Jaggareddy: డప్పు కొట్టి, డ్యాన్సు చేసి.. జగ్గారెడ్డి హోలీ సంబరాలు

టీపీసీసీ వర్కింగ్ ప్రెసిడెంట్, మాజీ ఎమ్మెల్యే జగ్గారెడ్డి తన స్నేహితులతో కలిసి సరదాగా స్టెప్పులు వేశారు. సంగారెడ్డిలో జరిగిన హోలీ సంబరాల్లో ఆయన పాల్గొన్నారు. ఈ వేడుకల్లో స్నేహితులు, కార్యకర్తలతో ఆయన పాల్గొన్నారు. కళాకారులతో కలిసి డప్పు కొట్టారు. ఆ తర్వాత స్నేహితులతో కలిసి డ్యాన్సు చేశారు. స్థానిక రామమందిరం వద్ద ఉట్టి కొట్టే కార్యక్రమంలో పాల్గొన్నారు.

సంగారెడ్డిలో జగ్గారెడ్డి ఆధ్వర్యంలో ఈ హోలీ వేడుకలు జరిగాయి. ఈ కార్యక్రమంలో ఆయన చిన్నారులతో పాటు ఆయన చిన్ననాటి మిత్రులు, కార్యకర్తలు, అభిమానులు పాల్గొన్నారు. సంగారెడ్డి బైపాస్‌లో ఈ హోలీ వేడుకలు నిర్వహించారు.

మరోవైపు, మేడ్చల్ ఎమ్మెల్యే చామకూర మల్లారెడ్డి బోయినపల్లిలోని తన నివాసంలో హోలీ వేడుకలు జరుపుకున్నారు. చిన్నారులతో కలిసి రంగులు చల్లుకుంటూ ఉత్సాహంగా గడిపారు. తన చిన్ననాటి నుంచి హోలీ వేడుకలను ఎంతో ఆనందంగా జరుపుకుంటున్నానని మల్లారెడ్డి తెలిపారు.