‘రేపు నేనుంటానో లేదో’: నానా పటేకర్ చివరి మాటలు ఇవే!

సరిగ్గా నాలుగు రోజుల క్రితం నానా పటేకర్‌ తన మరణం గురించి పరోక్షంగా మాట్లాడారు. అక్టోబర్ 4న గోవాలోని డోనా పౌలాలో జరిగిన 'సమ్రాట్ క్లబ్ ఇంటర్నేషనల్' కార్యక్రమంలో ఆయన చివరిసారిగా ప్రజల మధ్య కనిపించారు. తెల్లటి కుర్తా, మెడలో తెల్లటి గమ్‌చాతో వేదికపైకి వచ్చిన ఆయన, గోవా మాజీ ముఖ్యమంత్రి మనోహర్ పారికర్‌ను స్మరించుకున్నారు. 

ఈ సందర్భంగా మరాఠీలో మాట్లాడుతూ "మనమందరం ఏదో ఒక రోజు వెళ్ళిపోవాల్సిందే. రేపు నేను ఇక్కడ ఉంటానో లేదో నాకు తెలియదు. ప్రతి ఒక్కరి జీవితం ఆ గమ్యానికి చేరాల్సిందే. కానీ అది జరగకముందు, నేను చేయాలనుకున్నది చేయగలుగుతున్నానా? అని నన్ను నేను ప్రశ్నించుకోవాలి" అని ఆయన వ్యాఖ్యానించారు.

ఆయన ఈ మాటలు అన్న 4 రోజులకే నిజంగానే ఈ లోకాన్ని విడిచి వెళ్ళిపోవడంతో ఆయన అభిమానులు, సన్నిహితులు కన్నీరుమున్నీరవుతున్నారు. ఆ మాటలు ఇంత త్వరగా నిజమవుతాయని ఎవరూ ఊహించలేకపోయారు. షాహిద్ కపూర్, తృప్తి డిమ్రి వంటి నటీనటులతో కలిసి నటించిన 'ఓ'రోమియో' నానా పటేకర్‌ చివరి చిత్రం. ఆయన మరణంతో భారతీయ సినిమా ఓ గొప్ప నటుడిని కోల్పోయింది.

భారత చలనచిత్ర పరిశ్రమలో తన విలక్షణ నటనతో, గంభీరమైన సంభాషణలతో కొన్ని దశాబ్దాలుగా ప్రేక్షకులను అలరించిన లెజెండరీ నటుడు నానా పటేకర్‌. చిత్రసీమలో తనకంటూ ఓ ప్రత్యేక స్థానాన్ని సంపాదించుకున్న ఆయన ఆకస్మిక మృతితో బాలీవుడ్‌తో పాటు యావత్ భారత సినీలోకం దిగ్భ్రాంతికి గురైంది.