పారిశ్రామిక విప్లవంలాగే ఏఐ.. ఆలోచించే ఉద్యోగాలను తినేస్తుంది: ఆర్జీవీ
- సృజనాత్మకత అవసరమైన ఉద్యోగాలను ఏఐ తొలగిస్తుందన్న వర్మ
- ఏఐని పారిశ్రామిక విప్లవంతో పోల్చిన విలక్షణ దర్శకుడు
- కోరుకున్నది నిజమైతే ప్రమాదమనే విషయాన్ని గుర్తుచేసిన ఆర్జీవీ
- మనోజ్ బాజ్పేయితో 'పోలీస్ స్టేషన్ మే భూత్' చిత్రం
- హర్షవర్ధన్ రాణేతో 'పోలీస్ కంపెనీ' సినిమాతో బిజీ
విలక్షణ దర్శకుడు రామ్ గోపాల్ వర్మ మరోసారి తనదైన శైలిలో సంచలన వ్యాఖ్యలు చేశారు. ఆర్టిఫిషియల్ ఇంటెలిజెన్స్ (ఏఐ) రాకతో మానవ మేధస్సుకు, సృజనాత్మకతకు ముప్పు పొంచి ఉందని హెచ్చరించారు. ఒకప్పుడు పారిశ్రామిక విప్లవం శారీరక శ్రమతో కూడిన ఉద్యోగాలను ఎలా అయితే తుడిచిపెట్టిందో, ఇప్పుడు ఏఐ ఆలోచనతో కూడిన ఉద్యోగాలను కనుమరుగు చేస్తుందని జోస్యం చెప్పారు.
ఈ అంశంపై తన సోషల్ మీడియా ప్లాట్ఫామ్ 'ఎక్స్'లో వర్మ ఓ సుదీర్ఘ పోస్ట్ పెట్టారు. "ఏఐని వెంటనే అందిపుచ్చుకోని వారి ఉద్యోగాలే ముందుగా కనుమరుగవుతాయి. సాంకేతికత ఎప్పుడూ మన సౌలభ్యం కోసమే రూపొందింది. శారీరక శ్రమ, సమయం వృథా చేసే పనుల నుంచి మనల్ని కాపాడటానికే అది ఉంది. మనం ఎప్పుడూ స్వేచ్ఛా సమయం కోరుకుంటాం. ఇప్పుడు ఏఐ మనకు ఆ స్వేచ్ఛను శాశ్వతంగా ఇచ్చేస్తోంది. మానవులుగా మనకు రెండు ఆస్తులు ఉన్నాయి.. ఒకటి కండబలం, మరొకటి ఆలోచించే మెదడు. పారిశ్రామిక విప్లవం కండబలాన్ని తుడిచిపెడితే, ఇప్పుడు ఏఐ మన మెదళ్లను తుడిచిపెడుతోంది. 'కోరుకున్నది నిజమైతే ప్రమాదం' అని చెప్పినట్లుగా ఇది జరుగుతోంది" అని వర్మ తన పోస్టులో విశ్లేషించారు.
ఇలా ఏఐపై తన అభిప్రాయాలను పంచుకున్న వర్మ, ప్రస్తుతం వరుస సినిమాలతో బిజీగా ఉన్నారు. మనోజ్ బాజ్పేయ్, జెనీలియా దేశ్ముఖ్ ప్రధాన పాత్రల్లో 'పోలీస్ స్టేషన్ మే భూత్' అనే చిత్రాన్ని తెరకెక్కిస్తున్నారు. దీనితో పాటు 'పోలీస్ కంపెనీ' అనే మరో ఆసక్తికర ప్రాజెక్టును కూడా రూపొందిస్తున్నారు. ఇందులో హర్షవర్ధన్ రాణే ప్రధాన పాత్ర పోషిస్తున్నారు.
