SRH: సన్ రైజర్స్ ఆల్ రౌండ్ షో... చిత్తుగా ఓడిన బెంగళూరు

కేన్ విలియమ్సన్ నాయకత్వంలోని సన్ రైజర్స్ హైదరాబాద్ విజయప్రస్థానం కొనసాగుతోంది. రాయల్ చాలెంజర్స్ బెంగళూరుతో మ్యాచ్ లో సన్ రైజర్స్ జట్టు 9 వికెట్ల తేడాతో ఘనవిజయం నమోదు చేసింది. 69 పరుగుల స్వల్ప లక్ష్యాన్ని 8 ఓవర్లలో ఛేదించింది. ఓపెనర్లు అభిషేక్ శర్మ (28 బంతుల్లో 47 రన్స్; 8 ఫోర్లు, 1 సిక్స్), కేన్ విలియమ్సన్ (16 నాటౌట్) బెంగళూరు బౌలర్లపై పూర్తి ఆధిపత్యం చెలాయించారు. చివర్లో అభిషేక్ శర్మ అవుటైనా, రాహుల్ త్రిపాఠి సిక్సర్ తో విన్నింగ్ షాట్ కొట్టాడు. ఈ విజయంతో సన్ రైజర్స్ జట్టు పాయింట్ల పట్టికలో రెండోస్థానానికి ఎగబాకింది.