'నౌల్' ప్రళయం... చైనాలో రెడ్ అలర్డ్
- దక్షిణ చైనాను తాకిన నౌల్ టైఫూన్
- గ్వాంగ్డాంగ్ ప్రావిన్స్లో 7 లక్షల మందికి పైగా తరలింపు
- హాంకాంగ్లో వందల విమానాలు, రైలు సర్వీసులు రద్దు
- పలు ప్రావిన్సుల్లో వరదలపై చైనా అత్యవసర హెచ్చరిక
- ఈ ఏడాది చైనాను తాకిన అత్యంత శక్తివంతమైన టైఫూన్ గా నమోదు
ఈ ఏడాది చైనాను తాకిన అత్యంత బలమైన టైఫూన్ 'నౌల్' దక్షిణ చైనాలో బీభత్సం సృష్టిస్తోంది. ఆదివారం తెల్లవారుజామున గ్వాంగ్డాంగ్ ప్రావిన్స్ తీరాన్ని తాకిన ఈ టైఫూన్ కారణంగా హాంకాంగ్తో సహా పలు ప్రాంతాలు అతలాకుతలమయ్యాయి. బలమైన గాలులు, భారీ వర్షాల నేపథ్యంలో అధికారులు 7 లక్షల మందికి పైగా ప్రజలను సురక్షిత ప్రాంతాలకు తరలించారు.
ఆదివారం ఉదయం 3:50 గంటల సమయంలో గ్వాంగ్డాంగ్లోని హుయిడాంగ్ కౌంటీ వద్ద నౌల్ తీరం దాటింది. ఆ సమయంలో గంటకు 110 కిలోమీటర్ల వేగంతో పెనుగాలులు వీచాయి. ముందు జాగ్రత్త చర్యగా ఒక్క గ్వాంగ్డాంగ్ ప్రావిన్స్లోనే 7,15,000 మంది ప్రజలను సురక్షిత ప్రాంతాలకు తరలించారు. 'నౌల్' ఈ ఏడాది చైనాను తాకిన 12వ ఉష్ణమండల తుపాను కాగా, ఈ నెలలో ఇది మూడోది.
టైఫూన్ ప్రభావం హాంకాంగ్పై తీవ్రంగా పడింది. ఆదివారం ఒక్కరోజే హాంకాంగ్ అంతర్జాతీయ విమానాశ్రయంలో సుమారు 350 విమాన సర్వీసులను రద్దు చేశారు. దీంతో దాదాపు 2,000 మంది ప్రయాణికులు ఎయిర్పోర్టులోనే చిక్కుకుపోయారు. గ్వాంగ్డాంగ్లో రైలు సర్వీసులను కూడా పూర్తిగా నిలిపివేశారు. హాంకాంగ్లో ఈదురుగాలులకు పలుచోట్ల చెట్లు కూలిపోయాయి. ఒక ఎత్తైన భవనానికి ఉన్న పరంజా (స్కాఫోల్డింగ్) కూలిపోగా, దాదాపు 9 మంది గాయపడినట్లు ప్రాథమిక సమాచారం.
ప్రస్తుతం ఈ టైఫూన్ తీరం దాటి భూభాగంలోకి ప్రవేశించి క్రమంగా బలహీనపడిందని వాతావరణ శాఖ అధికారులు తెలిపారు. అయినప్పటికీ, దీని ప్రభావంతో ఫుజియాన్, జియాంగ్సీ, హునాన్ వంటి దక్షిణ చైనాలోని పలు ప్రావిన్సులలో మంగళవారం వరకు భారీ నుంచి అతి భారీ వర్షాలు కురుస్తాయని అంచనా వేస్తున్నారు. ఈ నేపథ్యంలో చైనా ప్రభుత్వం ఆకస్మిక వరదలపై అత్యున్నత స్థాయి హెచ్చరికలు (రెడ్ అలర్ట్) జారీ చేసింది. పర్వత ప్రాంతాలు, నదులు, లోయల వద్ద ప్రజలు అప్రమత్తంగా ఉండాలని సూచించింది. కొరియన్ భాషలో 'నౌల్' అంటే 'సూర్యోదయం లేదా సూర్యాస్తమయం వెలుగు' అని అర్థం.
ఆదివారం ఉదయం 3:50 గంటల సమయంలో గ్వాంగ్డాంగ్లోని హుయిడాంగ్ కౌంటీ వద్ద నౌల్ తీరం దాటింది. ఆ సమయంలో గంటకు 110 కిలోమీటర్ల వేగంతో పెనుగాలులు వీచాయి. ముందు జాగ్రత్త చర్యగా ఒక్క గ్వాంగ్డాంగ్ ప్రావిన్స్లోనే 7,15,000 మంది ప్రజలను సురక్షిత ప్రాంతాలకు తరలించారు. 'నౌల్' ఈ ఏడాది చైనాను తాకిన 12వ ఉష్ణమండల తుపాను కాగా, ఈ నెలలో ఇది మూడోది.
టైఫూన్ ప్రభావం హాంకాంగ్పై తీవ్రంగా పడింది. ఆదివారం ఒక్కరోజే హాంకాంగ్ అంతర్జాతీయ విమానాశ్రయంలో సుమారు 350 విమాన సర్వీసులను రద్దు చేశారు. దీంతో దాదాపు 2,000 మంది ప్రయాణికులు ఎయిర్పోర్టులోనే చిక్కుకుపోయారు. గ్వాంగ్డాంగ్లో రైలు సర్వీసులను కూడా పూర్తిగా నిలిపివేశారు. హాంకాంగ్లో ఈదురుగాలులకు పలుచోట్ల చెట్లు కూలిపోయాయి. ఒక ఎత్తైన భవనానికి ఉన్న పరంజా (స్కాఫోల్డింగ్) కూలిపోగా, దాదాపు 9 మంది గాయపడినట్లు ప్రాథమిక సమాచారం.
ప్రస్తుతం ఈ టైఫూన్ తీరం దాటి భూభాగంలోకి ప్రవేశించి క్రమంగా బలహీనపడిందని వాతావరణ శాఖ అధికారులు తెలిపారు. అయినప్పటికీ, దీని ప్రభావంతో ఫుజియాన్, జియాంగ్సీ, హునాన్ వంటి దక్షిణ చైనాలోని పలు ప్రావిన్సులలో మంగళవారం వరకు భారీ నుంచి అతి భారీ వర్షాలు కురుస్తాయని అంచనా వేస్తున్నారు. ఈ నేపథ్యంలో చైనా ప్రభుత్వం ఆకస్మిక వరదలపై అత్యున్నత స్థాయి హెచ్చరికలు (రెడ్ అలర్ట్) జారీ చేసింది. పర్వత ప్రాంతాలు, నదులు, లోయల వద్ద ప్రజలు అప్రమత్తంగా ఉండాలని సూచించింది. కొరియన్ భాషలో 'నౌల్' అంటే 'సూర్యోదయం లేదా సూర్యాస్తమయం వెలుగు' అని అర్థం.
