ఆవులకు 'బెస్ట్ ఫ్రెండ్స్' ఉంటారు.. దూరమైతే తట్టుకోలేవు!
- మందలో కొన్ని ఆవులతో ప్రత్యేక స్నేహ బంధాలు
- మనషుల ముఖాలను, పాత సంఘటనలను గుర్తుంచుకోగల దీర్ఘకాలిక జ్ఞాపకశక్తి వాటి సొంతం
- భూమి అయస్కాంత క్షేత్రానికి అనుగుణంగా ఉత్తర-దక్షిణ దిశల్లో నిలబడటం
- దాదాపు 360 డిగ్రీల వీక్షణ సామర్థ్యం, కానీ కొన్ని బ్లైండ్ స్పాట్స్
- సంతోషం, భయం, ఆందోళన వంటి సంక్లిష్ట భావోద్వేగాలను ప్రదర్శించడం
ఆవులు అనగానే మనకు కేవలం పాలిచ్చే సాధు జంతువులుగానే తెలుసు. వాటికి పెద్దగా తెలివితేటలు గానీ, సంక్లిష్టమైన భావోద్వేగాలు గానీ ఉండవని చాలామంది భావిస్తారు. అయితే, ఈ సాధారణ అంచనాలను సవాలు చేస్తూ, ఆవుల గురించి శాస్త్రవేత్తలు జరిపిన పరిశోధనలు ఆశ్చర్యకరమైన వాస్తవాలను వెలుగులోకి తెస్తున్నాయి. వాటి మేధో, భావోద్వేగ సామర్థ్యాలపై మనకున్న అభిప్రాయాలను మార్చే సరికొత్త విషయాలను శాస్త్రీయ పరిశీలనలు బహిర్గతం చేస్తున్నాయి.
ఆవులకు 'బెస్ట్ ఫ్రెండ్స్' ఉంటారు!
పరిశోధనల ప్రకారం, ఆవులు తమ మందలో కొన్నింటితో ప్రత్యేకమైన స్నేహ బంధాలను ఏర్పరచుకుంటాయి. మేత మేయడానికైనా, విశ్రాంతి తీసుకోవడానికైనా తమ 'ఇష్టమైన స్నేహితుల' సాంగత్యాన్నే కోరుకుంటాయి. ఒకవేళ వాటిని ఆ స్నేహితుల నుంచి వేరు చేస్తే, అవి తీవ్రమైన ఒత్తిడికి గురవుతున్నట్లు శాస్త్రవేత్తలు గమనించారు. అదే సమయంలో, స్నేహితులతో ఉన్నప్పుడు అవి చాలా ప్రశాంతంగా, రిలాక్స్గా ఉంటున్నాయి. ఇది వాటి మధ్య బలమైన సామాజిక బంధాలు ఉన్నాయని సూచిస్తోంది.
అద్భుతమైన జ్ఞాపకశక్తి
ఆవులకు అద్భుతమైన దీర్ఘకాలిక జ్ఞాపకశక్తి ఉంటుంది. గతంలో ఎదురైన మనుషులను, ఇతర జంతువులను అవి చాలాకాలం పాటు గుర్తుంచుకోగలవు. ఒక వ్యక్తితో లేదా జంతువుతో వాటికి ఎలాంటి అనుభవం ఎదురైందనే దానిపై వాటి ప్రతిస్పందన ఆధారపడి ఉంటుంది. అంటే, ముఖాలను చూసి గత అనుభవాలను గుర్తుకు తెచ్చుకునే సామర్థ్యం వాటికి ఉందని స్పష్టమవుతోంది.
అయస్కాంత క్షేత్రాన్ని పసిగట్టే శక్తి
ఆవుల ప్రవర్తనలో అత్యంత ఆసక్తికరమైన అంశాల్లో ఒకటి, అవి భూమి అయస్కాంత క్షేత్రానికి అనుగుణంగా ప్రవర్తించడం. ప్రపంచవ్యాప్తంగా జరిపిన అనేక అధ్యయనాల్లో, ఆవులు మేస్తున్నప్పుడు లేదా పడుకున్నప్పుడు తరచుగా ఉత్తర-దక్షిణ దిశల్లో తమ శరీరాన్ని ఉంచుతున్నట్లు గమనించారు. దీని వెనుక ఉన్న కచ్చితమైన కారణం ఇంకా తెలియకపోయినా, పర్యావరణంపై వాటికి ఉన్న లోతైన అవగాహనకు ఇది నిదర్శనంగా నిలుస్తోంది.
దాదాపు 360-డిగ్రీల వీక్షణ
ఆవుల కళ్లు తలకు ఇరువైపులా ఉండటం వల్ల, అవి దాదాపు 360 డిగ్రీల పనోరమిక్ విజన్ను కలిగి ఉంటాయి. దీనివల్ల తమ చుట్టూ జరిగే కదలికలను సులభంగా పసిగట్టగలవు. అయితే, వాటి ముక్కుకు ముందు, తల వెనుక భాగంలో చిన్న బ్లైండ్ స్పాట్స్ ఉంటాయి. అందుకే ఆ దిశల నుంచి ఎవరైనా హఠాత్తుగా వాటి వద్దకు వస్తే ఉలిక్కిపడతాయి.
