ప్రాంతంలోని ఒక బౌద్ధ ఆశ్రమంపై సైనిక ప్రభుత్వం జరిపిన వైమానిక దాడిలో 14 మంది అమాయక పౌరులు ప్రాణాలు కోల్పోయారు. ఈ ఘటనలో మరో 20 మంది తీవ్రంగా గాయపడ్డారు. ఆశ్రమంలో ధ్యాన కార్యక్రమం జరుగుతున్న సమయంలో ఈ దాడి జరగడం పెను విషాదాన్ని నింపింది.
మ్యౌంగ్ టౌన్షిప్లోని స్వెల్ లే ఓ గ్రామంలో ఉన్న బౌద్ధ ఆశ్రమంలో వారం రోజుల పాటు ధ్యాన కార్యక్రమాన్ని నిర్వహిస్తున్నారు. శుక్రవారం ఉదయం 9 గంటల సమయంలో ప్రజలంతా ధ్యానంలో నిమగ్నమై ఉండగా, సైనిక యుద్ధ విమానం ఆశ్రమ ప్రాంగణంలో బాంబు దాడికి పాల్పడింది.
ఈ దాడిలో ముగ్గురు మహిళలతో సహా 14 మంది అక్కడికక్కడే మృతి చెందగా, మరో 20 మందికి పైగా గాయపడ్డారని మ్యౌంగ్ టౌన్షిప్ సివిల్ డిఫెన్స్ అండ్ సెక్యూరిటీ ఆర్గనైజేషన్ ప్రతినిధి వెల్లడించారు. మాండలే నగరానికి పశ్చిమాన సుమారు 75 కిలోమీటర్ల దూరంలో ఈ గ్రామం ఉంది.
మయన్మార్లో సైనిక ప్రభుత్వం, ప్రజాస్వామ్య అనుకూల శక్తులు, స్థానిక సాయుధ వర్గాల మధ్య నిరంతరం ఘర్షణలు జరుగుతున్నాయి. ముఖ్యంగా సగయింగ్ ప్రాంతంలో ఇరు పక్షాల మధ్య పోరు తీవ్రస్థాయిలో కొనసాగుతోంది. ఈ నేపథ్యంలో సైన్యం జరుపుతున్న వైమానిక దాడుల వల్ల సామాన్య పౌరులు ప్రాణాలు కోల్పోతున్న ఘటనలు తరచూ చోటుచేసుకుంటున్నాయి.
మ్యౌంగ్ టౌన్షిప్లోని స్వెల్ లే ఓ గ్రామంలో ఉన్న బౌద్ధ ఆశ్రమంలో వారం రోజుల పాటు ధ్యాన కార్యక్రమాన్ని నిర్వహిస్తున్నారు. శుక్రవారం ఉదయం 9 గంటల సమయంలో ప్రజలంతా ధ్యానంలో నిమగ్నమై ఉండగా, సైనిక యుద్ధ విమానం ఆశ్రమ ప్రాంగణంలో బాంబు దాడికి పాల్పడింది.
ఈ దాడిలో ముగ్గురు మహిళలతో సహా 14 మంది అక్కడికక్కడే మృతి చెందగా, మరో 20 మందికి పైగా గాయపడ్డారని మ్యౌంగ్ టౌన్షిప్ సివిల్ డిఫెన్స్ అండ్ సెక్యూరిటీ ఆర్గనైజేషన్ ప్రతినిధి వెల్లడించారు. మాండలే నగరానికి పశ్చిమాన సుమారు 75 కిలోమీటర్ల దూరంలో ఈ గ్రామం ఉంది.
మయన్మార్లో సైనిక ప్రభుత్వం, ప్రజాస్వామ్య అనుకూల శక్తులు, స్థానిక సాయుధ వర్గాల మధ్య నిరంతరం ఘర్షణలు జరుగుతున్నాయి. ముఖ్యంగా సగయింగ్ ప్రాంతంలో ఇరు పక్షాల మధ్య పోరు తీవ్రస్థాయిలో కొనసాగుతోంది. ఈ నేపథ్యంలో సైన్యం జరుపుతున్న వైమానిక దాడుల వల్ల సామాన్య పౌరులు ప్రాణాలు కోల్పోతున్న ఘటనలు తరచూ చోటుచేసుకుంటున్నాయి.
