దేశంలో 8.7 కోట్ల మంది యువత ఖాళీ: నీతి ఆయోగ్
- వీరికి చదువు, ఉద్యోగం, శిక్షణ ఏదీ లేదన్న నివేదిక
- వీరిని 'నీట్' వర్గంగా పేర్కొన్న నీతి ఆయోగ్
- డిగ్రీ చదివినా 8 శాతం మందికే అర్హతకు తగ్గ ఉద్యోగాలు
- ఈ యువతలో 88 శాతం మంది ఇంటి పనుల్లోనే ఉన్నారని వెల్లడి
దేశంలో 15 నుంచి 29 ఏళ్ల మధ్య వయసున్న సుమారు 8.7 కోట్ల మంది యువత ప్రస్తుతం చదువుకోవడం, ఉద్యోగం చేయడం లేదా ఏదైనా నైపుణ్య శిక్షణ తీసుకోవడం వంటివి ఏమీ చేయకుండా ఖాళీగా ఉన్నారని నీతి ఆయోగ్ తన తాజా నివేదికలో వెల్లడించింది. ఇటువంటి యువతను 'నీట్' (Not in Education, Employment or Training - NEET) కేటగిరీ కింద వర్గీకరించింది. 'రీఇమైజినింగ్ స్కిల్లింగ్ ఫర్ వికసిత్ భారత్ @2047' పేరిట విడుదల చేసిన ఈ నివేదిక, దేశంలోని యువత ఉపాధి, నైపుణ్యాల పరిస్థితిపై కీలక విషయాలను బయటపెట్టింది.
2021 నాటి నేషనల్ శాంపిల్ సర్వే (ఎన్ఎస్ఎస్) డేటా ఆధారంగా ఈ నివేదికను రూపొందించారు. దీని ప్రకారం, 'నీట్' వర్గంలోని యువతలో దాదాపు 88 శాతం మంది గృహ సంబంధిత పనుల్లో నిమగ్నమై ఉన్నారు. డిగ్రీ పూర్తి చేసిన వారిలో కేవలం 8.25 శాతం మంది మాత్రమే తమ విద్యార్హతకు తగిన ఉద్యోగాల్లో స్థిరపడుతున్నారని నివేదిక పేర్కొంది. ప్రాక్టికల్ అనుభవం, పరిశ్రమల అవసరాలకు తగ్గ శిక్షణ కొరవడటమే ఈ పరిస్థితికి ప్రధాన కారణంగా గుర్తించింది.
ఈ సమస్యను అధిగమించేందుకు నీతి ఆయోగ్ పలు కీలక సూచనలు చేసింది. దేశంలోని వర్క్ఫోర్స్ను పాఠశాల విద్యార్థులు, ఉన్నత విద్య, ఫార్మల్, ఇన్ఫార్మల్ వర్కర్లు, 'నీట్' యువత, మహిళలు అనే ఐదు విభాగాలుగా విభజించింది. ముఖ్యంగా 'నీట్' యువత, మహిళలకు సరసమైన లేదా రాయితీలతో కూడిన నైపుణ్య శిక్షణ, ఆర్థిక సహాయం అందించాలని సిఫారసు చేసింది. స్థానిక అవసరాలు, స్వయం ఉపాధి, అభివృద్ధి చెందుతున్న రంగాలకు అనుగుణంగా శిక్షణా కార్యక్రమాలు రూపొందించాలని సూచించింది. 2014-15 నుంచి ఇప్పటివరకు దేశంలో 7.67 కోట్ల మందికి పైగా యువతకు నైపుణ్య శిక్షణ అందించినట్లు పేర్కొన్న నివేదిక, రాష్ట్రాలు తమ ప్రాంతీయ అవసరాలకు అనుగుణంగా ప్రత్యేక స్కిల్లింగ్ ప్రణాళికలు రూపొందించుకోవాలని స్పష్టం చేసింది.
2021 నాటి నేషనల్ శాంపిల్ సర్వే (ఎన్ఎస్ఎస్) డేటా ఆధారంగా ఈ నివేదికను రూపొందించారు. దీని ప్రకారం, 'నీట్' వర్గంలోని యువతలో దాదాపు 88 శాతం మంది గృహ సంబంధిత పనుల్లో నిమగ్నమై ఉన్నారు. డిగ్రీ పూర్తి చేసిన వారిలో కేవలం 8.25 శాతం మంది మాత్రమే తమ విద్యార్హతకు తగిన ఉద్యోగాల్లో స్థిరపడుతున్నారని నివేదిక పేర్కొంది. ప్రాక్టికల్ అనుభవం, పరిశ్రమల అవసరాలకు తగ్గ శిక్షణ కొరవడటమే ఈ పరిస్థితికి ప్రధాన కారణంగా గుర్తించింది.
ఈ సమస్యను అధిగమించేందుకు నీతి ఆయోగ్ పలు కీలక సూచనలు చేసింది. దేశంలోని వర్క్ఫోర్స్ను పాఠశాల విద్యార్థులు, ఉన్నత విద్య, ఫార్మల్, ఇన్ఫార్మల్ వర్కర్లు, 'నీట్' యువత, మహిళలు అనే ఐదు విభాగాలుగా విభజించింది. ముఖ్యంగా 'నీట్' యువత, మహిళలకు సరసమైన లేదా రాయితీలతో కూడిన నైపుణ్య శిక్షణ, ఆర్థిక సహాయం అందించాలని సిఫారసు చేసింది. స్థానిక అవసరాలు, స్వయం ఉపాధి, అభివృద్ధి చెందుతున్న రంగాలకు అనుగుణంగా శిక్షణా కార్యక్రమాలు రూపొందించాలని సూచించింది. 2014-15 నుంచి ఇప్పటివరకు దేశంలో 7.67 కోట్ల మందికి పైగా యువతకు నైపుణ్య శిక్షణ అందించినట్లు పేర్కొన్న నివేదిక, రాష్ట్రాలు తమ ప్రాంతీయ అవసరాలకు అనుగుణంగా ప్రత్యేక స్కిల్లింగ్ ప్రణాళికలు రూపొందించుకోవాలని స్పష్టం చేసింది.