భావోద్వేగాల ప్రదర్శన
ఆవులు ఆసక్తి, ఉత్సాహం, భయం, బాధ వంటి అనేక రకాల భావోద్వేగాలను ప్రదర్శిస్తాయని పరిశోధకులు స్పష్టం చేస్తున్నారు. ముఖ్యంగా, తల్లావు తన దూడను రక్షించుకునే తీరు, మందలో అవి ప్రదర్శించే సామాజిక బంధాలు వాటిలో భావోద్వేగ లోతును తెలియజేస్తున్నాయి. ఆస్ట్రియాలో 'వెరోనికా' అనే ఆవు తన వీపును గోక్కోవడానికి కొన్ని వస్తువులను పరికరంగా ఉపయోగించడం వంటి సంఘటనలు, వాటికి సమస్యలను పరిష్కరించుకునే నైపుణ్యం కూడా ఉందని రుజువు చేస్తున్నాయి. ఈ ఆవిష్కరణలు పశువుల సంక్షేమం, వాటి నిర్వహణపై మరింత కరుణతో కూడిన పద్ధతులను అవలంబించాల్సిన అవసరాన్ని నొక్కి చెబుతున్నాయి.
ఆవులకు 'బెస్ట్ ఫ్రెండ్స్' ఉంటారు!
పరిశోధనల ప్రకారం, ఆవులు తమ మందలో కొన్నింటితో ప్రత్యేకమైన స్నేహ బంధాలను ఏర్పరచుకుంటాయి. మేత మేయడానికైనా, విశ్రాంతి తీసుకోవడానికైనా తమ 'ఇష్టమైన స్నేహితుల' సాంగత్యాన్నే కోరుకుంటాయి. ఒకవేళ వాటిని ఆ స్నేహితుల నుంచి వేరు చేస్తే, అవి తీవ్రమైన ఒత్తిడికి గురవుతున్నట్లు శాస్త్రవేత్తలు గమనించారు. అదే సమయంలో, స్నేహితులతో ఉన్నప్పుడు అవి చాలా ప్రశాంతంగా, రిలాక్స్గా ఉంటున్నాయి. ఇది వాటి మధ్య బలమైన సామాజిక బంధాలు ఉన్నాయని సూచిస్తోంది.
అద్భుతమైన జ్ఞాపకశక్తి
ఆవులకు అద్భుతమైన దీర్ఘకాలిక జ్ఞాపకశక్తి ఉంటుంది. గతంలో ఎదురైన మనుషులను, ఇతర జంతువులను అవి చాలాకాలం పాటు గుర్తుంచుకోగలవు. ఒక వ్యక్తితో లేదా జంతువుతో వాటికి ఎలాంటి అనుభవం ఎదురైందనే దానిపై వాటి ప్రతిస్పందన ఆధారపడి ఉంటుంది. అంటే, ముఖాలను చూసి గత అనుభవాలను గుర్తుకు తెచ్చుకునే సామర్థ్యం వాటికి ఉందని స్పష్టమవుతోంది.
అయస్కాంత క్షేత్రాన్ని పసిగట్టే శక్తి
ఆవుల ప్రవర్తనలో అత్యంత ఆసక్తికరమైన అంశాల్లో ఒకటి, అవి భూమి అయస్కాంత క్షేత్రానికి అనుగుణంగా ప్రవర్తించడం. ప్రపంచవ్యాప్తంగా జరిపిన అనేక అధ్యయనాల్లో, ఆవులు మేస్తున్నప్పుడు లేదా పడుకున్నప్పుడు తరచుగా ఉత్తర-దక్షిణ దిశల్లో తమ శరీరాన్ని ఉంచుతున్నట్లు గమనించారు. దీని వెనుక ఉన్న కచ్చితమైన కారణం ఇంకా తెలియకపోయినా, పర్యావరణంపై వాటికి ఉన్న లోతైన అవగాహనకు ఇది నిదర్శనంగా నిలుస్తోంది.
దాదాపు 360-డిగ్రీల వీక్షణ
ఆవుల కళ్లు తలకు ఇరువైపులా ఉండటం వల్ల, అవి దాదాపు 360 డిగ్రీల పనోరమిక్ విజన్ను కలిగి ఉంటాయి. దీనివల్ల తమ చుట్టూ జరిగే కదలికలను సులభంగా పసిగట్టగలవు. అయితే, వాటి ముక్కుకు ముందు, తల వెనుక భాగంలో చిన్న బ్లైండ్ స్పాట్స్ ఉంటాయి. అందుకే ఆ దిశల నుంచి ఎవరైనా హఠాత్తుగా వాటి వద్దకు వస్తే ఉలిక్కిపడతాయి.
భావోద్వేగాల ప్రదర్శన
ఆవులు ఆసక్తి, ఉత్సాహం, భయం, బాధ వంటి అనేక రకాల భావోద్వేగాలను ప్రదర్శిస్తాయని పరిశోధకులు స్పష్టం చేస్తున్నారు. ముఖ్యంగా, తల్లావు తన దూడను రక్షించుకునే తీరు, మందలో అవి ప్రదర్శించే సామాజిక బంధాలు వాటిలో భావోద్వేగ లోతును తెలియజేస్తున్నాయి. ఆస్ట్రియాలో 'వెరోనికా' అనే ఆవు తన వీపును గోక్కోవడానికి కొన్ని వస్తువులను పరికరంగా ఉపయోగించడం వంటి సంఘటనలు, వాటికి సమస్యలను పరిష్కరించుకునే నైపుణ్యం కూడా ఉందని రుజువు చేస్తున్నాయి. ఈ ఆవిష్కరణలు పశువుల సంక్షేమం, వాటి నిర్వహణపై మరింత కరుణతో కూడిన పద్ధతులను అవలంబించాల్సిన అవసరాన్ని నొక్కి చెబుతున్నాయి.
