సీక్రెట్ చెబుతామంటూ సోషల్ మీడియాలో కుచ్చుటోపీ.. రూ. 8.33 కోట్లతో కేటుగాళ్లు పరార్
- ఆగస్టు 25న రహస్యం చెబుతామని భారీ స్కామ్
- ఇన్స్టాగ్రామ్, టెలిగ్రామ్ ద్వారా మోసానికి పాల్పడిన నిర్వాహకులు
- రహస్యం చూడటానికి ఒక్కొక్కరి నుంచి రూ. 502 వసూలు
- సుమారు 1.66 లక్షల మంది నుంచి రూ. 8.33 కోట్లు సేకరణ
- చివరికి ఏఐ వీడియో చూపించి డబ్బుతో పరారైన కేటుగాళ్లు
సోషల్ మీడియాలో ప్రజల ఆసక్తిని ఆసరాగా చేసుకుని కేటుగాళ్లు భారీ మోసానికి తెరలేపారు. ఓ పెద్ద రహస్యాన్ని బయటపెడతామని నమ్మించి, ఏకంగా రూ. 8.33 కోట్లు కొల్లగొట్టారు. ఇన్స్టాగ్రామ్, టెలిగ్రామ్ వేదికలుగా జరిగిన ఈ భారీ స్కామ్ ఆలస్యంగా వెలుగులోకి వచ్చింది.
వివరాల్లోకి వెళ్తే, '25th August 2026' పేరుతో ఉన్న ఒక ఇన్స్టాగ్రామ్ ఖాతా నిర్వాహకులు, తాము ఆ తేదీన ఒక కీలకమైన రహస్యాన్ని వెల్లడిస్తామని విస్తృతంగా ప్రచారం చేశారు. దీంతో ఆ ఖాతాపై విపరీతమైన ఆసక్తి పెరిగింది. అనతికాలంలోనే ఈ పేజీకి 4.26 లక్షల మందికి పైగా ఫాలోవర్లు వచ్చి చేరారు.
తమ ఫాలోవర్లను టెలిగ్రామ్ ఛానెల్కు మళ్లించిన నిర్వాహకులు, అసలు మోసానికి అక్కడ తెరతీశారు. ఆగస్టు 25న తాము చెప్పబోయే రహస్యాన్ని చూడాలంటే ప్రతి ఒక్కరూ రూ. 502 చెల్లించాలని నిబంధన విధించారు. ఆ రహస్యం ఏంటో తెలుసుకోవాలన్న ఆత్రుతతో సుమారు 1.66 లక్షల మంది డబ్బు చెల్లించారు. ఈ విధంగా, నిర్వాహకులు దాదాపు రూ. 8.33 కోట్లను వసూలు చేశారు.
తీరా సమయం వచ్చాక, డబ్బులు కట్టిన వారికి నిరాశే ఎదురైంది. నిర్వాహకులు వారికి చూపించింది కేవలం "సమయం చాలా విలువైంది" అనే సందేశం ఉన్న ఒక ఏఐ వీడియో మాత్రమే. ఈ వీడియోను చూపించి, డబ్బు వసూలు కాగానే తమ ఖాతాలను మూసివేసి అదృశ్యమయ్యారు. ఆన్లైన్లో కనిపించే ఆఫర్ల పట్ల అప్రమత్తంగా ఉండాలని, తెలియని ఖాతాలకు డబ్బు చెల్లించే ముందు జాగ్రత్త వహించాలని ఈ సంఘటన మరోసారి హెచ్చరిస్తోంది.
వివరాల్లోకి వెళ్తే, '25th August 2026' పేరుతో ఉన్న ఒక ఇన్స్టాగ్రామ్ ఖాతా నిర్వాహకులు, తాము ఆ తేదీన ఒక కీలకమైన రహస్యాన్ని వెల్లడిస్తామని విస్తృతంగా ప్రచారం చేశారు. దీంతో ఆ ఖాతాపై విపరీతమైన ఆసక్తి పెరిగింది. అనతికాలంలోనే ఈ పేజీకి 4.26 లక్షల మందికి పైగా ఫాలోవర్లు వచ్చి చేరారు.
తమ ఫాలోవర్లను టెలిగ్రామ్ ఛానెల్కు మళ్లించిన నిర్వాహకులు, అసలు మోసానికి అక్కడ తెరతీశారు. ఆగస్టు 25న తాము చెప్పబోయే రహస్యాన్ని చూడాలంటే ప్రతి ఒక్కరూ రూ. 502 చెల్లించాలని నిబంధన విధించారు. ఆ రహస్యం ఏంటో తెలుసుకోవాలన్న ఆత్రుతతో సుమారు 1.66 లక్షల మంది డబ్బు చెల్లించారు. ఈ విధంగా, నిర్వాహకులు దాదాపు రూ. 8.33 కోట్లను వసూలు చేశారు.
తీరా సమయం వచ్చాక, డబ్బులు కట్టిన వారికి నిరాశే ఎదురైంది. నిర్వాహకులు వారికి చూపించింది కేవలం "సమయం చాలా విలువైంది" అనే సందేశం ఉన్న ఒక ఏఐ వీడియో మాత్రమే. ఈ వీడియోను చూపించి, డబ్బు వసూలు కాగానే తమ ఖాతాలను మూసివేసి అదృశ్యమయ్యారు. ఆన్లైన్లో కనిపించే ఆఫర్ల పట్ల అప్రమత్తంగా ఉండాలని, తెలియని ఖాతాలకు డబ్బు చెల్లించే ముందు జాగ్రత్త వహించాలని ఈ సంఘటన మరోసారి హెచ్చరిస్తోంది.
