శ్రీవారి సేవకులకు 'సిబిల్' తరహా రేటింగ్.. టీటీడీ కొత్త విధానం!
- పనితీరు ఆధారంగా సేవకులకు విధుల కేటాయింపు
- సీఎం ఆదేశాలతో గ్రామస్థాయిలో శ్రీవారి సేవ విస్తరణకు చర్యలు
- తిరుపతిలో నేడు శ్రీవారి సర్వదర్శనం టోకెన్ల జారీ రద్దు
- గురువారం మధ్యాహ్నం నుంచి యథావిధిగా టోకెన్ల పంపిణీ
తిరుమల శ్రీవారి సేవకుల పనితీరు ఆధారంగా, ‘సిబిల్ స్కోర్’ తరహాలో వారికి రేటింగ్ ఇచ్చే నూతన విధానాన్ని ప్రవేశపెట్టాలని టీటీడీ యోచిస్తోంది. మంగళవారం జరిగిన గ్రూప్ సూపర్వైజర్ల శిక్షణ కార్యక్రమంలో పాల్గొన్న టీటీడీ ఈవో ఎం. రవిచంద్ర ఈ విషయాన్ని వెల్లడించారు. ముఖ్యమంత్రి నారా చంద్రబాబు నాయుడు ఆదేశాల మేరకు శ్రీవారి సేవను గ్రామస్థాయికి విస్తరించేందుకు తగిన చర్యలు తీసుకుంటున్నామని ఆయన పేర్కొన్నారు.
రెండు తెలుగు రాష్ట్రాల్లో దాదాపు 50 వేల ఆలయాలు ఉన్నాయని, వాటిలో శ్రీవారి సేవ ద్వారా భక్తులకు సేవలందించే అవకాశాలను గుర్తించాల్సి ఉందని రవిచంద్ర వివరించారు. సేవకుల పనితీరును బట్టి రేటింగ్ కేటాయించి, దాని ఆధారంగానే వారికి విధులను కేటాయించేలా ప్రణాళికలు సిద్ధం చేస్తున్నట్లు తెలిపారు. ఈ లక్ష్య సాధన కోసం గ్రూప్ సూపర్వైజర్లు సమష్టిగా కృషి చేయాలని ఆయన దిశానిర్దేశం చేశారు.
మరోవైపు, తిరుపతిలో బుధవారం శ్రీవారి సర్వదర్శనానికి సంబంధించిన ఎస్ఎస్డీ (SSD) టోకెన్ల జారీని నిలిపివేసినట్లు టీటీడీ ప్రకటించింది. తిరుపతిలోని శ్రీనివాసం, విష్ణునివాసం, భూదేవి కాంప్లెక్స్లలో బుధవారం టోకెన్ల జారీ ఉండదని, శుక్రవారం నాటి దర్శనం కోసం గురువారం మధ్యాహ్నం నుండి యథావిధిగా టోకెన్ల జారీ ప్రక్రియ కొనసాగుతుందని వెల్లడించారు.
రెండు తెలుగు రాష్ట్రాల్లో దాదాపు 50 వేల ఆలయాలు ఉన్నాయని, వాటిలో శ్రీవారి సేవ ద్వారా భక్తులకు సేవలందించే అవకాశాలను గుర్తించాల్సి ఉందని రవిచంద్ర వివరించారు. సేవకుల పనితీరును బట్టి రేటింగ్ కేటాయించి, దాని ఆధారంగానే వారికి విధులను కేటాయించేలా ప్రణాళికలు సిద్ధం చేస్తున్నట్లు తెలిపారు. ఈ లక్ష్య సాధన కోసం గ్రూప్ సూపర్వైజర్లు సమష్టిగా కృషి చేయాలని ఆయన దిశానిర్దేశం చేశారు.
మరోవైపు, తిరుపతిలో బుధవారం శ్రీవారి సర్వదర్శనానికి సంబంధించిన ఎస్ఎస్డీ (SSD) టోకెన్ల జారీని నిలిపివేసినట్లు టీటీడీ ప్రకటించింది. తిరుపతిలోని శ్రీనివాసం, విష్ణునివాసం, భూదేవి కాంప్లెక్స్లలో బుధవారం టోకెన్ల జారీ ఉండదని, శుక్రవారం నాటి దర్శనం కోసం గురువారం మధ్యాహ్నం నుండి యథావిధిగా టోకెన్ల జారీ ప్రక్రియ కొనసాగుతుందని వెల్లడించారు.
