దుబాయ్లో సానియా మీర్జా రాజమహల్.. ప్రత్యేక ఆకర్షణగా సల్మాన్ ఖాన్ పెయింటింగ్!
- దుబాయ్లో టెన్నిస్ స్టార్ సానియా మీర్జా విలాసవంతమైన ఇల్లు
- గెస్ట్ రూంలో బాలీవుడ్ స్టార్ సల్మాన్ ఖాన్ స్వయంగా వేసిన పెయింటింగ్స్
- వంట చేయని "షో కిచెన్".. అసలు వంటగది స్విమ్మింగ్ పూల్ పక్కన
- తన అభిరుచికి తగ్గట్టు ఇంటిని స్వయంగా డిజైన్ చేసుకున్న సానియా
- కొడుకు ఇజాన్ కోసం ప్రత్యేక ప్లే ఏరియా.. అవార్డుల కోసం ప్రత్యేక గది
ప్రముఖ టెన్నిస్ స్టార్ సానియా మీర్జా దుబాయ్లోని తన విలాసవంతమైన ఇంటిని అభిమానులకు పరిచయం చేశారు. నటి అర్చనా పురన్ సింగ్, ఆమె భర్త పర్మీత్ సేథీ, వారి కుమారులతో కలిసి ఇటీవల సానియా ఇంటిని సందర్శించారు. ఈ సందర్భంగా సానియా స్వయంగా తన ఇంటిలోని ప్రతి గదిని చూపిస్తూ, దాని వెనుక ఉన్న విశేషాలను పంచుకున్నారు. ఈ ఇంటి ఇంటీరియర్ను పూర్తిగా తన అభిరుచికి తగ్గట్టు సానియానే డిజైన్ చేసుకోవడం గమనార్హం.
ఇంటి లోపలికి అడుగుపెట్టగానే రాజసం ఉట్టిపడేలా బంగారు, తెలుపు, నీలం రంగులతో కూడిన ఫార్మల్ లివింగ్ రూమ్ ఆకట్టుకుంటుంది. పురాతన వస్తువుల స్ఫూర్తితో రూపొందించిన ఈ గదిలో భారీ షాండ్లియర్ (జూమర్), గోల్డెన్ వాల్పేపర్, ఖరీదైన కార్పెట్లు, ఉర్దూలో రాసిన వాక్యాలతో ఉన్న ఫ్రేములు ప్రత్యేక ఆకర్షణగా నిలుస్తాయి. అయితే, తమ కుటుంబం ఎక్కువగా సమయం గడిపేది ఇక్కడికి దగ్గరలోనే ఉన్న ఇన్ఫార్మల్ లివింగ్ రూంలోనే అని సానియా తెలిపారు. టీవీ చూస్తూ, క్రికెట్ మ్యాచ్లు ఆస్వాదిస్తూ ఇక్కడే రిలాక్స్ అవుతామని ఆమె చెప్పారు.
ఈ ఇంటిలోని ఓ గెస్ట్ రూమ్ ప్రత్యేకంగా ఆకట్టుకుంటుంది. నలుపు, తెలుపు రంగుల థీమ్తో ఉన్న ఈ గదిలో బాలీవుడ్ కండల వీరుడు సల్మాన్ ఖాన్ స్వయంగా వేసి బహుమతిగా ఇచ్చిన పెయింటింగ్స్ ఉన్నాయి. నమాజ్ చేస్తున్న వ్యక్తి చిత్రపటాలు ఈ గది గోడలకు అందాన్ని తెచ్చాయి. ఇక ఇంట్లో ఓ 'షో కిచెన్' కూడా ఉంది. అయితే ఇందులో కేవలం కాఫీ మాత్రమే పెడతారని, వంట చేయరని సానియా నవ్వుతూ చెప్పారు. అసలైన వంటగది బయట స్విమ్మింగ్ పూల్ పక్కన ఉందని తెలిపారు.
