అలాంటి రూల్ ఏమీ లేదు... షేక్ హ్యాండ్ వివాదంపై బీసీసీఐ కౌంటర్
ఆసియా కప్ 2025లో భారత్, పాకిస్థాన్ మ్యాచ్ అనంతరం చెలరేగిన 'హ్యాండ్షేక్' వివాదంపై భారత క్రికెట్ కంట్రోల్ బోర్డు (బీసీసీఐ) తీవ్రంగా స్పందించింది. మ్యాచ్ తర్వాత కరచాలనం చేయడం అనేది నిబంధనలలో లేదని, అది కేవలం స్నేహపూర్వక సంప్రదాయం మాత్రమేనని తేల్చి చెప్పింది. పాకిస్థాన్ చేసిన ఫిర్యాదుకు ఎలాంటి విలువా లేదని కొట్టిపారేసింది.
ఆసియా కప్లో భాగంగా పాకిస్థాన్పై భారత్ విజయం సాధించిన తర్వాత, భారత ఆటగాళ్లు ప్రత్యర్థి జట్టు సభ్యులతో కరచాలనం చేయకుండానే డ్రెస్సింగ్ రూమ్కు వెళ్లిపోయిన సంగతి తెలిసిందే. ఈ ఘటనపై పాకిస్థాన్ క్రికెట్ వర్గాలు తీవ్ర అభ్యంతరం వ్యక్తం చేశాయి. భారత ఆటగాళ్ల తీరుపై ఆసియా క్రికెట్ కౌన్సిల్ (ఏసీసీ)కు ఫిర్యాదు చేశారంటూ వార్తలు వచ్చాయి.
ఈ ఆరోపణలపై బీసీసీఐకి చెందిన ఓ సీనియర్ అధికారి పీటీఐ వార్తా సంస్థతో మాట్లాడుతూ ఘాటుగా బదులిచ్చారు. "ఎవరికైనా సందేహం ఉంటే, ముందుగా క్రికెట్ రూల్ బుక్ చదువుకోవాలి. ప్రత్యర్థి జట్టుతో కరచాలనం చేయాలనే నిబంధన ఎక్కడా లేదు. అది ఆటగాళ్ల మధ్య ఉండే స్నేహభావం, సత్సంబంధాలపై ఆధారపడి ఉంటుంది. అంతేతప్ప, అదొక చట్టం కాదు. కాబట్టి, భారత క్రికెటర్లు నిబంధనలను ఉల్లంఘించారనడంలో అర్థం లేదు" అని ఆయన స్పష్టం చేశారు.
మ్యాచ్ అనంతరం జరిగిన ప్రజెంటేషన్ కార్యక్రమానికి భారత కెప్టెన్ సూర్యకుమార్ యాదవ్, ప్లేయర్ ఆఫ్ ది మ్యాచ్ కుల్దీప్ యాదవ్ మాత్రమే హాజరయ్యారు. తాజా వివాదంతో ఇప్పటికే ఉద్రిక్తంగా ఉన్న ఇరు దేశాల క్రికెట్ సంబంధాలు మరింత దెబ్బతిన్నట్లు క్రీడా విశ్లేషకులు అభిప్రాయపడుతున్నారు.
ఆసియా కప్లో భాగంగా పాకిస్థాన్పై భారత్ విజయం సాధించిన తర్వాత, భారత ఆటగాళ్లు ప్రత్యర్థి జట్టు సభ్యులతో కరచాలనం చేయకుండానే డ్రెస్సింగ్ రూమ్కు వెళ్లిపోయిన సంగతి తెలిసిందే. ఈ ఘటనపై పాకిస్థాన్ క్రికెట్ వర్గాలు తీవ్ర అభ్యంతరం వ్యక్తం చేశాయి. భారత ఆటగాళ్ల తీరుపై ఆసియా క్రికెట్ కౌన్సిల్ (ఏసీసీ)కు ఫిర్యాదు చేశారంటూ వార్తలు వచ్చాయి.
ఈ ఆరోపణలపై బీసీసీఐకి చెందిన ఓ సీనియర్ అధికారి పీటీఐ వార్తా సంస్థతో మాట్లాడుతూ ఘాటుగా బదులిచ్చారు. "ఎవరికైనా సందేహం ఉంటే, ముందుగా క్రికెట్ రూల్ బుక్ చదువుకోవాలి. ప్రత్యర్థి జట్టుతో కరచాలనం చేయాలనే నిబంధన ఎక్కడా లేదు. అది ఆటగాళ్ల మధ్య ఉండే స్నేహభావం, సత్సంబంధాలపై ఆధారపడి ఉంటుంది. అంతేతప్ప, అదొక చట్టం కాదు. కాబట్టి, భారత క్రికెటర్లు నిబంధనలను ఉల్లంఘించారనడంలో అర్థం లేదు" అని ఆయన స్పష్టం చేశారు.
మ్యాచ్ అనంతరం జరిగిన ప్రజెంటేషన్ కార్యక్రమానికి భారత కెప్టెన్ సూర్యకుమార్ యాదవ్, ప్లేయర్ ఆఫ్ ది మ్యాచ్ కుల్దీప్ యాదవ్ మాత్రమే హాజరయ్యారు. తాజా వివాదంతో ఇప్పటికే ఉద్రిక్తంగా ఉన్న ఇరు దేశాల క్రికెట్ సంబంధాలు మరింత దెబ్బతిన్నట్లు క్రీడా విశ్లేషకులు అభిప్రాయపడుతున్నారు.