'ఇది డి కంపెనీ కన్నా ప్రమాదకరం' అనేది 'పోలీస్ కంపెనీ' సినిమా ట్యాగ్లైన్. అదనపు అధికారాలు చేతికి వచ్చినప్పుడు ఒక పోలీస్ వ్యవస్థ ఎలా ఒక కంపెనీగా మారుతుందనే కథాంశంతో ఈ సినిమా ఉంటుందని వర్మ గతంలోనే వెల్లడించారు. దావూద్ ఇబ్రహీం, చోటా రాజన్ల మధ్య విభేదాలు తలెత్తిన తర్వాత ముంబై అండర్వరల్డ్లో ఏర్పడిన శూన్యత నేపథ్యంలో ఈ కథ సాగుతుందని తెలిపారు. ఇందులో హర్షవర్ధన్ రాణే.. దయా నాయక్ పాత్ర స్ఫూర్తితో రూపొందించిన క్యారెక్టర్లో నటిస్తున్నట్లు సమాచారం.
ఈ అంశంపై తన సోషల్ మీడియా ప్లాట్ఫామ్ 'ఎక్స్'లో వర్మ ఓ సుదీర్ఘ పోస్ట్ పెట్టారు. "ఏఐని వెంటనే అందిపుచ్చుకోని వారి ఉద్యోగాలే ముందుగా కనుమరుగవుతాయి. సాంకేతికత ఎప్పుడూ మన సౌలభ్యం కోసమే రూపొందింది. శారీరక శ్రమ, సమయం వృథా చేసే పనుల నుంచి మనల్ని కాపాడటానికే అది ఉంది. మనం ఎప్పుడూ స్వేచ్ఛా సమయం కోరుకుంటాం. ఇప్పుడు ఏఐ మనకు ఆ స్వేచ్ఛను శాశ్వతంగా ఇచ్చేస్తోంది. మానవులుగా మనకు రెండు ఆస్తులు ఉన్నాయి.. ఒకటి కండబలం, మరొకటి ఆలోచించే మెదడు. పారిశ్రామిక విప్లవం కండబలాన్ని తుడిచిపెడితే, ఇప్పుడు ఏఐ మన మెదళ్లను తుడిచిపెడుతోంది. 'కోరుకున్నది నిజమైతే ప్రమాదం' అని చెప్పినట్లుగా ఇది జరుగుతోంది" అని వర్మ తన పోస్టులో విశ్లేషించారు.
ఇలా ఏఐపై తన అభిప్రాయాలను పంచుకున్న వర్మ, ప్రస్తుతం వరుస సినిమాలతో బిజీగా ఉన్నారు. మనోజ్ బాజ్పేయ్, జెనీలియా దేశ్ముఖ్ ప్రధాన పాత్రల్లో 'పోలీస్ స్టేషన్ మే భూత్' అనే చిత్రాన్ని తెరకెక్కిస్తున్నారు. దీనితో పాటు 'పోలీస్ కంపెనీ' అనే మరో ఆసక్తికర ప్రాజెక్టును కూడా రూపొందిస్తున్నారు. ఇందులో హర్షవర్ధన్ రాణే ప్రధాన పాత్ర పోషిస్తున్నారు.
'ఇది డి కంపెనీ కన్నా ప్రమాదకరం' అనేది 'పోలీస్ కంపెనీ' సినిమా ట్యాగ్లైన్. అదనపు అధికారాలు చేతికి వచ్చినప్పుడు ఒక పోలీస్ వ్యవస్థ ఎలా ఒక కంపెనీగా మారుతుందనే కథాంశంతో ఈ సినిమా ఉంటుందని వర్మ గతంలోనే వెల్లడించారు. దావూద్ ఇబ్రహీం, చోటా రాజన్ల మధ్య విభేదాలు తలెత్తిన తర్వాత ముంబై అండర్వరల్డ్లో ఏర్పడిన శూన్యత నేపథ్యంలో ఈ కథ సాగుతుందని తెలిపారు. ఇందులో హర్షవర్ధన్ రాణే.. దయా నాయక్ పాత్ర స్ఫూర్తితో రూపొందించిన క్యారెక్టర్లో నటిస్తున్నట్లు సమాచారం.