కొడుకు ఇజాన్ కోసం ఇంటి బయట స్విమ్మింగ్ పూల్, గార్డెన్, విశాలమైన ప్లే ఏరియాను ఏర్పాటు చేశారు. ఇజాన్ గదిలో ప్లేస్టేషన్, డ్రమ్ సెట్, ఫుట్బాల్ టేబుల్ వంటివి ఉన్నాయి. వీటితో పాటు, ప్రార్థనల కోసం ఓ ప్రత్యేక గది, వాక్-ఇన్ వార్డ్రోబ్, తన కెరీర్లో గెలుచుకున్న పద్మశ్రీ వంటి అవార్డులను ప్రదర్శించేందుకు ఓ ప్రత్యేక స్థలాన్ని కూడా సానియా చూపించారు. ప్రస్తుతం దుబాయ్లో నివసిస్తున్నప్పటికీ, హైదరాబాద్లో తన సొంత స్థలంలో 'సానియా మీర్జా టెన్నిస్ అకాడమీ' (SMTA) నడుపుతున్నట్టు ఆమె తెలిపారు. తాను ఆవు పేడతో అలికిన టెన్నిస్ కోర్టుల్లో ప్రాక్టీస్ చేసిన రోజులతో పోల్చితే, నేటి తరానికి మెరుగైన సౌకర్యాలు అందించాలనే లక్ష్యంతో ఈ అకాడమీని నిర్మించినట్టు వివరించారు.
ఇంటి లోపలికి అడుగుపెట్టగానే రాజసం ఉట్టిపడేలా బంగారు, తెలుపు, నీలం రంగులతో కూడిన ఫార్మల్ లివింగ్ రూమ్ ఆకట్టుకుంటుంది. పురాతన వస్తువుల స్ఫూర్తితో రూపొందించిన ఈ గదిలో భారీ షాండ్లియర్ (జూమర్), గోల్డెన్ వాల్పేపర్, ఖరీదైన కార్పెట్లు, ఉర్దూలో రాసిన వాక్యాలతో ఉన్న ఫ్రేములు ప్రత్యేక ఆకర్షణగా నిలుస్తాయి. అయితే, తమ కుటుంబం ఎక్కువగా సమయం గడిపేది ఇక్కడికి దగ్గరలోనే ఉన్న ఇన్ఫార్మల్ లివింగ్ రూంలోనే అని సానియా తెలిపారు. టీవీ చూస్తూ, క్రికెట్ మ్యాచ్లు ఆస్వాదిస్తూ ఇక్కడే రిలాక్స్ అవుతామని ఆమె చెప్పారు.
ఈ ఇంటిలోని ఓ గెస్ట్ రూమ్ ప్రత్యేకంగా ఆకట్టుకుంటుంది. నలుపు, తెలుపు రంగుల థీమ్తో ఉన్న ఈ గదిలో బాలీవుడ్ కండల వీరుడు సల్మాన్ ఖాన్ స్వయంగా వేసి బహుమతిగా ఇచ్చిన పెయింటింగ్స్ ఉన్నాయి. నమాజ్ చేస్తున్న వ్యక్తి చిత్రపటాలు ఈ గది గోడలకు అందాన్ని తెచ్చాయి. ఇక ఇంట్లో ఓ 'షో కిచెన్' కూడా ఉంది. అయితే ఇందులో కేవలం కాఫీ మాత్రమే పెడతారని, వంట చేయరని సానియా నవ్వుతూ చెప్పారు. అసలైన వంటగది బయట స్విమ్మింగ్ పూల్ పక్కన ఉందని తెలిపారు.
కొడుకు ఇజాన్ కోసం ఇంటి బయట స్విమ్మింగ్ పూల్, గార్డెన్, విశాలమైన ప్లే ఏరియాను ఏర్పాటు చేశారు. ఇజాన్ గదిలో ప్లేస్టేషన్, డ్రమ్ సెట్, ఫుట్బాల్ టేబుల్ వంటివి ఉన్నాయి. వీటితో పాటు, ప్రార్థనల కోసం ఓ ప్రత్యేక గది, వాక్-ఇన్ వార్డ్రోబ్, తన కెరీర్లో గెలుచుకున్న పద్మశ్రీ వంటి అవార్డులను ప్రదర్శించేందుకు ఓ ప్రత్యేక స్థలాన్ని కూడా సానియా చూపించారు. ప్రస్తుతం దుబాయ్లో నివసిస్తున్నప్పటికీ, హైదరాబాద్లో తన సొంత స్థలంలో 'సానియా మీర్జా టెన్నిస్ అకాడమీ' (SMTA) నడుపుతున్నట్టు ఆమె తెలిపారు. తాను ఆవు పేడతో అలికిన టెన్నిస్ కోర్టుల్లో ప్రాక్టీస్ చేసిన రోజులతో పోల్చితే, నేటి తరానికి మెరుగైన సౌకర్యాలు అందించాలనే లక్ష్యంతో ఈ అకాడమీని నిర్మించినట్టు వివరించారు.
