India vs South Africa: టీ20 వరల్డ్ కప్: దక్షిణాఫ్రికా చేతిలో టీమిండియా ఘోర పరాజయం
- టీ20 ప్రపంచకప్ సూపర్ 8లో టీమిండియాకు భారీ ఓటమి
- 76 పరుగుల తేడాతో చిత్తు చేసిన దక్షిణాఫ్రికా
- 188 పరుగుల లక్ష్య ఛేదనలో 111 పరుగులకే భారత్ ఆలౌట్
- ఒంటరి పోరాటం చేసిన శివమ్ దూబే.. విఫలమైన కీలక బ్యాటర్లు
- సఫారీ బౌలర్లలో మార్కో యాన్సెన్కు 4 వికెట్లు, బ్యాటింగ్లో మిల్లర్ అర్ధశతకం
టీ20 ప్రపంచకప్ 2026 సూపర్ 8 పోరులో టీమిండియాకు ఘోర పరాజయం ఎదురైంది. అహ్మదాబాద్లోని నరేంద్ర మోదీ స్టేడియంలో జరిగిన మ్యాచ్లో దక్షిణాఫ్రికా 76 పరుగుల భారీ తేడాతో భారత్ను చిత్తుగా ఓడించింది. తొలుత బ్యాటింగ్లో, ఆ తర్వాత బౌలింగ్లో సమష్టిగా రాణించిన సఫారీ జట్టు.. టీమిండియాను అన్ని విభాగాల్లోనూ దెబ్బతీసి అద్భుత విజయాన్ని అందుకుంది.
188 పరుగుల భారీ లక్ష్యంతో బరిలోకి దిగిన భారత జట్టుకు ఆరంభంలోనే గట్టి ఎదురుదెబ్బ తగిలింది. ఇన్నింగ్స్ తొలి ఓవర్లోనే ఇషాన్ కిషన్ (0) డకౌట్గా వెనుదిరగగా, ఆ వెంటనే తిలక్ వర్మ (1) కూడా పెవిలియన్ చేరాడు. దీంతో 5 పరుగులకే 2 వికెట్లు కోల్పోయి కష్టాల్లో పడింది. ఈ దశలో అభిషేక్ శర్మ (15), కెప్టెన్ సూర్యకుమార్ యాదవ్ (18) కాసేపు నిలదొక్కుకునే ప్రయత్నం చేసినా ఎక్కువసేపు క్రీజులో నిలవలేకపోయారు. వాషింగ్టన్ సుందర్ (11) కూడా విఫలమయ్యాడు.
ఒకవైపు వికెట్లు పడుతున్నా, ఆల్రౌండర్ శివమ్ దూబే (37 బంతుల్లో 42) ఒంటరి పోరాటం చేశాడు. అయితే అతనికి హార్దిక్ పాండ్యా (18) మినహా మరెవరి నుంచీ సహకారం అందలేదు. రింకూ సింగ్ (0) డకౌట్ కావడం జట్టును మరింత దెబ్బతీసింది. దీంతో భారత జట్టు 18.5 ఓవర్లలో 111 పరుగులకే ఆలౌట్ అయింది. దక్షిణాఫ్రికా బౌలర్లలో మార్కో యాన్సెన్ 4 వికెట్లతో చెలరేగగా, కేశవ్ మహరాజ్ 3, కార్బిన్ బాష్ 2 వికెట్లు పడగొట్టారు.
అంతకుముందు, టాస్ గెలిచి బ్యాటింగ్ ఎంచుకున్న దక్షిణాఫ్రికాకు ఆరంభంలో గట్టి షాక్ తగిలింది. జస్ప్రీత్ బుమ్రా అద్భుత బౌలింగ్తో క్వింటన్ డి కాక్ (6), ర్యాన్ రికెల్టన్ (7)లను ఔట్ చేయగా, అర్షదీప్ సింగ్ కెప్టెన్ మార్క్రమ్ (4)ను పెవిలియన్ పంపాడు. దీంతో సఫారీ జట్టు 20 పరుగులకే 3 వికెట్లు కోల్పోయి కష్టాల్లో పడింది. ఈ సమయంలో డెవాల్డ్ బ్రెవిస్ (45), డేవిడ్ మిల్లర్ (63) అద్భుత భాగస్వామ్యం నెలకొల్పారు. వీరిద్దరూ భారత బౌలర్లపై ఎదురుదాడికి దిగి స్కోరు బోర్డును పరుగులు పెట్టించారు.
