'శేఖర్' చిత్రం ప్రదర్శనలు నిలిపివేత... ఎందుకంటే...!

రాజశేఖర్ హీరోగా నటించిన శేఖర్ చిత్రం ఈ నెల 20న ప్రేక్షకుల ముందుకు వచ్చింది. అయితే, శేఖర్ సినిమా ప్రదర్శనలు నిలిపివేయాలంటూ కోర్టు ఆదేశాలు ఇచ్చింది. అసలేం జరిగిందంటే... జీవితతో ఆర్థిక అంశాలపై వివాదం నేపథ్యంలో ఫైనాన్షియర్ పరంధామరెడ్డి హైదరాబాద్ సిటీ సివిల్ కోర్టును ఆశ్రయించారు. తీసుకున్న అప్పును జీవిత చెల్లించలేదని కోర్టులో పిటిషన్ వేశారు. 

దీనిపై విచారణ జరిపిన కోర్టు... నిర్దేశిత సమయంలోపు జీవిత డబ్బు చెల్లించాలని పేర్కొంది. అయితే, కోర్టు పేర్కొన్న సమయానికి జీవిత డబ్బు చెల్లించడంలో విఫలమయ్యారు. దాంతో, చిత్ర ప్రదర్శనలు నిలిపివేయాలంటూ కోర్టు ఆదేశాలు జారీ చేసింది. కాగా, తాను నటించిన శేఖర్ చిత్రం ఆగిపోవడానికి కొందరు కుట్రలకు పాల్పడడమే కారణమని హీరో రాజశేఖర్ ఆరోపించడం తెలిసిందే.