kcr: యాదవుల ఆధ్వర్యంలో కేసీఆర్ చిత్రపటానికి విజయవాడలో పాలాభిషేకం!
తెలంగాణ ముఖ్యమంత్రి కేసీఆర్ చిత్రపటానికి విజయవాడలో పాలాభిషేకం చేశారు. యాదవ కులస్తులకు రాజ్యసభ సీటు అవకాశం ఇస్తామంటూ కేసీఆర్ ప్రకటించిన సంగతి తెలిసిందే. కేసీఆర్ ప్రకటన నేపథ్యంలో, యాదవ యువభేరి నాయకులు, కార్యకర్తలు ఓ కార్యక్రమాన్ని నిర్వహించారు. ఈ సందర్భంగా కేసీఆర్ చిత్రపటానికి పాలాభిషేకం చేశారు. యాదవ నేతకు రాజ్యసభ సీటును ప్రకటించేంత వరకు రాష్ట్ర వ్యాప్తంగా ప్రతి రోజు పాలాభిషేకాలు చేస్తూనే ఉంటామని ఈ సందర్భంగా నేతలు తెలిపారు. అభ్యర్థిని ప్రకటించిన తర్వాత అమరావతి నుంచి హైదరాబాద్ వరకు పాదయాత్ర చేసి, కనకదుర్గమ్మ అమ్మవారి ప్రసాదాన్ని కేసీఆర్ కు అందజేస్తామని చెప్పారు.