ముఖ్యంగా మిల్లర్ కేవలం 35 బంతుల్లో 7 ఫోర్లు, 3 సిక్సర్లతో విధ్వంసం సృష్టించాడు. చివర్లో ట్రిస్టన్ స్టబ్స్ (24 బంతుల్లో 44 నాటౌట్) మెరుపు ఇన్నింగ్స్ ఆడటంతో దక్షిణాఫ్రికా నిర్ణీత 20 ఓవర్లలో 7 వికెట్ల నష్టానికి 187 పరుగుల భారీ స్కోరు సాధించింది. భారత బౌలర్లలో జస్ప్రీత్ బుమ్రా 4 ఓవర్లలో కేవలం 15 పరుగులిచ్చి 3 వికెట్లతో అద్భుతంగా రాణించాడు.
సూపర్-8 దశలో భారత్ తన తదుపరి మ్యాచ్ ను ఈ నెల 26న జింబాబ్వేతో ఆడనుంది. ఈ మ్యాచ్ చెన్నైలోని ఎంఏ చిదంబరం స్టేడియంలో జరగనుంది.
188 పరుగుల భారీ లక్ష్యంతో బరిలోకి దిగిన భారత జట్టుకు ఆరంభంలోనే గట్టి ఎదురుదెబ్బ తగిలింది. ఇన్నింగ్స్ తొలి ఓవర్లోనే ఇషాన్ కిషన్ (0) డకౌట్గా వెనుదిరగగా, ఆ వెంటనే తిలక్ వర్మ (1) కూడా పెవిలియన్ చేరాడు. దీంతో 5 పరుగులకే 2 వికెట్లు కోల్పోయి కష్టాల్లో పడింది. ఈ దశలో అభిషేక్ శర్మ (15), కెప్టెన్ సూర్యకుమార్ యాదవ్ (18) కాసేపు నిలదొక్కుకునే ప్రయత్నం చేసినా ఎక్కువసేపు క్రీజులో నిలవలేకపోయారు. వాషింగ్టన్ సుందర్ (11) కూడా విఫలమయ్యాడు.
ఒకవైపు వికెట్లు పడుతున్నా, ఆల్రౌండర్ శివమ్ దూబే (37 బంతుల్లో 42) ఒంటరి పోరాటం చేశాడు. అయితే అతనికి హార్దిక్ పాండ్యా (18) మినహా మరెవరి నుంచీ సహకారం అందలేదు. రింకూ సింగ్ (0) డకౌట్ కావడం జట్టును మరింత దెబ్బతీసింది. దీంతో భారత జట్టు 18.5 ఓవర్లలో 111 పరుగులకే ఆలౌట్ అయింది. దక్షిణాఫ్రికా బౌలర్లలో మార్కో యాన్సెన్ 4 వికెట్లతో చెలరేగగా, కేశవ్ మహరాజ్ 3, కార్బిన్ బాష్ 2 వికెట్లు పడగొట్టారు.
అంతకుముందు, టాస్ గెలిచి బ్యాటింగ్ ఎంచుకున్న దక్షిణాఫ్రికాకు ఆరంభంలో గట్టి షాక్ తగిలింది. జస్ప్రీత్ బుమ్రా అద్భుత బౌలింగ్తో క్వింటన్ డి కాక్ (6), ర్యాన్ రికెల్టన్ (7)లను ఔట్ చేయగా, అర్షదీప్ సింగ్ కెప్టెన్ మార్క్రమ్ (4)ను పెవిలియన్ పంపాడు. దీంతో సఫారీ జట్టు 20 పరుగులకే 3 వికెట్లు కోల్పోయి కష్టాల్లో పడింది. ఈ సమయంలో డెవాల్డ్ బ్రెవిస్ (45), డేవిడ్ మిల్లర్ (63) అద్భుత భాగస్వామ్యం నెలకొల్పారు. వీరిద్దరూ భారత బౌలర్లపై ఎదురుదాడికి దిగి స్కోరు బోర్డును పరుగులు పెట్టించారు.
ముఖ్యంగా మిల్లర్ కేవలం 35 బంతుల్లో 7 ఫోర్లు, 3 సిక్సర్లతో విధ్వంసం సృష్టించాడు. చివర్లో ట్రిస్టన్ స్టబ్స్ (24 బంతుల్లో 44 నాటౌట్) మెరుపు ఇన్నింగ్స్ ఆడటంతో దక్షిణాఫ్రికా నిర్ణీత 20 ఓవర్లలో 7 వికెట్ల నష్టానికి 187 పరుగుల భారీ స్కోరు సాధించింది. భారత బౌలర్లలో జస్ప్రీత్ బుమ్రా 4 ఓవర్లలో కేవలం 15 పరుగులిచ్చి 3 వికెట్లతో అద్భుతంగా రాణించాడు.
సూపర్-8 దశలో భారత్ తన తదుపరి మ్యాచ్ ను ఈ నెల 26న జింబాబ్వేతో ఆడనుంది. ఈ మ్యాచ్ చెన్నైలోని ఎంఏ చిదంబరం స్టేడియంలో జరగనుంది.
